Әһли Бејт -АБНА- хәбәр аҝентлијинин вердији хәбәрә әсасән Хүсуси Дөвләт Мүһафизә Хидмәтинин (ХДМХ) “Бетта” групунун сабиг әмәкдашы, баш лејтенант Асиф Ләтифова гаршы тәзјигләр давам едир. Асиф Ләтифовун мүдафиәчиси Силаһлы Гүввәләрә Демократик Вәтәндаш Нәзарәти Азәрбајҹан Мәркәзинин директору, һүгуг мүдафиәчиси Әләкбәр Мәммәдов “Азадлыг”а билдириб ки, һазырда баш лејтенант барәдә сахта иттиһамларла башланан ҹинајәт ишинин истинтагы давам етдирилир: “Һәлә истинтаг ҝетдији үчүн мән деталлара вармаг истәмирәм. Бизи истинтаг сиррини јајмагда иттиһам едә биләрләр. Лакин ону дејим ки, Асиф Ләтифов барәдә 228.1 (ганунсуз силаһ сахлама) вә 232.2.3 (гуллуг мөвгејиндән истифадә етмәклә одлу силаһы, дөјүш сурсатыны, партлајыҹы маддәләри вә гурғулары талама вә ја һәдә-горху илә тәләб етмә) маддәләрилә ҹинајәт иши башланыб. Тамамилә абсурд иттиһамлардыр. Әввәла Асиф Ләтифов 1 ил 3 ај әввәл тәдбир заманы ҝүллә тапыб вә ону чалышдығы гурумун мүфәттиш тәшкилат идарәсинин рәиси мүавини полковник Мүшфиг Мәммәдова тәһвил вериб. Әҝәр Асифин әмәлиндә ҹинајәт тәркиби вар идисә, нә үчүн бу мәсәлә 1 ил 3 ајдан сонра габардылыб? Диҝәр тәрәфдән Асиф нә силаһ сахлајыб, нә дә силаһ талајыб. О, садәҹә бир ҝүллә тапыб вә ону да тәһвил вериб. Бурада һансы ҹинајәтдән сөһбәт ҝедә биләр? Биз һесаб едирик ки, бу Асифә гаршы гәрәздән ирәли ҝәлир”.
Асиф Ләтифов нијә һәдәфә ҝәлиб?
Әләкбәр Мәммәдов Асиф Ләтифовла ХДМХ рәһбәрлији арасындакы јаранмыш проблемин көкүнә диггәт чәкәрәк хатырладыб ки, баш лејтенант гурумда коррупсија фактларынын үстүнү ачдығы үчүн һәдәфә ҝәлиб: “Әввәлҹә Асиф Ләтифова гаршы чалышдығы гурумда тәзјигләр башланылыб. Она гаршы ән абсурд иттиһамлар ирәли сүрүлүб. Мәсәлән, Асиф Ләтифов Милли Тәһлүкәсизлик Назирлији илә әмәкдашлыг етмәкдә ҝүнаһландырылыб. Санки Асиф Ләтифов һансыса өлкәнин хариҹи кәшфијјаты органы илә ишбирлијиндәдир. Даһа сонра Асиф Ләтифов гејри-гануни олараг хидмәти ујғунсузлуг маддәсилә ишдән чыхарылыб. О, һүгуглары уғрунда мүбаризәјә башладыгдан сонра тәзјигләр даһа шиддәтли характер алыб. Ыш вахты травма алмасына рәғмән Асиф Ләтифова әлиллик дәрәҹәси верилмәмәси, она чатаҹаг сығорта пулуну вермәкдән имтина едилмәси вә с. бу кими фактлары нүмунә ҝөстәрмәк олар. Мәтбуатда, о ҹүмләдән ”Азадлыг" гәзетиндә Асиф Ләтифова гаршы һансы тәзјигләрин олдуғу, она һансы ојунлар гурулмасы барәдә јазылыб. Она ҝөрә дә бу барәдә ҝениш данышмаг истәмирәм. Диггәтинизә чатдырым ки, Асиф Ләтифовла бағлы мәсәлә иҹтимаиләшәндән сонра биз бәзи проблемләрин һәллинә наил ола билдик. Мәсәлән, мәһкәмә јолу илә дә олса, сығорта пулуну алдыг".
