Әһли Бејт -АБНА- хәбәр аҝентлијинин вердији хәбәрә әсасән мартын 1-дә Губада баш верән халг үсјаны ајры-ајры рајонларын иҹра башчыларыны бәрк тәшвишә салыб. Сөһбәт хүсусилә о рајонлардан ҝедир ки, онларын ҹамааты јерли һакимијјәтдән наразыдыр, үстәлик, һәмин рајонларын рәһбәрләринин башчылыг етдикләри рајон әразисиндә ири торпаг саһәләри вә чешидли дашынмаз әмлаклары вар.
Мәлуматларда иддиа олунур ки, Губада гәфил баш верән һадисәләр заманы иҹра һакимијјәти башчысы Рауф Һәбибовун евинә од вурулмасы, онун вә јахынларынын да мүлкләринин јандырылмасына чалышылмасы бир чох иҹра башчыларыны еһтијатлы тәрпәнмәјә мәҹбур едиб: “Ајдын мәсәләдир ки, әксәр рајонларда ҹамаат јерли идарәчилијин өзбашыналыгларындан әзијјәт чәкир вә иҹра башчыларына гаршы негатив мүнасибәтдәдирләр. Бу наразылығын исә нә вахт вә һансы сәбәблә партлајаҹағыны мүәјјәнләшдирмәк чәтин мәсәләдир. Буну иҹра башчылары да билдикләри үчүн ишләрини еһтијатлы тутмаг вә рәһбәри олдугларырајонларын әразисиндәөзләринә мәхсус мүлкләри сатмаг гәрарына ҝәлибләр”.
Мәлуматларда рајон рәһбәрләринин бу аддымы атмаларына сәбәб кими башга бир амил дә вурғуланыр: “Һәр бир рајонда иҹра башчысынын нәзарәтиндә ири торпаг саһәләринин, имарәтләрин, бизнес објектләринин варлығы һеч кимә ҝизли дејил. Бу исә ҹамаатда гыҹыг јарадыр. Һәмин гыҹығы арадан галдырмаг, јерли әһалидә рајон рәһбәрлијинә гәзәбин аловландырылмасына сәбәб олаҹаг гығылҹымы заманында зәрәрсизләшдирмәк үчүн дә иҹра башчыларыөз мүлкијјәтләрини мәһдудлашдырмаг гәрарына ҝәлибләр. Сөһбәт тәбии ки, онларын иҹра башчысы ҝөрәвиндәчалышдыглары рајонлардакы мүлкијјәтләринҝән ҝедир”.
Һесаб едилир ки, мүлкләрини сатан иҹра башчылары бундан әлдә етдикләри вәсаитләрлә ја Бакы вә Бакыәтрафында дәбдәбәли игамәтләр, ҝениш торпаг саһәләри алмаг, бизнес јаратмаг вариантына үстүнлүк верәҹәкләр, ја һәмин пулларыөлкәдән чыхарыб хариҹи банкларда јерләшдирәҹәкләр. Амма хариҹи банкларда иҹра башчыларынын пулларыны јерләшдирмәләри бир гәдәр чәтин мәсәләдир. Чүнки һәмин пулларын мәншәјини ачыгламаг зорундадырлар. Елә буна ҝөрә дә бу ишүчүн иш адамларынын хидмәтиндән истифадә етәмләри даһа мәгсәдәујғун ҝөрүнүр. Һәр һалда онларын сатдыглары мүлкләрдән әлдә етдикләри пуллары халгын сосиал проблемләринин һәллинә јөнәлдәҹәјини һеч ким ҝөзләмир.
Диггәт: Хәбәрдән истифадә етдикдә мәнбәјә истинад лазымдыр
