“Сәләм (фаиз) јејәнләр Гијамәт ҝүнү гәбирләриндән ҹин вурмуш кими галхарлар. Бу, онларын “алыш–вериш дә сәләм кими бир шејдир” – дедикләри уҹбатындандыр. Һалбуки, Аллаһ алыш-вериши һалал, сәләм алмағы исә һарам(гадаған) етмишдир...”(Гурани-Кәрим, Әл-Бәгәрә сурәси, 275-ҹи ајә)
“Филанкәс фәрасәтлиди, јахшы пул газаныр”... Сон онилликләрдә ән чох ешитдијимиз ҹүмләләрдән биридир. Бәс һәмин “филанкәс” нә гәдәр ҝүнаһ газаныр? Тәәссүф ки, бу, чохумузу дүшүндүрмүр. Әксәр валидејнләр өвладларына ”Бала, ҝет пул газан” –дејир. Ардынҹа “Ҝүнаһ газанма!” -демир. Етираф етмәк лазымдыр ки, артыг ҹәмијјәт дүшүнҹәсиндә һарам јолла пул газананлар өзләринә “һүгуги бәраәт” алыблар: ”Фәрасәти вар, газаныр. Баҹарырсан, сән дә газан”. Одур ки, ким јахшы доланырса, онун газанҹынын һалал-һарам олмасы иҹтимаи мүзакирә објектинә чеврилмир. Һәтта дүнјәви ганунларла ҹинајәт һесаб едилән оғурлуг, наркобизнес, коррупсија, рүшвәтхорлугла јашајанлар да, әҝәр һәбс едилмирсә, “фәрасәт” саһиби сајылыр...
Артыг 10-15 илдир ки, бир чох дүнјәви(!) өлкәләр кими Азәрбајҹанда да әһалинин бүтүн тәбәгәләрини әһатә едән ән чох јајылмыш һарам доланышыг јолу сәләмчилик вә кредитдир. Бу ҝүн данылмаз фактдыр ки, мәмләкәтимиздә халгын бир јарысы хариҹдә, әсасән Русијада ишләјән Азәрбајҹан вәтәндашларынын(!) ҝөндәрдији вәсаитлә, диҝәр бөјүк јарысы исә ҝөтүрдүкләри кредит вә сәләмлә доланыр. Һәтта бу ики доланышыг мәнбәјинин говушдуғу һаллар да чохдур. Мәсәлән, бир гардаш Азәрбајҹанда ҝөтүрдүјү кредити Русијада ишләјән гардашынын ҝөндәрдији пара илә өдәјир. Өлкәмиздә тикилән јени шәхси евләрин бир гисми вәзифәдә алынан рүшвәт, һарам тиҹарәт вә наркотикдән ҝәлән газанҹ һесабына тикилирсә, хејли һиссәси дә кредит вә сәләм пуллары һесабына уҹалдылыр...
Бах, халг бу јолларла “фираван” јашајыр. Тәбии ки, рүшвәтин, оғурлуғун һарам сајылмадығы бир јердә фаизин, рибанын һарам олдуғуну анлатмаг чәтиндир. Һәр кәс бир јолла өзүнә бәраәт газандырмаға чалышыр. Тәәссүф ки, дин хадимләринин дә сәләм вә кредитин һарам олмасы барәдә сөһбәтләринә чох аз раст ҝәлинир. Һалбуки, сәләм једди ән ағыр ҝүнаһдан биридир вә Гурани-Кәримдә Аллаһ-Тәала ајдын шәкилдә бујурур:
”Сәләм јејәнләр Гијамәт ҝүнү гәбирләриндән ҹин вурмуш кими галхарлар. Бу, онларын “Алыш-вериш дә сәләм кими бир шејдир” – дедикләри уҹбатындандыр. Һалбуки, Аллаһ алыш-вериши һалал, сәләми исә һарам(гадаған) етмишдир. Инди һәр кәс Рәбби тәрәфиндән ҝәлән нәсиһәти гәбул етмәклә бу ишә сон гојарса, кечмишдә алдығы сәләмләр онундур(она бағышланар). Онун иши Аллаһа аиддир. Амма јенидән сәләмчилијә гајыданлар ҹәһәннәмликдирләр вә орада һәмишәлик галаҹаглар”(Әл-Бәгәрә, 275).
СӘЛӘМ ВЕРӘНЛӘР ДӘ, АЛАНЛАР ДА АЛЛАҺЛА МҮҺАРИБӘ ЕДИРЛӘР...
