Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы президенти дејиб: Иранын елми-техники саһәдә инкишафы чох сүрәтли олмагла јанашы , ҝүнү-ҝүндән даһа да ҝүҹләнир.
Маһмуд Әһмәдинежад бу ҝүн "Милли Мәднијјәт Шәбәкәси" вә "Милли Һесабламалар" лајиһәләринин истифадәјә верилмәси заманы дејиб: Иранын һазыркы елми инкишафы бу халгын шәнинә лајиг дејил. Чүнки бу халгын гәдим тарихи, етигады вә мәдәнијјәти бундан үстүн мәгамлары тәләб едир.
Иран президенти даһа сонра дејиб: Иран халгы бу јолда чох чалышмалы, елми бахымдан дүнјада даһа јүксәк мәгамлар кәсб етмәлидир.
Иран Ислам Республикасынын президенти һәмчинин бир сыра өлкәләрлә елми-игтисади әмәкдашлыглар барәдә дејиб: Елмин гапылары бәшәријјәтин үзүнә ачылмалы, башгалары исә буна мане олмамалыдырлар. (ТР)
Диггәт: Хәбәрдән истифадә етдикдә мәнбәјә истинад лазымдыр
