Әһли Бејт -АБНА- хәбәр аҝентлијинин вердији хәбәрә әсасән Республика Диагностика Мәркәзи әсаслы тәмир вә јенидәнгурмадан сонра өзәлләшдирилиб. Бу барәдә мәлуматы Модерн.аз сајты јајыб. Мәлуматы мәркәзин өзүндән дә тәсдигләјибләр. Билдирилиб ки, мәркәз өзәлләшдирилдикдән сонра ишчиләрин бәзиләри бу тибб мүәссисәсиндән чыхыб, бәзиләри исә өз вәзифәләриндә галыб.
Мәркәздән јени рәһбәрлијин кимлијини ачыгламагдан имтина едилиб. Амма Модерн.аз-ын әмәкдашы буну Әмлак Мәсәләләри үзрә Дөвләт Комитәсиндән дәгигләшдирә билиб.
Әмлак Мәсәләләри үзрә Дөвләт Комитәсинин мәтбуат хидмәтинин рәһбәри Гулу Хәлилов дејиб ки, Республика Диагностика Мәркәзи 2008-ҹи илдә мүлкијјәт һүгугундан кечиб вә даһа сонра онун өзәлләшдирилмәси үчүн кечирилән тендерин галиби мүәјјәнләшиб. Онун сөзләринә ҝөрә, һазырда Республика Диагностика Мәркәзинин јени саһиби “АзИнтермед” ММҸ-дир.
Лакин Комитә рәсмиси мәркәзин өзәлләшдирлидји гијмәт барәдә мәлумат вермәјиб. “АзИнтермед” ММҸ-дән дә бу барәдә данышмаг истәмәјибләр.
Модерн.аз-ын арашдырмасы нәтиҹәсиндә мәлум олуб ки, Республика Диагностика Мәркәзи 2006-ҹы илин августунда президент Илһам Әлијевин бир сыра сәһијјә, тәһсил, идман вә мәдәнијјәт објектләринин өзәлләшдирилмәсинә даир фәрманы әсасында өзәлләшдирилмәјә чыхарылыбмыш. Фәрмана ҝөрә, мүәссисә профили сахланылмагла өзәлләшдирилә биләр.
Гејд едәк ки, 2011-ҹи ил декабрын 27-дә Республика Диагностика Мәркәзинин әсаслы тәмир вә јенидәнгурмадан сонра ачылышы олуб. Инди Мәркәз мүасир аваданлыг вә ҹиһазларла тәҹһиз олунуб.
“Азадлыг”ын арашдырмалары нәтиҹәсиндә исә бәлли олуб ки, Республика Диагностика Мәркәзинин јени саһиби “АзИнтермед” ММҸ һаким аиләјә јахын ширкәтдир. Һаким аиләнин нәзарәтиндә сәһијјә саһәсинә аид бир нечә ширкәт вар ки, онлардан бири дә мәһз “АзИнтермед” ММҸ-дир. Һәмчинин әлдә етдијимиз мәлуматларда дејилир ки, адычәкилән ММҸ ардыҹыл олараг ки, рајонлардакы диагносатика мәркәзләрини дә өзәлләшдирмәји планлашдырыр. Јада салаг ки, рајонлардакы диагоностика мәркәзләри Азәрбајҹан Дөвләт Нефт Ширкәтинин (АРДНШ) балансында иди. Бир гәдәр әввәл һәмин диагностика мәркәзләри АРДНШ-дән алынараг Сәһијјә Назирлијинин табелијинә верилди. Мәлуматлара ҝөрә, бу аддым “АзИнтермед”ә диагностика мәркәзләрини өзәлләшдирмәкдән өтрү атылыб. Билдирилир ки, бөјүк еһтималла Сәһијјә Назирлији рајонлардакы диагностика мәркәзләрини сахламаг имканында олмадығыны бәјан едәрәк өзәлләшдирилмәјә чыхарылмасыны тәклиф едәҹәк. Бундан сонра мәркәзләр уҹуз гијмәтә “АзИнтермед” тәрәфиндән өзәлләшдириләҹәк.
Хатырладаг ки, һаким аилә ејни үсулла “Капитал Банк”ы әлә кечиришди.
Диггәт: Хәбәрдән истифадә етдикдә мәнбәјә истинад лазымдыр
