Әһли Бејт -АБНА- хәбәр аҝентлијинин вердији хәбәрә әсасән бу ҝүн Азәрбајҹанын Ислам Ојаныш һәрәкатынын Лидери, Азәрбајҹан Ислам Партијасынын (АИП) сәдри Доктор Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партијанын сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Фәрамиз Аббасов вә Зүлфүгар Микајылзадәјә мөвҹуд режимин Ағыр Ҹинајәтләрә даир Мәһкәмәсиндә онлара верилән һөкмлә бағлы апеллјасија шикајәтинә бахылыб.
Фактхеберин вердији мәлумата ҝөрә, 7 октјабр 2011-ҹи илдә гондарма режимин Ағыр Ҹинајәтләрә даир Мәһкәмәсиндә верилән гәрар гүввәдә сахланылыб вә һеч бир дәјишиклик едилмәјиб.
Хатырладаг ки, әлијевләр режиминин ујдурма һакими Елдар Исмајыловун нәзарәт етдији режимин Ағыр Ҹинајәтләрә даир Мәһкәмәсиндә Азәрбајҹан Ислам Партијасынын (АИП) сәдри Мөвсүм Сәмәдова 12 ил, Фирдовси Мәммәдрзајевә 10 ил, әмиси оғлу Дәјанәт Сәмәдова 10 ил, партијанын сәдр мүавини Вагиф Абдуллајевә 11 ил, Астара рајон тәшкилатынын сәдри Руфулла Ахундзадәјә 11 ил 6 ај, Һөҹҹәтүл Ислам Сејјид Фәрамиз Аббасова 11 ил иш верәрәк азадлыгдан мәһрум етмишдир. Зүлфүгар Микајылзадәјә исә 5 ил сынаг мүддәти олмагла 11 ил шәрти һөкм охунмушду.
Диггәт: Хәбәрдән истифадә етдикдә мәнбәјә истинад лазымдыр
