Шиә тарихинин мәшһур вә ҝөркәмли дин алими олан мәрһум Шејх Әнсаринин мүгәллидләриндән олан бир таҹир баһалы бир гыш әбасы алыб ҝәлир шејхин јанына. Мәрһум Шејх Әнсаринин әлиндән өпүб әбаны онун чијнинә салыр вә бу әбаны гәбул етмәји тәвәгге едир.
Сабаһсы ҝүн мәсҹиддә намаза ҝәлән таҹир шејхи елә көһнә әбасында ҝөрүр. Намаздан сонра шејхә јахынлашан таҹир ондан һәдијјә етдији әбаны нијә ҝејинмәдијини сорушур ки, ҹавабында шејх бујурур ки, сән һәдијјә етдијин әбаны сатыб әвәзинә он ики әдәд даһа уҹуз олан әба алдым. Онлары да әбалары олмајан кәсләрә вердим.
Таҹир шејхә дејир ки, мәним шејхим, мән о әбаны мәхсусән сизин үчүн алмышдым. Мәрһум Шејх Әнсари таҹирин бу сөзләрин мүгабилиндә таҹирә бујурур: "Мәним виҹданым гәбул етмир ки, бәзиләринин ҝејинмәјә гыш әбасынын олмадығы һалда мән белә әба ҝејиним".
