Әһли Бејт -АБНА- хәбәр аҝентлији- Өлкәдә баш верән ганунсузлуглара, мүлкијјәт һүгугларынын позулмасына зијалыларын етиразлары артмагдадыр. Ганунсуз әмәлләрин гаршысынын алынмасы мәгсәди илә игтидара чағырыш едәнләрин сыралары ҝүнү- ҝүндән ҝенишләнир. Өз нөвбәсиндә һакимијјәт дә һәмин шәхсләрә гаршы тәзјиг кампанијасыны шиддәтләндириб. Сон вахтлар баш верәнләрлә бағлы Ваһид Азәрбајҹан Милли Бирлик Партијасынын сәдри, истиглалчы депутат, профессор Һаҹыбаба Әзимовун фикирләри илә таныш олдуг.
- Ики ҝүн әввәл истиглалчы депутатлар Ариф Һаҹылы вә диҝәр виҹдан мәһбусларынын азад олунмасы үчүн тәдбир кечирди вә бунунла бағлы өлкә башчысына мүраҹиәт етди. Бундан әввәл дә бир чох шәхсләр белә мүраҹиәт етсә дә, нәтиҹәсиз галыб. Бунун әвәзиндә һакимијјәт бүтүн бејнәлхалг тәшкилатларын һесабатларына инсан һагларыны позан дөвләт кими дүшүб. Нијә һакимијјәт өз имиҹинин корланмасына разы олур, анҹаг виҹдан мәһбусларыны азад етмир?
- Бу, һәмин адамларын нормал дөвләтчилик вә өлкәни идарәетмә тәҹрүбәсинин олмамасы илә бағлыдыр. Ја да ки, гәсдән белә һәрәкәт едирләр. Онлар истәјир ки, өлкәни өзләри истәдикләри кими идарә етсинләр. Һалбуки дөвләтләр, хүсусилә Авропа Шурасына үзв олан өлкәләр ганунларла идарә олунур. Бу режим башчылары исә Азәрбајҹаны өз әмлакы һесаб едир. Вәтәндашлар да бу әмлакын саһибләринә хидмәт үчүн ишләмәлидир. Беләликлә дә бүтүн Азәрбајҹан халгы бир зүмрәјә, клана хидмәт етмәлидир. Әҝәр кимсә фәргли дүшүнҹә саһибидирсә, она гаршы репрессија башлајыр. Бунларын дүшүнҹәси будур. Халгы, мүхалиф фикирли адамлары тәзјиг, горху алтында сахламагла өз һакимијјәтләрини давам етдирмәк нијјәтиндәдирләр. Һесаб едирләр ки, ҝуја бу јолла бунларын һакимијјәтинин өмрү даһа узун ола биләр. Амма бу сәһв дүшүнҹәдир, дөвләтчилик принсипинә тамамилә зијанлы бир мөвгедир. Ариф Һаҹылы Азәрбајҹанын Милли Азадлыг Һәрәкатынын рәһбәрләриндән бири олуб. Милли Мәҹлисин үзвү олдуғу мүддәтдә мүһүм ганунларын гәбул олунмасында фәал рол ојнајыб. Һәмчинин Азәрбајҹанын дөвләт мүстәгиллијинин әлдә едилмәсиндә ән фәал иштиракчылардан бири олуб. Дөвләт мүшавири вәзифәсиндә ишләјиб. Инди дә Азәрбајҹанын өнәмли партијаларындан биринин сәдр мүавини вә Мәркәзи Апаратынын рәһбәридир. Бу адам һеч бир гануни әсас олмадан митингә ҝедәркән јолда мүлки ҝејимли шәхсләр тәрәфиндән сахланылыб. Дүнјада белә шеј јохдур. Истәјирләр инсанлар сәсләрини чыхармасын. Һакимијјәтдә коррупсијаја гуршанмыш, милләтин сәрвәтләрини оғурлајан мәмурларын әмәлләринә гаршы һеч ким данышмасын, өз сөзүнү демәсин. Анҹаг бу мүмкүн олан шеј дејил. Ариф Һаҹылы вә диҝәрләри Азәрбајҹанда баш верән антимилли фәалијјәтин, өзбашыналығын әлејһинә данышмаг, өлкәдә нормал ачыг ҹәмијјәтин, демократик әнәнәләрин бәргәрар олмасы үчүн митингә ҝедибләр. Бизим милләтин али мәнафејинә ујғун мөвге тутдугларына, дөвләтчилик мәнафејиндән чыхыш етдикләринә ҝөрә һәбс олунублар. Әслиндә бу ҝүнаһ вә ҹинајәтдир ки, милләтин виҹданлы, гејрәтли оғулларыны өз сөзүнү ачыг демәсинә, һакимијјәтдәки мәмурларын өзбашыналыға гаршы чыхыш етдијинә ҝөрә һәбс едирсән. Она ҝөрә дүнјада бу мәсәләләрә диггәт едилир. Анҹаг јенә дә нәтиҹә чыхармырлар. Бу да һакимијјәтин зијанынадыр. Тарихдән дәрс ҝөтүрә билмирләр. Буна габилијјәтләри дә јохдур. Һеч олмаса “әрәб баһары”на бахсынлар ки, диктатура һакимијјәтләринин сону неҹә олду. Биз истәмирик ки, Азәрбајҹанда ганлы һадисәләр олсун. Она ҝөрә дә сивил јолла, сијаси тәләбләрлә һакимијјәти ганундан кәнар һәрәкәтләрдән чәкиндирмәјә чалышырыг.
