Әһли Бејт -АБНА- хәбәр аҝентлији- “Wikileaks”-дән јени ачыглама: Губа һадисәләри доғруданмы Азәрбајҹан Республикасынын дахили проблемидир? Исраил мәтбуатыны изләјәнләр јахшы билир ки, Губа һәмишә ишғалчы Тел-Әвивин диггәт мәркәзиндә олуб. Бунун сәбәбләри дә хүсуси формулла тапылмыр. Белә ки, бөјүк Исраил лајиһәсиндә Губанын да ады вар вә бу реҝион Исраилин тәк барышмаз дүшмәни Ирана гаршы һәрби полигон кими әһәмијјәт кәсб едир.
Һәлә Пересин Бакыја сәфәри заманы ҝеополитик чеврәләрдә хәбәр јајылды ки, Исраил президенти истәнилән бир гијмәтә Губанын Тел-Әвивин нәзарәтинә верилмәсини тәклиф едиб. Ҹаваб нә олуб? Губадакы сон һадисәләрлә бағлы прогнозлардан бири будур ки, Губа Исраилә вәд олунуб вә бу вәди реаллашдырмаг үчүн реҝионда сүни ҝәрҝинлик јарадылыр. Әввәла азад игтисади зона пәрдәси алтында реҝиондакы саһәләр әһалидән алыныб мүхтәлиф адлар алтында јәһуди емиссарларынын ихтијарына верилир. Бакы бу иши тәдриҹән һәјата кечирмәк истәсә дә Исраил тәләсир вә өз стратежи лајиһәсинин гыса заманда реаллашмасына чалышыр.
Тел-Әвивин истәји будур ки, һеч бир ҝөмрүк нәзарәти олмадан Губа илә һава вә гурудан рабитәләрә шәраит јарадылсын. Бу мөвзуну Ағ Ев дә диггәтлә изләјир. Бу јахынларда Исраили Американын 51-ҹи штаты адландыран Обама бир ҝүн Губаны АБШ-ын 52-ҹи штаты адландырса тәәҹҹүбләнмәјә дәјмәз. Реҝионда мүттәфигләрини итирән АБШ вә Исраил Губаја бөјүк сәрмајәләр јатырыр вә бу мәбләғләр ҹидди шүбһәләрә әсас ола биләр. Јәни Әлијев режими Исраил гаршысында өһдәчилијини јеринә јетирмәк үчүн Губада сүни ҝәрҝинлик јарадыр вә губалыларын тәдриҹән бу торпаглардан көчү арзусу илә јашајыр. Һеч заман ән кичик мәмуруну халга ҝөрә тәгсирли сајмајан режимин бир иҹра башчысыны рүсвајчы шәкилдә гурбан вермәси јалныз бөјүк мәгсәдләр наминә мүмкүн ола биләр.
Диггәт: Хәбәрдән истифадә етдикдә мәнбәјә истинад лазымдыр
