Әһли Бејт -АБНА- хәбәр аҝентлијинин вердији хәбәрә әсасән Астараја јени тәјин олунмуш иҹра башчысы Гәзәнфәр Ағајев күрсүсүнү гыздырмамыш етиразларла үзләшмәли олуб. Рајондан верилән мәлумата ҝөрә, бир сыра шәхси лајиһәләрини һәјата кечирмәк үчүн аддымлар атан иҹра башчысынын һәрәкәтләри ҹамаатда наразылыг јарадыб.
Ағајев илк олараг рајон базарыны әлә кечирмәк фикринә дүшүб. Бунунла әлагәдар бир мүддәт әввәл јаранмыш инсиденти унудан иҹра башчысы јенидән һәмин тиҹарәт мәркәзинә саһиб олмаг үчүн аддымлар атыб. Нәтиҹәдә, базарда кичик тиҹарәтлә мәшғул олан саһибкарлар она етиразларыны билдирибләр вә базары әлдән вермәјәҹәкләрини дејибләр.
Иҹра башчысы онларын тәләбләринә мәһәл гојмаса, јахын ҝүнләрдә рајонун мәркәзиндә саһибкарлар етираз аксијасы кечирәҹәк. Һәтта бунунла бағлы јерли Иҹра Һакимијјәти рәсмиләрини дә хәбәрдар едибләр.
Сон ҝүнләр Астарадакы әсас ҝәлирли саһәләрин әлә кечирилмәси истигамәтиндә дә мүәјјән аддымлар атылыр. Билдирилир ки, рајон рәһбәрлији јол кәнарындакы дүканлара вә әлверишли јерләрдә јерләшән тиҹарәт објектләринә дә ҝөз дикиб. Бу исә наразылығы даһа да артырыб.
Диггәт: Хәбәрдән истифадә етдикдә мәнбәјә истинад лазымдыр