Бәзиләри иддиа едирләр ки, ҝуја сәләм аланлар јох, сәләм верәнләр ҝүнаһ дашыјыр. Сәләм аланлар өзләринә онунла да һагг газандырырлар ки, онлар мәҹбуријјәт гаршысында буна ҝедирләр. Доғрудур, дүнјада, о ҹүмләдән мәмләкәтимиздә һәдсиз еһтијаҹ ичиндә јашајан инсанлар чохдур. Вә илк бахышдан онлары сәләмә, фаизли кредитә әл атмагда гынамаг да олмур. Лакин чохлары әлләриндә олан һалал газанҹ васитәләриндән(мәсәлән: һәјәтјаны саһәдән, пај торпағындан, мал-гарадан вә с.) истифадәдә тәнбәллик етдијиндән ән асан доланышыг јолу кими фаизли борҹа баш вурур. Һәм дә беләләри фаизә ҝөтүрдүкләри пулу да гәнаәтлә хәрҹләмир, о гәдәр дә еһтијаҹ олмајан әрзаг вә ҝејим нөвләринә пара верәрәк исрафчылыг едирләр. Одур ки, илләрлә фаизин “алтындан” чыха билмирләр. Јәни, јохсул инсанларын хејлиси һалал зәһмәтлә доланышыг јолларына баш вурмадан, газандығына гәнаәт етмәдән дәрһал һарам јола әл атырлар. Бунун да әсас сәбәби һарам батаглығында боғулан јухарыларын ҝөстәрдији “нүмунәдир”.
Икинҹиси, Гурани-Кәримдә башга гида тапмадыгда, ифрат зәрурәт һалларында һарам әт јемәјә иҹазә верән ајәләр олдуғу һалда, фаизлә пул ҝөтүрмәјә изн верән һеч бир ҹүмлә дә јохдур.
Үчүнҹүсү, мәнтиглә инсан һарам ишә шәрикдирсә, әсас ҝүнаһкарла бәрабәр о да ҝүнаһ дашыјыр вә ҹәзаја мәһкумдур. Дүнјәви һүгугда да ҹинајәтә шәрик олан вә ја јардым едән шәхс ҹәзаландырылыр. Бу, она бәнзәјир ки, мәсәлән, спиртли ички истеһсалчысына, јахуд оғурлуг едәнә бу вә ја диҝәр бир формада јардым едәсән, сонра да дејәсән ки, мәним онун һарам иши илә, ҝүнаһы илә, ҹинајәти илә һеч бир әлагәм јохдур...
Үстәлик, пејғәмбәримизин(ә.с.) һәдисләриндә дә сәләм верәнлә бәрабәр сәләм өдәјәнләр дә ләнәтләнир. Исламеви.аз сајтында бу барәдә ҝөзәл бир һәдисә раст ҝәлдим: ”Аллаһ-Тәала сәләм ҹамаатына мүһарибә елан едир вә Аллаһын Рәсулу(ә.с.) сәләм верәнә, сәләм өдәјәнә, сәләмин гејдијјатыны апарана(јазана) вә бу сөвдәјә шаһидлик едән ики шәхсә ләнәт етмишдир. (Мүслим, “Сәһиһ”, 11/36 №1598-Нәвәви), Ҹабир һәдиси)”...
Әбу Зубејр адлы шәхсин Ҹабир ибн Абдулланын васитәсилә Муһәммәд пејғәмбәрдән(с.а.в.) нәгл етдији диҝәр һәдисдә исә белә бујрулрур: “Рәсулуллаһ рибаны(фаиз) јејәнә, једирдәнә(јәни алана-С.Л.), мүгавиләни тәртиб едәнә ләнәт етди вә “Онлар бәрабәрдирләр(ејни сәвијјәдәдирләр)”-деди.((Мүслим, Мусәгат, 19101598)”Мүсәлманлар” дини-елми сајты).
Демәли, нәинки сәләм өдәјәнләр, үмумијјәтлә бу просесдә иштирак едән һәр бир шәхс(мәсәлән, кредит тәшкилатында вә ја банкда ишләјәнләр) Јарадан гаршысында ҝүнаһкардыр...
СӘЛӘМ ЈЕМӘК НӘҸИС ЈЕМӘЈӘ БӘРАБӘРДИР
Рәвајәт олунур ки, нечә илләрдир өвлады олмајан бир гадын Аллаһа јалварараг вәд едир ки, она бир өвлад јетирсә, инсан нәҹиси јејәҹәк. Вахт өтүр, Јарадан һәмин гадына бир өвлад јетирир. Анҹаг гадын Аллаһ-Тәалаја вердији вәди јеринә јетирә билмир. Пејғәмбәримизин(ә.с.) јанына пәнаһ апарыб чыхыш јолу ҝөстәрмәјини диләјир. Рәсулуллаһ(ә.с.) бујурур ки, еј гадын, сәләмә пул версән, јахуд ҝөтүрсән вә онун газанҹындан әрзаг алыб јесән, онда санки нәҹис јемиш кими оларсан...
