Әһли Бејт -АБНА- хәбәр аҝентлијинин вердији хәбәрә әсасән Интернетдә Азәрбајҹан һөкумәтиндә коррупсијаны ишыгландыран журналист гадынын ијрәнҹ видеосу пејда олуб.
Видео јатаг отағында ҝизли камера илә чәкилиб, сонрадан аноним шәкилдә интернетдә Јени Азәрбајҹан Партијасынын рәгиби олан Мүсават Партијасынын ев сәһифәсини имитасија едән Интернет сајтында јајымланыб.
Мүсәлман ҹәмијјәтиндә сосиал әхлаг гоншу Ирандакы кими сәрт дејил, дејә Исмајылова билдирир, амма онлар “гоншу Түркијәнин кәнд рајонларындакына охшајыр”. Шәрәфин алчалдылмасы вә ја әхлаг чәрчивәсиндән чыхмаға ҝөрә гәтл Азәрбајҹанда реаллыгдыр.
Видео Интернетдә вериләндән бир һәфтә әввәл Исмајылова електрон почтла мәктуб алыб. Орада шәхси характерли фотошәкилләр олуб, дејә Азад Авропа/Азадлыг радиосу мәлумат верир.
"Мән фотошәкилләр вә јазы олан зәрф алдым. Орада јазылмышды: "Фаһишә, өзүнү јахшы апар, јохса ләкәләнәҹәксән", дејә Исмајылова билдириб.
Азәрбајҹанын јүксәк һакимијјәт ешелонларындакы адамлар репортажларына ҝөрә Исмајыловадан аҹыглы ола биләрдиләр. Онун мәгаләләриндә Илһам Әлијевин гызларынын Азерфон ширкәтиндә мәхфи пајларынын олмасы барәдә мәлумат верилирди. О һәмчинин јазырды ки, президентин аиләсинин банкы вар вә бундан ҝизли әгдләр үчүн истифадә олунур.
Азәрбајҹан Президент Администрасијасы сијаси анализ вә информасија тәминаты шөбәсинин мүдири Елнур Асланов Исмајылованын репортажларыны шәрһ етмәкдән имтина едиб, амма видео јајымланандан бир ҝүн сонра ону писләјб, “Азәрбајҹанда сабитлик олмасыны истәмәјән фитнәкар гүввәләри”иттиһам едиб.
Асланов һәмчинин билдириб ки, һакимијјәт «бу чиркли ишләрин архасында дуран шәхсләрин тапылыб ифша олунмасы үчүн сәјләрини әсирҝәмәјәҹәк».
Исмајылова Елнур Аслановун бәјанатыны «сон дәрәҹә гејри-сәмими, һиддәтләндириҹи»адландырыб. О, һесаб едир ки, һөкумәт ону репортажларына ҝөрә ҹәзаландырыр. Һаким партија мәтбуатда онун етник мәншәјини Ермәнистанла бағлајыб.
Азәрбајҹанла Ермәнистан арасында Дағлыг Гарабағла бағлы мүнагишә вар. Белә тәәссүрат јараныр ки, Исмајылова Ермәнистанла бағлыдыр. Бу исә Азәрбајҹан иҹтимаијјәтиндә она гаршы еһтираслары гызышдыра биләр. "Онлар мәни дүшмән өлкәјә ишләмәкдә иттиһам едирләр", дејә о билдириб.
Видеонун јајымланмасына бир ҝүн галмыш һөкумәтјөнлү хәбәр сајтында ҝедән бир мәгаләдә онун етник мәншәји мәсәләси галдырылыб. Мәгаләдә журналистин шәхси һәјаты һүҹумлара мәруз галыб: «Хәдиҹә Бакыда даим баһалы барлара вә клублара ҝедир. О, алкогола вә јүнҝүл һәјата бағлылығыны ҝизләмәјиб. О, Азәрбајҹан гадынларынын тәрбијәси вә дәјәрләринә ҝүлүрдү».
Башга бир һөкумәтјөнлү гәзет олан «Ики саһил»дә видео јајыландан бир ҝүн сонра ҝедән мәгаләдә јазылыб: «Хәдиҹә мәгаләләриндә дејирди: «Мәнә азадлыг верин» вә дејәсән, инди јетәринҹә азадлыг алыб». Бундан сонра мәгаләдә видеонун абырсыз тәфәррүаты верилмиш вә ону Интернетдә тапмаг јолу ҝөстәрилмишди.
Исмајылова һүгуг мүдафиәчиләри вә башга груплардан дәстәк алыб. Дини мүһафизәкарлар онун мүдафиәсинә галхыб. Нардаран ағсаггаллары Исмајылова илә чох вахт разы олмадыгларыны десәләр дә, Хәдиҹәјә гаршы шантажы писләјибләр вә бу ишләрин дајандырылмасыны тәләб едибләр.
Исмајылова һесаб едир ки, дини иҹма вә башга мүһафизәкарларын дәстәји "онун һәјатыны хилас етмәјә көмәк едәҹәк».
Бүтүн дүнјада мүхтәлиф һүгуг мүдафиәси тәшкилатлары наразылыг ифадә едиб. «Азәрбајҹан журналситә гаршы бөһтан кампанијасына башлајыб», дејә Журналситләрин Мүдафиәси Комитәсинин пресс-релизиндә билдирилир. Сәрһәдсиз репортјорлар өз бәјанатларыны «нифрәт» сөзү илә башлајыблар. Онлар билдирир ки, белә шејләр әввәл дә олуб.
