Әһли Бејт -АБНА- хәбәр аҝентлијинин вердији хәбәрә әсасән режимин ән баһалы прожеләриндән бири кими диггәтә ҝәлән вә бәднам «авровизија-2012» фәсад мүсабигәси сәбәбиндән тәләм-тәләсик шәкилдә истифадәјә верилән Милли Дәнизкәнары Паркын ҝенишләндирилмиш Јени Булвар һиссәси индидән дағылмаг үзәрәдир.
Мүшаһидәләр нәтиҹәсиндә дә мүәјјән олунуб ки, парк әразисиндә һәлә дә иншаат ишләринин давам етмәсинә бахмајараг, дөшәмәләрин әксәријјәти бәрбад һала дүшүб. Әкилән јени ағаҹларын бәзиләри исә бахымсызлыг үзүндән гурумагдадыр. Доғрудур, һәр ахшам Јени Булвардакы от өртүјү суланыр, амма бунун профессионал гајдада јох, тәҹрүбәсиз ҝәнҹләр тәрәфиндән һәјата кечирилмәси һәм гыса мүддәт ичиндә Јени Булварын суја гәрг олмасы илә нәтиҹәләнир, һәм дә чәмәнләјин јетәринҹә су илә тәмин олунмамасы илә.
ДИА.АЗ редаксијасына дахил олан мәлуматлардан ајдын олур ки, Јени Булвар әразиси уғрунда ачылан саваш Бакы шәһәр Иҹра Һакимијјәтинин башчысы Һаҹыбала Абуталыбовун да башыны ҹәнҹәлә сохуб. Бу барәдә мәлуматы верән мәнбә билдирир ки, көһнә булварда олдуғу кими, Јени Булварда да иашә објектләринин фәалијјәти нәзәрдә тутулуб. Вә бу да Бакы мерини проблемләрә сохуб.
Мәнбәмизин сөјләдикләри: «Бу ҝүнләрдә Дөвләт Нефт Ширкәтинин рәһбәри Рөвнәг Абдуллајевә јахын олан бир шәхс Бакы меринә Јени Булвар әразисиндә атраксион гурашдырмаг истәјинин олдуғуну билдириб. Амма Һаҹыбалы Абуталыбов артыг бунунла бағлы башга бир мәмура вәд верилдијини сөјләјиб. Бундан сонра ишә Рөвнәг Абдуллајев гарышыб вә Бакы мери онун адамына иҹазә вермәли олуб».
Һаҹыбала Абуталыбовдан илк сөзү алан шәхсин исә президент администрасијасында ишләдијини билдирән мәнбәмиз һәмин мәмурла Бакы мери арасында мүбаһисә дүшдүјүнү дә сөјләјиб: «Доғрудур, кифајәт гәдәр јумор һисси олан Һаҹыбала Абуталыбов наразы галмыш ПА ишчисинин көнлүнү алмаға мүвәффәг олуб. Вә она билдириб ки, әвәзиндә һәмин шәхс дә әразидә ики бөјүк ресторан ача биләр».
Диггәт: Хәбәрдән истифадә етдикдә мәнбәјә истинад лазымдыр
