Әһли Бејт -АБНА- хәбәр аҝентлијинин вердији хәбәрә әсасән әлијевләр режиминдә дурум ҝүнү-ҝүндән ҝәрҝинләшир. Белә ки, бу ҝүн Ағҹабәдидә јерләшән Лачын рајон сакинләри режимин әлејһинә аксија кечириб. Рајонун Гаракешли, Вағазин, Ағбулаг вә диҝәр бир нечә кәндин сакинләри күтләви шәкилдә Гаракешли јатағы әразисинә топлашыблар.
Даһа сонра 1000-дәк лачынлы Тахтакөрпү гәсәбәсиндә јерләшән Лачын Рајон Иҹра Һакимијјәтинин гаршысына доғру јүрүш етмәјә чалышыблар. әлијевләр режимин полисләри кәндлиләрин јүрүшүнүн гаршысыны алмаға чалышыб. Тахтакөрпүдә һәлә дә ҝәрҝинлик һөкм сүрдүјү билдирилир. Һадисә јеринә Ағҹабәди рајонунун иҹра башчысы да ҝәлиб вә о, етиразчылардан дағылмаларыны хаһиш едиб.
Аксија иштиракчылары дејибләр ки, сакинләрин белә ҹидди етиразынын јухары даирәләрә вә мәтбуата чатмамасы үчүн, һәм Ағҹабәди, һәм дә Тахтакөрпү гәсәбәсиндә јерләшән почт мәнтәгәләринә полис нәзарәтини ҝүҹләндирибләр: “Иҹра Һакимијјәти истәмир ки, бурада етдикләри һаким даирәләрин вә иҹтимаијјәтин диггәтинә чатсын. Јардым аланлар анҹаг јахын әтрафыдыр. Һәр ај Иҹра Һакимијјәтинин фондундан 30-40 адама јардым едилир”.
Рамиз Ҹәбрајылов исә “Гафгазинфо”ја ачыгламасында дејиләнләри тәкзиб едиб: “Үмумијјәтлә нечә мүддәтдир ки, мәҹбури көчкүнләр үчүн јардым дајандырылыб. Диҝәр тәрәфдән исә һеч бир аксија олмајыб. Бу мәлуматы кимләр јајыбса, башга нијјәтләри вар”.
Диггәт: Хәбәрдән истифадә етдикдә мәнбәјә истинад лазымдыр
