Әһли Бејт -АБНА- хәбәр аҝентлијинин вердији хәбәрә әсасән АБШ ишғалчыларынын Ирагы тәрк етмәси илә јанашы бу гүввәләрин амилләри Ирагда стабиллији позмагдан өтрү һәр бир вастәләрә әл атырлар.
Мәлуматымыза ҝөрә бу ҝүн дүшмән гүввәләр Ирагын бир нечә мәнтәгәсиндә ганлы террор актлары һәјата кечирдибләр. Һадисә заманы чохлу сајда һәм Шиә һәм дә Сүнни мәзһәбинин ардыҹыллары террорун гурбанына чеврилибләр.
Бағдадын ҹәнуб мәнтәгәсиндә јерләшән “әбу-Дәшир” бөлҝәсиндә партладыҹы маддә илә тәҹһиз олунмуш ики автомабил вә әллә гурулмуш бир бомба, Бағдадын мәркәзиндә јерләшән “әл-Кәрадә” мәнтәгәсиндә партладыҹы маддә илә тәҹһиз олунмуш ики автомабил, “әл-Бија” мәнтәгәсиндә партладыҹы маддә илә тәҹһиз олунмуш бир автомабил, Бағдадын шимал бөлҝәсиндә јерләшән “әл-Таҹи” шәһәриндә партладыҹы маддә илә тәҹһиз олунмуш ики автомабил, Казимејн шәһәриндә партладыҹы маддә илә тәҹһиз олунмуш бир автомабил, Бағдадын гәрб һиссәсиндә јерләшән “әл-Мәнсур” мәнтәгәсиндә партладыҹы маддә илә тәҹһиз олунмуш бир автомабил, Бағдадын шималында јерләшән “Сәбул Бур” мәнтәгәсиндә партладыҹы маддә илә тәҹһиз олунмуш бир автомабил партладылараг хејли сајда инсанлар мүхтәлиф дәрәҹәли хәсарәтләр алмыш вә шәһид едилмишдир.
Гејд едәк ки, Бағдад һадисәләри илә јанашы Кәркук вилајәтиндә дә партладыҹы маддә илә тәҹһиз олунмуш ики автомабил партладылараг 15 ираглынын ағыр јараланмасы билдирилир.
Диггәт: Хәбәрдән истифадә етдикдә мәнбәјә истинад лазымдыр