Бәзи һәдисләрдә бир дәфә сәләм газанҹыны јемәк Кәбәдә(әғстәфүруллаһ) 70 дәфә зина етмәјә бәрабәр тутулур. Бунун даһа ағыр бир мүгајисәси вар ки, ону дилә ҝәтирмәјә утанырам...
СӘЛӘМИН ИҸТИМАИ-СИЈАСИ ФӘСАДЛАРЫ
Һәрбдә белә бир принсип вар: “Командирин әмри мүзакирә олунмур”. Амма биз инсанлар нә гәдәр һәддини ашмышыгса, президентин, иҹра башчысынын, полисин һәр һансы бир әмри, ҝөстәришиндән горха-горха данышырыг, амма Аллаһ-Тәаланын әмрини мүзакирә етмәјә ҹүрәт едирик: “зина нијә гадағандыр?”,”ички нијә һарамдыр?” вә с. Јенә дә бир мүсәлман кими анламајанлар үчүн бәзи нәснәләри анлатмаға мәҹбуруг. Сәләмин гадаған олунмасынын сәбәбләрини ҝөрмәк үчүн алим олмаг ҝәрәк дејил. Чохумуз буну анлајыр, садәҹә, нәфсимизин басгысы илә өзүмүзү билмәзлијә гојуруг. Сәләм ән асан, зәһмәтсиз ҝәлир васитәсидир. Одур ки, ҹәмијјәтдә ифрат тәбәгәләшмә јаратмагла, јәни кичик бир групу сүрәтлә варландырыб әксәријјәти мүфлисләшдирмәклә әдаләтсизлији, зүлмү артырыр. Мәсәләјә даһа ҝениш буҹагдан бахсаг, ҝөрәрик ки, дөври-гәдимдән Аллаһын, Исламын дүшмәнләрини варландырыб мүсәлманлар үзәриндә һаким едән амилләрдән ән әсасы сәләмдир. Пејғәмбәримиз(с) дә һәм ҹаһилијјә дөврүндә, һәм дә артыг мүсәлманлығын јајылдығы заманларда ајдын шәкилдә ҝөрүрдү ки, кафирләрин, мүшрикләрин, јәһудиләрин әсас ҝәлир мәнбәји сәләмдир. Одур ки, Аллаһын әмри илә өз үммәтинә сәләмдән узаг дурмағы бујурурду.
Тарихи изләсәк, Франса ингилабындан, Маркс-Енҝелсдән, Лениндән, Октјабр ингилабындан үзү бәри дүнјаны гатыб-гарышдыран һадисә вә просесләрин архасында дајанан олигархларын – масонларын, о ҹүмләдән АБШ, Франса кими дөвләтләрин әсас ҝәлир мәнбәләри мәһз сәләмдир, кредитдир... АБШ, Дүнја Банкы, Бејнәлхалг валјута Фонду вә с. Азәрбајҹан кими өлкәләрә ҹанлары јандығындан кредит вермир, биринҹиси, онлары өзүндән асылы вәзијјәтә салыб ҝөзүкөлҝәли едир, икинҹиси дә һәмин кредитдән алдығы фаизләрлә өз капиталыны артырыб даһа да ҝүҹләнир.
Бу ҝүн АБШ-ын, масонларын нәзарәти алтында олан”Сорос” фонду,
“ФИНҜА”, “КРЕД.АГРО”
кими тәшкилатлар аҹлыгдан әзијјәт чәкән вә ја Азәрбајҹан кими инкишаф(?) етмәкдә олан өлкәләрин сакинләринә ҝуја јахшылыг едәрәк кичик кредитләр вериб онларын бизнесинә, доланышығына шәраит јарадыр. Амма бу нәһәнҝ сәләмчиләрин әсас нијјәти әввәла, ифрат варланмаг, икинҹиси, бәшәр әһлини, хүсусән дә мүсәлман вә түркләри јолдан чыхарыб даһа чох һарама вадар етмәк(ҹәһәннәмә ҝедән өзүнә јолдаш ахтарар), үчүнҹүсү, дүнја сакинләрини мүмкүн гәдәр асылы вәзијјәтдә вә нәзарәтдә сахламагдыр. Әҹнәбиләрә бағлы тәшкилатларын дүрүстлүклә, өз банкларымыздан фәргли олараг һеч бир “шапка” алмадан вердији сәләмә ширникләнән биз түрк вә мүсәлманлар ону да дәрк етмирик ки, өдәдијимиз фаизләр ҝүндән-ҝүнә даһа да варландырдығымыз дүшмәнләримизин әлиндә ҝүлләләрә, мәрмиләрә, бомбалара, ракетләрә чевриләрәк Гарабағда, Ирагда, Фәләстиндә, Әфганыстанда, Түркијәдә, Пакистанда кафир ордуларынын вә онларын тәшкил едиб малијјәләшдирдији “ислам террорчулары”нын васитәсилә башымыза јағыр, өвладларымызы, гардаш-баҹыларымызы, ат
