Әһли Бејт -АБНА- хәбәр аҝентлији- Бејнәлхалг Әл-Мустафа Университетиндә тәһсил алан бир груп азәрбајҹанлы тәләбә Азәрбајҹан Республикасында јерләшән Иран Ислам Республикасынын сәфирлији гаршысында кечирилән аксијада бөјүк Ислам алими, дини елмләрдә иҹтиһад дәрәҹәси алмыш, миллијәтҹә түрк вә тәбризли, пејғәмбәр нәслиндән олан Ајәтуллаһ Сејид Әли Хаменеинин тәһгир олунмасыны писләјир вә бу һәрәкәти рәзил әхлагсызлыг кими дәјәрләндирир.
Биз Иран Ислам Республикасында тәһсил алан тәләбәләр Азәрбајҹандан олан дин хадимләриндән биринин Иранда бу формада тәһгир олундуғуну ҝөрсәјдик, сөзсүз ки, бу һәрәкәти дә рәзил әхлагсызлыг адландырардыг.Биз тәләбәләр Азәрбајҹан игтидарындан тәләб едирик ки, белә һәссас нөгтәләрә тохунмагла ики гоншу өлкә арасында олан мүнасибәтләри бир-биринә вурмаг истәјәнләр мүәјјәнләшдирилиб ҹәзаландырылсын вә бундан сонра ујғун мәсәләләрә ҹидди диггәт јетирилсин.
Гејд етмәк истәјирик ки, халгымыз тарих боју ислами дәјәрләрә бөјүк еһтирам ҝөстәрмиш вә Ислам пејғәмбәринин хатирәсини әзиз тутмушдур. Азәрбајҹан халгынын Ислам пејғәмбәринә ҝөстәрдији еһтирамын бариз нүмунәси бу ҝүн Азәрбајҹанда јашајан сејидләрә онларын ҹәддинә хатир ҝөстәрилән еһтирамдыр. Билдијиниз кими Азәрбајҹан халгы Мирмөвсүм Аға кими сејидләрин мәзарыны мүгәддәс билиб зијарәт едир. Белә бир халгын ичиндән сејиди тәһгир етмәклә пејғәмбәрә һөрмәтсизлик едән ҹаванларын чыхмасы мүмкүнсүздүр. Сөзсүз ки, беләләри бу милләтдән дејил.
Диггәт: Хәбәрдән истифадә етдикдә мәнбәјә истинад лазымдыр