«Азәрбајҹанда журналистләр тез-тез шантаж вә һәдәләрә мәруз галырлар. Ҹәзаларла бағлы бәзән өлкәни тәрк етмәли олурлар", дејә ЖМК Авропа вә Асија үзрә програмынын координатору Нина Огнјанова билдириб. Тәдгигатлара әсасланараг о билдириб ки, Азәрбајҹан онун ишыгландырдығы өлкәләр арасында ән авторитардыр. «2009-ҹу илдә өлкә реҝионда даһа чох журналистләрин түрмәдә олдуғу өлкә иди. О вахт 11 журналист һәбсдә отурурду", дејә Огнјанова билдириб.
О хатырладыб ки, башга бир журналистин башына бу ҹүр һадисә ҝәлмишди вә о, һөкумәтјөнлү КИВ-дә һомосексуалист кими тәгдим едилмишди. «Бу дамға ону тәһлүкәли вәзијјәтә салды, дејә Огнјанова билдирир - О, бычаг зәрбәсиндән аз гала өләҹәкди, кимсә ону гатарын алтына атмаға ҹәһд етмишди».
Амма һөкумәт журналистин тәзјигә галмасыны инкар едир. «Азәрбајҹан мүстәгил КИВ-ләри олан ачыг демокртаик өлкәдир", дејә Асланов билдириб.
Әлијевләрин аиләси гырх илә јахындыр һакимијјәтдәдир. Индики президентин атасы Һ. Әлијев 30 ил һакимијјәтдә олуб. Индики президент Илһам Әлијев мүхалифәтин бојкот етдији сечкиләрдә бу вәзифәјә ҝәтирилиб (2008-ҹи илин сечкиләри – Туран) вә АТӘТ тәрәфиндән бу сечкиләр стандартлара ујғун сајылмајыб. Кечмиш совет республикасы сон вахтлар бејнәлхалг аренада имиҹини галдырыб. О, БМТ Тәһлүкәсизлик Шурасына сечилиб вә Олимпиада-2020-јә әризә вериб.
«Транспаренҹј Ынтернатионал» Азәрбајҹаны коррупсија сәвијјәсинә ҝөрә Беларус вә Ниҝерија илә бир сыраја гојуб. Онун рејтинги Пакистандан да ашағыдыр. Әввәлләр јүксәк иди.
Мајда Азәрбајҹанда “Авровизија” мүсабигәси кечириләҹәк. Орада Авропа, Шимали Африка вә Јахын Шәргдән иштиракчылар олаҹаг. 40 өлкәдән журналситләрин иштиракы ҝөзләнилир. Бу, мәтбуатын глобал тәсиринин артмасы демәкдир.
Азәрбајҹан репутасијасыны рискә гојур вә дејәсән, интенсив вә даими бејнәлхалг тәзјигләрә реаксија верир - "амма бөјүк мүгавимәтлә", дејә Огнјанова билдирир.
"Өлкәдә тәнгиди сәсләр даһа ҝениш репрессијалара мәруз галыр", дејә о билдириб. "Һөкумәт әввәлләр дә әл алтындан зәрбә вурмаг тактикасындан исифадә едиб», дејә о билдириб.
Хәдиҹә Исмајылованын видеосу Техасдакы «ҺостҜатор» ширкәтинин веб-һостингиндә јерләшдирилиб. CNN ширкәтлә әлагә сахлајыб видеону сајтда кимин јерләшдирдијини өјрәнмәјә ҹәһд едиб. Амма ширкәтин тәмсилчиси телеширкәти мәтбуат хидмәти илә бирләшдирмәјиб вә телефон нөмрәсини вермәјиб. Електрон мәктублар ҹавабсыз галыб.
Исмајылова дејир ки, инди тәһлүкәдә олса да, бу мәсәлә ачыглансын, она гаршы кампанијанын архасында дуранлар өзләрини итирсинләр. Илк фотолары аландан сонра о, Фаҹебоок-да јазыб: «Мән әминәм вә гәрара алмышам ки, мәнә гаршы истәнилән шантажа дөзәрәм".
О вахт о, прокурорлуға мәктуб јазараг истинтаг апарылмасыны тәләб едиб. Амма ҹаваб алмајыб. "Онлар мәни чағырмајыб, әлавә материаллар, мәктуб истәмәјибләр".
Видео јајыландан ики ҝүн сонра прокурорлуг ону чағырыб, әризәси барәдә сорғу-суал едибләр. Вәзифәли шәхсләр шәхси һәјатын тохунулмасыны позмаг иттиһамы илә ҹинајәт иши ачдыгларыны дејибләр. Исмајылова хаһиш едиб ки, онун журналист кими фәалијјәтини әнҝәлләмәк ҹәһдләри илә бағлы тәһгигат апарылсын, амма һәлә ҹаваб јохдур.
Һәмин ҝүн Исмајылова вәтәндаш ҹәмијјәтинин јығынҹағында дәстәк алыб. Өз сәһифәсиндә ишини давам етдириб. Азад Авропа /Азадлыг радиосу АБШ һөкумәтиндән малијјә дәстәји алыр. Ҹүмә ҝүнү Исмајылованын видеосу АБШ вә башга өлкәләрдә ҝөздән итиб. “Она Азәрбајҹанда бахмаг олар, Чех Республикасында јох", дејә А
