Әһли Бејт -АБНА- хәбәр аҝентлијинин вердији хәбәрә әсасән ББC-нин Азәрбајҹан хидмәти Шушадан репортаж һазырлајыб. Репортажы тәгдим едирик.
“Бу ҝүн шәһәр сакинләринин сајы һаггында дәгиг бир мәлумат вермәк чәтиндир: 2 мин, 3 мин, 5 мин – мүхтәлиф рәгәмләр ешитмәк олар.
Шушанын сон азәрбајҹанлы сакини шәһәри 1992-ҹи илин мај ајында тәрк едиб. Ермәни сакинләринин бир гисми дә јашајыш шәраити үзүндән чыхыб ҝетмәјә мәҹбур олуб.
Дөјүшләрдән сонра харабалыға чеврилән јашајыш биналарынын вә абидәләрин әксәријјәти олдуғу кими дә галыр. Ара-сыра бәрпа едилмиш вә јени тикилмиш биналар ҝөзә дәјир.
Хариҹдәки ермәни иҹмаларынын јардымы илә мүһүм сосиал-мәишәт әһәмијјәтли биналар бәрпа едилиб, туризмин инкишафы гајәсијлә бир-ики һотел тикилиб.
Јухары мәсҹидә ҝедән күчә дә шәһәрин һазыркы вәзијјәтини сәҹијјәләндирир.
Шәһәр иҹра һакимијјәти бинасы јахынлығында там тәмир олунмуш јашајыш вә инзибати биналар, өтән ил истифадәјә верилмиш 9 мәртәбәли һотел бир гәдәр аралыда күчәнин сол тәрәфиндә дағынтыларла тәзад тәшкил едир.
Бәзи тәмир олунмуш биналарын үзәриндә һәлә мүһарибәнин изләри там јох олмајыб. Мәрми партлајышларынын јанғынындан гаралмыш түстү ләкәләри ҝөрүнүр.
Шүар әһалијә хатырладыр ки, “Вәтәни чичәкләндирән вә фираванлашдыран вәтәнпәрвәрликдир”.
Мәсҹидин әразиси тәмиздир. Гуллуг едилдији һисс олунур.
Лакин гапылары бағлыдыр. Сон дәфә бурада нә вахт дини мәрасим кечерилдијини хатырламаг чәтиндир.
Һәјәтдә гара плитә үзәриндә һәкк олунмуш јазы Јухары мәсҹидин тарихи мәдәни абидә олдуғуну вә дөвләт тәрәфиндән горунулдуғуну әрз едир”. (ҝунхебер)
Диггәт: Хәбәрдән истифадә етдикдә мәнбәјә истинад лазымдыр
