Әһли Бејт -АБНА- хәбәр аҝентлијинин вердији хәбәрә әсасән АБШ-да јајымланан дүнјаҹа үнлү һәфтәлик “Тimе” журналында Уилјам Ли Адамсын Азәрбајҹанла бағлы ҝениш мәгаләси дәрҹ олунуб. Мәгаләдә өлкәмизин иҹтимаи-сијаси һәјаты, инсан һаглары вә демократијанын дуруму, “Еуровисион” мусиги јарышмасына һазырлығы вә башга мәсәләләр нәзәрдән кечирилиб. Мәгаләдә Азәрбајҹан һакимијјәтини ифша едән чохсајлы мәгамлар әксини тапыб. Мәгаләни гыса ихтисарла тәгдим едирик.
“Илһам Әлијев “Еуровисион” гәләбәсини һәрби зәфәр кими тәгдим етди”Өтән илин мајында Азәрбајҹаны тәмсил едән Елл вә Ники ҹүтлүјү “Еуровисион” мусиги јарышмасынын галби олду. Өлкә башчысы Илһам Әлијев бу гәләбәни “азәрбајҹанлыларын вә Азәрбајҹан дөвләтинин гәләбәси” адландырмагла һәрби зәфәр кими тәгдим етди. Бакы бу ил 100 милјондан чох авропалынын изләјәҹәји јарышмаја ев саһиблији етмәк һүгугу газаныб.Азәрбајҹан јарышманын јахшы тәшкили үчүн ҹидди ҹәһдлә чалышыр. Бунун үчүн Илһам Әлијев тәшкилат ишләринә рәһбәрлији һәјат јолдашы Меһрибан Әлијеваја тапшырды. Галиб ҝәнҹләри һаким партијаја мәҹбурән үзв едән һөкумәт “Еуровисион” һазырлығына күлли мигдарда пул хәрҹләјир. Рәсми рәгәмләр индијә гәдәр 30 милјон доллар хәрҹләндијини ҝөстәрир. Һөкумәт исә һазырлыг ишләринә 64 милјон долларлыг бүдҹә ајырыб. Лакин бәзи мәнбәләр јарышмаја хәрҹләнән мигдарын 277 милјон доллар олдуғуну дејир.Инсан һагларына һөрмәт гојмајан авторитар идарәчилик... Диггәт: Хәбәрдән истифадә етдикдә мәнбәјә истинад лазымдыр
