Әһли Бејт -АБНА- хәбәр аҝентлијинин вердији хәбәрә әсасән Түркијәли мүсәлман, арашдырмачы јазар Нүрәддин Ширин, Конјада Анадолу Ҝәнҹлик Дәрнәјинин тәшкил етдији "Шәһадәти тапанлар" ҝеҹәси адлы конфрансда иштирак едиб.
Конфрансда өлкәнин бир чох танынмыш инсанлары да иштирак едиб вә нитг сөјләјибләр. Мәҹлис Гуран тилавәти илә башлајыб. Лакин Азадхебер.аз сајты, әзиз охуҹулара бу конфрансда сөјләнән сөзләри дејил мәһз Нүрәддин Ширин ҹәнабларынын тарихә дүшә биләҹәк сөзләрини тәгдим едиб.
"Бир инсан батилә хидмәт етсә һидајәтдән чыхар. Амма кафир олмаз. Елә инсанлар вар ки, ҝеҹәләри сәһәрә гәдәр намаз гылар, низамлы ибадәтини едәр амма батилә хидмәт едәр. Бунлар кафир олмаз. Бири мән мүсәлманам дејирсә ону мүсәлман гәбул етмәк мәҹбуријјәтиндәјик. 70 милјонлуг мүсәлман бир өлкәдә јашајырыг вә диндарларын сајы да јетәринҹәдир. 80 ил Инсанлары Исламдан аздырмаг үчүн асыб кәсдиләр. Зүлм етдиләр. Бүтүн бунлара бахмајараг јенә дә диндарларын сајы хејлидир. Диндарлара һәр заман зүлм едилиб. Мүсәлманлары әзмәк вә јох етмәк үчүн бир чох лајиһәләр ортаја гојулуб. Бу ҹүр "Шәһидлик ҝеҹәләри" һаггын батилдән ајрылмасы үчүн, јәни Фурган үчүн әһәмијјәтлидир. Фурганын изаһ едилмәси үчүн бу ҹүр ҝеҹәләр чох әһәмијәтлидир."
Америкаја мәхсус атын үзәриндән Османлы гылынҹы салланмаз.
"Мүсәлманлары мүлајим Ислам ады илә алдадырлар. Һөрмәтли хариҹи ишләр назири Америкаја сизә миннәтдарыг, тәшәккүр едирик дејир. Бир заманлар оне минуте дејәнләр, Исраиллиләрә гатил дејәнләр һарада? Бунун ҹавабы Исраилин мүдафиә олунмасы үчүн гурулмуш олан мәрмиләрин олдуғу Малатја Күрәҹијиндә. Бах буна ҝөрә бизләри мүлајим Ислама доғру апаранлардан горхмалыјыг. Инҝилтәрә, Исраил вә Америкадан дејил. Онларын мөвгеји онсузда бәллидир. Бир конфрансда журналистләрдән бири, Баш Назирин бу ҹүр лајиһәләри изаһ едәркән белә бир сөз деди: "Һөрмәтли Баш Назир, Америкаја мәхсус атын үзәриндән Османлы гылынҹы салланмаз" дүшүнүрәм ки, елә бу сөз бүтүн һадисәләрә ајдынлыг ҝәтирмәкдәдир."
Диггәт: Хәбәрдән истифадә етдикдә мәнбәјә истинад лазымдыр
