Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Али Милли Тәһлүкәсизлик Шурасынын катиби Сејид Ҹәлили Авропа Иттифагынын (АИ) хариҹи сијасәт үзрә али комиссары Кетрин Ештона нүвә данышыгларынын “мәнтигдән кәнар” нәтиҹәләри вә Иран халгына гаршы гејри-гануни васитәләрдән истифадә олунмасы барәдә хәбәрдарлыг мәктубу ҝөндәриб.
Иранын “консептуал вә мәнтиги” тәклифләрини, һәмчинин Москва данышыгларында “алтылығын” тәклифләринин мәнтиги вә дәгиг дәјәрләндирмәсини гејд едән Сејид Ҹәлили вурғулајыб ки, Ислам Һөкүмәти һәмишә данышыгларда ирәлиләјишин вә консенсусун әлдә олунмасына јардым етмәк үчүн тәшәббүс ҝөстәрмәјә һазырдыр.
Истанбул, Бағдад вә Москвада кечирилән данышыглар просесини дәјәрләндирән С.Ҹәлили билдириб ки, уғурлу нәтиҹәләрин әлдә олунмасы үчүн данышыгларын әмәкдашлыг вә етибар принсипләринә әсасланан мүәјјән шәртләр алтында кечирилмәси зәруридир.
Ҹәлили хәбәрдарлыг едиб: “Данышыглар заманы гејри-гануни васитәләрдән истифадә едәҹәк тәрәф конструктив данышыглара вурулаҹаг истәнилән зәрәрә ҝөрә ҹавабдеһлик дашыјыр”.
Диггәт: Хәбәрдән истифадә етдикдә мәнбәјә истинад лазымдыр
