Әһли Бејт -АБНА- хәбәр аҝентлијинин вердији хәбәрә әсасән Өтән ҝүнләрдә Түркијәдә Азәрбајҹанла бағлы ики етираз аксијасы кечирилди. Бунлардан бири Анкарада Иран сәфирлији гаршысында аз сајда етиразчыларын иштиракыјла Тәбриз вә Әрдәбилдәки нүмајишләрә ҹаваб, диҝәри исә Истанбулда Азәрбајҹан консуллуғу гаршысында даһа бөјүк издиһамла Әлијев режиминә етираз мәгсәдилә тәшкил едилмишди.
Хатырладаг ки, сон бир ајда бир нечә дәфә Тәбриз вә Әрдәбилдә Бакыда “ҝеј-парад” кечирилмәмәси тәләби илә онминләрин издиһамы илә мөһтәшәм нүмајиш вә митнингләр кечирилди. Бу етираз аксијалары да Азәрбајҹан Республикасы КИВ-ләриндә јетәринҹә ишыгландырылмады.
Бунун ардынҹа Анкарада рәсми Бакынын тәшәббүсү илә Иран сәфирлији гаршысында ҝуја Тәбриз вә Әрдәбилдә кечирилән аксијалара ҹаваб олараг етираз аксијасы кечирилди ки, “Иран Азәрбајҹанын дахили ишләринә гарышмасын”. Аксијачылар Әлијев сијасәтинә дәстәк нүмајиш етдириб, Ирана гаршы кәскин шүарлар сәсләндирдиләр.
Анкарада аз сајда етиразчынын кечирдији бу аксија Азәрбајҹан КИВ-ләриндә кифајәт гәдәр ҝениш ишыгландырылды. Өзү дә һәм дә мүхалифәт мәтбуатында.
Лакин бунун ардынҹа 27 мај тарихиндә Истанбулда Азәрбајҹан консуллуғу гаршысында Анкарадакы аксијадан даһа издиһамлы вә даһа мүтәшәккил етираз аксијасы кечирилди. Бу аксија иштиракчыларынын сајы Анкарадакындан ән азы 2-3 дәфә чох иди. Һәмин аксија Әлијев режиминә етираз характери дашыјырды вә бурада Азәрбајҹандакы инсан һагларынын, сөз вә фикир, дин вә виҹдан азадлыгларынын позулмасы һаллары писләнилирди. Аксијачылар “Каһролсун Алијев дикаторлуғу”, “Әгидә мәһбусларына азадлыг”, “Һиҹаба азадлыг” кими шүарлар сәсләндирир, Әлијев һакимијјәтинин диктатура сијасәтинә сон гојулмасы тәләб едилирди.
Мараг доғуран будур ки, Анкарадакы аксијадан фәргли олараг, Истанбулда Әлијев режиминә гаршы кечирилән бу издиһамлы аксија Азәрбајҹан КИВ-ләриндә, о ҹүмләдән мүхалифәт мәтбуатында үмумијјәтлә ишыгландырылмады. Бу исә истәр-истәмәз белә бир суал јарадыр ки,ҝөрәсән Азәрбајҹандакы мүхалифәт кимә мүхалифдир, Әлијев режиминә, јохса Ирана? Нә үчүн Иран һакимијјәтинә гагршы кечирилән кичик аксија ҝениш ишыгландырылыр, амма Азәрбајҹанын диктатура режиминә гаршы кечирилән издиһамлы аксија һагда бирҹә ҹүмлә белә јазылмыр? Әлијев режиминә гаршы гардаш Түркијәдә кечирилән бу аксијанын мүхалифәт КИВ-ләриндә ишыгландырылмасы даһа мәнтигли олмаздымы?
Әлбәттә, бу суалы верәркән ҹавабы да бизә мәлумдур. Амма һәр һалда, “азад мәтбуат” вә “Әлијев режиминә мүхалиф” олдуғуну иддиа едән КИВ-ләр ән азындан ҝөрүнтү хатиринә ЈАП игтидарына гаршы кечирилән аксијалары да ишыгландырсајдылар, бу онларын иддиасына ујғун оларды.
Надир Әһмәдоғлу
Диггәт: Хәбәрдән истифадә етдикдә мәнбәјә истинад лазымдыр