“Президент сәлаһијјәтләрини ашыр”
- Азәрбајҹанда инсан һагларынын, мүлкијјәт һүгугларынын позулмасы артыг дүнјанын диггәтиндәдир. Анҹаг һакимијјәт хариҹдән ҝәлән тәнгидләри ја ермәни лоббиси, ја да бу өлкәләрин Азәрбајҹандакы инкишафы ҝөзү ҝөтүрмәмәси илә изаһ едир. Белә реаксијаны неҹә гијмәтләндирирсиниз?
- Өзләринин гәбул етдији ганунлара һөрмәт етмирләр, нә дә Азәрбајҹан халгынын һаггыны, вәтәндашларын мүлкијјәт һүгугуну танымаг истәмирләр. Дүшүнүрләр ки, һамынын әмлакыны зорла әлиндән ала биләрләр. Һалбуки конститусијада јазылыб ки, Азәрбајҹан демократик, дүнјәви, һүгуги дөвләтдир. Орда јазылмајыб ки, президент вәтәндашларын мүлкијјәтинин сатыналмасы мәсәләсинә өзү гијмәт гоја вә мәсәләни истәдији кими һәлл едә биләр. Һакимијјәт ганунлара әмәл етмир. Нә истәјирләр, ону да едирләр. Президент дөвләт мүшавирәсиндә деди ки, Һејдәр Әлијев сарајынын архасында сөкүнтү ҝедир вә орда бир квадрат метрә ҝөрә 1500 манат компенсасија өдәнилир, анҹаг бундан наразылыг едирләр, бу, јолверилмәздир. Белә бир сөз дә деди ки, орда елә евләр вар, онлара ев демәк мүмкүн дејил. Һәгигәтән дә белә евләр олуб. Онда неҹә олур ки, һәмин о евләрә дә, јүксәк тәмирли мәнзилләрә, мемарлыг абидәләринә ҝөрә дә ејни компенсасија верилир. Президент бунунла сәлаһијјәтләрини ашыр. Гијмәт ганунвериҹиликлә мүәјјән олунмалыдыр. Базарда бу мәнзилин гијмәти нәдирсә, она ујғун да вәтәндашын һаггы өдәнилмәлидир. Вәтәндашла бу мәсәлә разылашдырылмалыдыр. Ганунларда бунларын һамысы вар. Анҹаг президент дејир ки, биз өзүмүз гијмәт гојмушуг, һамыја ејни компенсасија өдәнилмәлидир. Бу, өзбашыналыгдыр вә президент буна рәваҹ верир. Буна ҝөрә дә Һаҹыбала Абуталыбов да дејир ки, президентин тапшырығы илә шәһәрин филан һиссәси сөкүлсүн. Бунун үчүн әслиндә Назирләр Кабинетинин гәрары олмалыдыр. Сөкүнтү јериндә нә тикиләҹәксә, онун тәсдиг олунмуш лајиһәси олмалыдыр. Бунларын дөвләтчилик анлајышы јохдур, бир нәфәрин, диктаторун һөкмү илә нә истәјирләр, ону да едирләр. Бу јахынларда Назирләр Кабинетинин иҹласында президент дејиб ки, компенсасија илә разылашмајанлар тәхрибатчы гүввәләрдир. Һеч ким дә ҝедиб онунла сөһбәт етмир ки, ахы мәнзилләр ејни гијмәтдә ола билмәз. Бу мәсәлә Азәрбајҹанын ганунларына мүвафиг һәлл олунмалыдыр. Мәһкәмәләрә јүзләрлә мүраҹиәт олунуб, анҹаг һеч кәсин һаггы әдаләтли шәкилдә һәлл олунмајыб. Чүнки мәһкәмәләр дә “президент белә дејиб, белә дә олаҹаг”-формулу илә гәрар чыхарырлар. Белә өлкә олмаз. Дүнјада Азәрбајҹаны биабыр едирләр. Ҝедиб бир чох хариҹи өлкәләрдә килсәләри, тәмир едирләр, парк салырлар ки, ҝуја бу јолла Азәрбајҹанын имиҹини галдырмаг истәјирләр. Халгын пулунун һесабына өзләрини хејријјәчи кими тәгдим едирләр. Азәрбајҹанда нә гәдәр бәрпа олунмалы тарихи абидә вар. Ҹамаатын әмлакы әлиндән алыныр, онларын һаггы әдаләтли шәкилдә өдәнилмир. Анҹаг халгын пулу хариҹдә сәрф олунур. Она ҝөрә дә халг ајаға галхыб сөзүнү демәлидир.
