Әһли Бејт -АБНА- хәбәр аҝентли- Азәрбајҹан һөкумәтинин нараһатлыг ичиндә олдуғу ачыг-ајдын олур. Һәтта бу нараһатлыг артыг истерик һәддә чатыб. Һөкумәтин Гәрбә мејдан охумасынын бу истериканын тәзаһүрү сајмаг олар. Һә баш верир? Һөкумәт нијә бу гәдәр ҹидди нараһатлыг ичиндәдир? Мәсәләнин ҝөрүрән бу тәрәфи будур ки, әрәб өлкәләриндә башланан демократик ингилаб далғасы Азәрбајҹанын сәрһәдләринә дә јахынлашыб. Бејнәлхалг аләмдә Азәрбајҹанда демократикләшмәнин лабүдлүјү даһа уҹадан сәсләндирилмәјә башлајыб. Дүнјанын нүфузлу нәшрләриндә Азәрбајҹан барәдә дәрҹ едилән мәгаләләр, бејнәлхалг структурларын демократија илә бағлы давамлы бәјанатлары бундан ирәли ҝәлир. Демократикләшмә исә авторитар Азәрбајҹан һөкумәтинин марагларына ујғун дејил. Бу бахымдан Гәрбин демократија мәсәләсиндә принспиал мөвге сәрҝиләмәсиндән нараһат олмаја билмәз.
Лакин мәсәләнин ҝөрүнмәјә тәрәфи дә вар ки, бу барәдә һөкумәтдәки мәнбә редаксијамыза мәлумат вериб. Мәнбә билдириб ки, әслиндә баш верәнләрин архасында Иран мәсәләси дајаныр. Авропа, хүсусилә бу гитәнин хач атасы һесаб едилән Алманија индики мәрһәләдә Иранын вурулмасында мараглы дејил. Чүнки бу Авропанын Русијадан енержи асылылығыны даһа да артыра биләр. Бу бахымдан Авропа АБШ-а јени план тәклиф едиб. План ондан ибарәтдир ки, Алманија Иранын нүвә програмындан јалныз енержи алмаг мәгсәдләри үчүн истифадә етмәјә разы салыр. Вә бу Гәрб тәрәфиндән дә дәстәкләнир. Ејни заманда Алманија Иранын нүвә програмындан силаһ мәгсәдсилә јарарланмамасы барәдә зәманәт ҝөтүрүр. Мәнбәнин сөзләринә ҝөрә, артыг тәрәфләр разылашма әлдә едибләр. Јәни, һәм Иран, Һәм дә АБШ Авропанын тәклиф етдији планы дәстәкләјир. Бәс бу мәсәләнин Азәрбајҹана нә аидијјаты вар?
Мәнбә билдирир ки, Авропа белә бир вәзијјәтдә ади бир гығылҹымын мүһарибәјә сәбәб олаҹағындан еһтијатланыр. Азәрбајҹан исә бу бахымдан индики мәгамда даһа рискли өлкәдир. Чүнки һазырда Иранын вурулмасы планыны гызғын мүдафиә едән Исраил Азәрбајҹанда чох фәалдыр. Елә Иран-Азәрбајҹан мүнасибәтләриндә јаранмыш ҝәрҝинлијин башлыҹа сәбәби дә будур. АБШ вә Авропа бу мүһарибә рискини азалтмаг үчүн Исраили Азәрбајҹандан сыхышдырмаға чалышмалыдыр. Бу просес артыг башлајыб. Инди Азәрбајҹан һөкумәти дилемма гаршысындадыр: Ја Исраиллә сых әмәкдашлыға сон гојмалы, ја да сијаси сәһнәни тәрк етмәлидир. Азәрбајҹан һөкумәтинин истерик һәддә чатыран исә Иранла бағлы Алманијанын планына Русијанын да разылыг вермәсидир. Јәни, бу о демәкдир ки, артыг Русија да индик һалда Азәрбајҹан һөкумәтинин јанындадыр.
Мәнбә билдирир ки, һазырда һакимијјәт дәһлизләриндә бу "ҝеополитик тәлә"дән чыхыш јолу ахтарылыр.
Диггәт: Хәбәрдән истифадә етдикдә мәнбәјә истинад лазымдыр