Әләкбәр Мәммәдов Асиф Ләтифовун ишдән чыхарылмасындан данышаркән мараглы бир мәсәләјә тохунуб: “Асиф Ләтифовла онун командири Фикрәт Рзајевин арасында мүәјјән проблемләр олуб. Бунун көкүндә исә шәхси мәсәлә дајаныр. Фикрәт Рзајев һәр фүрсәтдә Асиф Ләтифову ишдән чыхармаг истәјирмиш. Бундан башга Асиф Ләтифовун сөзләринә ҝөрә, Фикрәт Рзајев һәр ај ишчиләрин маашындан 30 манат пул тутурмуш. Һәмчинин тәдбирләрдә ишчиләр үчүн нәзәрдә тутулан ”конверт"ләри онлара вермирмиш. Бәјләр Әјјубовун јахын гоһуму олан Фикрәт Рзајев Асиф Ләтифовун бүтүн бунлара етираз етмәсинә дөзә билмәјиб онун ишдән чыхарылмасына наил олуб".
ХДМХ-дә мүәммалы өлүмләр
Һүгуг мүдафиәчиси Асиф Ләтифова истинадән ХДМХ-дә мүәммалы өлүмләрин олдуғуну да гејд едиб: “Асиф Ләтифов барәдә 1 ил 3 ај бундан әввәл олмуш бир һадисәјә ҝөрә ҹинајәт иши башланыб. Амма Асиф Ләтифов дејир ки, гурумда бир сыра мүәммалы өлүмләр олуб. Буна мисал олараг Хүсуси Дөвләт Мүһафизә Хидмәтинин кадрлар шөбәсинин кечми рәиси Мүбариз Камиловун өлүмүнү ҝөстәрмәк олар. Биз һәлә бу мәсәләни габартмаг истәмирик. Гысаҹа дејим ки, бу ишдә ики ҝенералын ады кечир. Ад чәкмирик. Амма јахын вахтларда Мүбариз Камиловун өлүмү илә бағлы ҝениш ачыглама веиләҹәк. Јахшы оларды ки, бу олајла бағлы ҹинајәт иши башлансын. Мүбариз Камиловун нијә вә кимләрин тәзјигиндән сонра интиһар етдији арашдырылсын. Ону да гејд едим ки, Мүбариз Камилов Асиф Ләтифовун атасынын досту олуб. Еһтимал етмәк олар ки, баш лејтенантын ишдән чыхарылмасында бу мәсәләнин дә ролу олуб. Јәни, гурумун рәһбәрлији Асиф Ләтифовун бу мәсәләни дә габардаҹағыны билиб, һансыса бәһанә илә ону ишдән чыхарыблар. Сонрадан десинләр ки, Асиф Ләтифов ишдән чыхарылдығына ҝөрә онларын үнванына бу ҹүр ағыр иттиһамлар сәсләндирир”.
Әләкбәр Мәммәдов ад чәкмәсә дә, еһтимал етмәк олар ки, о, бу мәсәләдә Бәјләр Әјјубовла Вагиф Ахундову нәзәрдә тутур. “Азадлыг” бу истигамәтдә арашдырмалара башлајыб. Һансыса мәлуматлар әлдә едән кими охуҹуларын диггәтинә чатдыраҹағыг.
МТН-нин адындан сәвијјәсиз јохлама
Әләкбәр Мәммәдов дејиб ки, Асиф Ләтифову мүдафиә етдијинә ҝөрә она да тәзјигләр олунур: “Мәнә хәбәр вердиләр ки, МТН-нин ики әмәкдашы јашадығым үнвана ҝәләрәк барәмдә мәлумат топламаг истәјибләр. Мән бу мәсәләни арашдырдыгдан сонра бәлли олду ки, барәмдә мәлумат топламаг истәјәнләр МТН-нин ”Гартал" групунун әмәкдашларыдыр. Өјрәндим ки, бу групун рәһбәри ҝенерал Ҹејһун Рзајевдир. Ҹејһун Рзајев Фикрәт Рзајевин гардашы оғлудур. Ҝөрүнүр, о, әмисини мүдафиә етмәк үчүн вәзифә сәлаһијјәтләрини ашараг белә бир аддым атыб. Мән әминәм ки, бу мәлумат топлама әмәлијјаты МТН сәвијјәсиндә һәјата кечирилмәјиб. Чүнки МТН-нин белә сәвијјәсиз әмәлијјат кечирмәсинә инанмырам. Ҹејһун Рзајевин диггәтинә исә ону чатдырмаг истәјирәм ки, әҝәр мәним барәмдә әтрафлы мәлумат топламаг истәјирсә, мүдафиә назири Сәфәр Әбијевин јанына ҝетсин. Назир она мәним ким олдуғуму изаһ едәр".
Диггәт: Хәбәрдән истифадә етдикдә мәнбәјә истинад лазымдыр