“Баш верәнләрә биҝанә галан зијалы дејил”
- Әҝәр әввәлләр өлкәдәки вәзијәтлә бағлы сијаси партијалар данышырдыса, инди зијалылар да мејдандадыр. Анҹаг ЈАП рәһбәрлији зијалыларын сијасәтә гошулмалы олмадығыны дејир, һәтта онлары тәһгир етмәкдән белә чәкинмирләр. Белә вәзијјәти неҹә дәјәрләндирә биләрсиниз?
- Әҝәр Азәрбајҹанда һансыса мәмур халгын ҹибинә ҝирирсә, әмлакыны мәнимсәјирсә, дөвләтин бүдҹәсиндән оғурлуг едирсә, буна биҝанә галан адам әслиндә зијалы дејил. Буна гаршы чыхыш етмәк исә сијасәтлә мәшғул олмаг демәк дејил. Зијалы милләтин дәјәр дашыјыҹысы олмалыдыр. Әҝәр кимсә милләтин мәнафеји әлејһинә һәрәкәт едирсә, зијалы сөзүнү демәлидир. Јохса зијалы да мәмурлар кими гошулуб оғурлуг етмәлидир? Зијалылар Форумунда топлашан Азәрбајҹанын ҝөркәмли, гејрәтли, виҹданлы зијалылары сөзләрини дејир. Өзү дә чох јумшаг шәкилдә буну едирләр. Садәҹә писләјирләр ки, белә олмаз, ајылын, баша дүшүн. Бу јахынларда бир депутат Азәрбајҹан халгыны дүнја мигјасында шәрәфлә тәмсил едән, башыны уҹалдан Рүстәм Ибраһимбәјовун дөнүк чыхдығыны дејиб. Һансыса мәмурун зијанлы һәрәкәтини, оғурлуғуну дилә ҝәтирмәк дөнүклүкдүр? Әксинә, дөнүк буну едәнләр вә она һагг газандырмаг, оғру мәмурлара јалтагланмаг истәјәнләрдир. Амма буну дилә ҝәтирән Р.Ибраһимбәјов кими адамлар халгымызын али мәнафејинә, дөвләтчилик әнәнәләринә садиг олдугларыны, бу милләтин виҹданлы, гејрәтли өвладлары олдугларыны сүбут едирләр. Анҹаг онларын әлејһинә данышанларын шәхсијјәтинә, јашадығы өмрә баханда, чохлу чиркаб ҝөрмәк олар. Чиркин әмәлләри ашкара чыхармаг олар. Бәзиләринин әлләри коррупсионер мәмурларын ҹибиндәдир. Белә данышанларын агибәтинин неҹә олдуғуну тарихдән өјрәнсинләр. Чох чәкмәјәҹәк, бунлар лајиг олдуглары ҹәзаны да алаҹаглар. Билмәлидирләр ки, һагг сөзүнү дејән адамларын гаршысыны белә јарамаз һәрәкәтләрлә алмаг мүмкүн дејил. Әксинә, белә һәрәкәтләрлә әсил зијалыларын өз сөзләри нәинки Азәрбајҹанда, бүтүн дүнјада демәсинә тәкан верирләр.
“Һәр елми дәрәҹәси оланы зијалы сајмаг олмаз”
- Һаггы сөзүнү дејән зијалалара гаршы һакимијјәт она хидмәт едән зијалылары чыхарыр. Беләләринә сөзүнүз нәдир?
- Инсанлары елми дәрәҹәсинә ҝөрә зијалы адландырмаг олмаз. Зијалы Азәрбајҹан дөвләти наминә сөзүнү дејән, милләтимизин али мәнафејини ҝүдән инсанлардыр. Јахшы ҝөркәмли алим зијалы мөвгејиндән чыхыш едирсә, бу чох хошдур. Бу Аллаһа да, милләтә дә хош олур. Анҹаг дедијиниз адамл
