Әһли Бејт -АБНА- хәбәр аҝентлијинин вердији хәбәрә әсасән Өтән ҝүн Әрдәбил шәһәриндә ишә башлајан Исламын Гафгазда Бејнәлхалг Миссијасы Конфрансы Ајәтуллаһ-үзма Мәкарим Ширази вә Ајәтуллаһ Ҹәфәр Сүбһанинин бәјанатларынын охунмасы илә ишә башлајыб. Конфрансда тәдбирин тәшкилатчысы, вәлијји-фәгиһин устан үзрә нүмајәндәси һөҹҹәтүл-ислам вәл-мүслимин доктор Сејид Һәсән Амили чыхыш едиб. Ҹәнаб Амили өз чыхышында билдириб:
-Ислам үмумдүнјәви дин, Ислам пејғәмбәри үмумбәшәри бир пејғәмбәр, Гуран бүтүн аләмдәкиләрин һидајәт китабыдыр. Исламын мәгсәдләри, идеаллары, шүарлары, о ҹүмләдән һөкм вә ҝөстәришләри Гијамәт ҝүнүнәдәк бәшәријјәт үчүндүр.
-Бу конфрансда изләдијимиз мгсәдләрдән бири будур ки, буҝүнкү дүнјада мөвҹуд олан низам гүсурлудур вә онун ән бөјүк ејби ајрысечкиликдир. Бәшәријјәт инсанын кәрамәт сифәтләриндән олан әдаләт вә азадлығын гохусуну ала билмир. Буна ҝөрә дә јени низам гурулмалы, әзабкеш бәшәријјәт, истисмар едилән мүсәлманлар гара дүшүнҹәли һакимләрин ҹајнағындан алынмалыдыр.
-Халга ән бөјүк зүлм онлары иффәтсиз бир фәзаја сүрүкләмәкдир. Тәәссүф ки, гоншу Азәрбајҹанда белә лајиһәләр һәјата кечирилир. Јевровижн адлы тәдбирлә, һомосексуалларын парады илә Аллаһла мүһарибәјә галхыблар. Белә бир вәзијјәтдә сусмаг олармы?! Дин алимләри мүсәлман вә шиә мәмләкәтдәки бу вәзијјәти сакитҹә сејр едә биләрми?!
Рәвадырмы шиә бир мәмләкәтин мүгәддәраты сионистләрин әлинә верилсин?
Диггәт: Хәбәрдән истифадә етдикдә мәнбәјә истинад лазымдыр
