Әһли Бејт -АБНА- хәбәр аҝентлијинин вердији хәбәрә әсасән АБШ-да Нүмајәндәләр Палатасынын Хариҹи Әлагәләр Комитәсиндә деморкатларын рәһбәри Һовард Берман “Азадлыг” радиосунун Азәрбајҹан хидмәтинин әмәкдашы Хәдиҹә Исмајылованын иши илә бағлы президент Илһам Әлијевә мәктуб ҝөндәриб.
О, журналистин башына ҝәләнләрлә бағлы давам едән истинтагын нәтиҹәләрини ҝөзләмәдән гәти һөкм дә вериб. “Мән әминәм ки, бу һәрәкәтләр Хәдиҹә Исмајылованы сусдурмаға јөнәлиб вә ону ишиндән чәкиндирмәјә чалышырлар” - дејә конгресмен мәктубунда гәти шәкилдә вурғулајыб.
Америкалы конгресменин АБШ Дөвләт Департаментинә бағлы бир медиа органынын әмәкдашы илә бағлы нараһатчылығы баша дүшүләндир.
АБШ Конгресиндә Калифорнија штатынын 28-ҹи даирәсини тәмсил едән Һовард Берман АБШ-дакы ермәни диаспорунун ҝүҹлү дәстәкчисидир. О, өзүнүн сон сечки кампанијасында ермәни лоббисинин “Петер Мусурлиан оф Ҝлобалист Филмс” ширкәти васитәсилә идарә едиб.
Конгресмен јәһуди олдуғундан, Исраиллә бағлы мәсәләләрдә дә өз көмәклијини әсирҝәмир. Лакин 2009-дан өнҹәки илләрдә јәһуди лоббиси Түркијәни “сојгырымы” мәсәләсиндә дәстәкләдији заманда да, Һ.Берман “ермәни сојгырымы”нын танынмасы леһинә сәс вермишди.
2010-ҹу илин 4 март тарихиндә Нүмајәндәләр Палатасынын Хариҹи Әлагәләр Комитәсинин сәдри олараг гондарма сојгырымы иддиаларынын гәбул олунмасында ганунвериҹи актын тәшәббүскары гисминдә чыхыш едиб вә гәбул олунмасында ҹанфәшанлыг ҝөстәриб.
Һ.Берман бу илин мартында Ермәнистана 2013-ҹү илдә Конгресдән ајрылаҹаг вәсаитин артырылмасы барәдә мүраҹиәтә гошулуб. Мүраҹиәтдә Ермәнистана 50, Дағлыг Гарабаға исә 5 милјон әлавә вәсаитин верилмәси истәнилир.(ҜА)
Диггәт: Хәбәрдән истифадә етдикдә мәнбәјә истинад лазымдыр
