Әһли Бејт -АБНА- хәбәр аҝентлији- «Авровизија-2012» јарышмасы илә әлагәдар бир сыра гүввәләр хүсуси фәаллыг нүмајиш етдирдиләр ки, онларын да сырасында даһа чох диггәтә ҝәләни Бакыда террор аксијалары планлашдыран вәһабиләр олду.
Ону да билдирәк ки, рәсмән Күвејт дөвләтинин һимајәси алтында олан Азәрбајҹан вәһабиләри ики група - сәләфиләрә вә хавариҹләрә бөлүнүб вә бу груплашмалардан јалныз биринҹиси ачыг фәалијјәтдәдир. Диҝәр икинҹиси исә террору мүбаризә јолу кими сечдијиндән ҝизли шәкилдә фәалијјәтини сүрдүрүр.
Һәмин хавариҹләрлә бағлы ДИА.АЗ-а мараглы мәлуматлар да өтүрүлүб. Өзүнүн сәләфи ганадына аид олдуғуну иддиа едән Бакы сакинләриндән биринин редаксијамыза өтүрдүјү мәлуматдан ајдын олур ки, вәһабиләрин радикал ганады - хавариҹләр сон заманлар Азәрбајҹанын һүгуг-мүһафизә органлары тәрәфиндән ҹидди зәрбәләр алдыгларындан јендән топарланма мәрһәләсинә гәдәм гојублар.
Мәнбә иддиа едир ки, ҹүмә ҝүнү вәһабиләр пајтахт әразисиндә бөјүк бир топланты кечирибләр: «Һәмин топланты Бакынын кәндләринин бириндә баш тутуб. Тәхминән 20-јә јахын танынмыш азәрбајҹанлы хәвариҹ орада иштирак едиб вә чох мүһүм гәрарлар верибләр».
Диггәт: Хәбәрдән истифадә етдикдә мәнбәјә истинад лазымдыр
