Әһли Бејт -АБНА- хәбәр аҝентлијинин вердији хәбәрә әсасән әлијевләр режиминин сон ҝүнләрдә вәтәндашларына гаршы агрессивлијинин ҝүҹләнмәси вә бу јөндә әһалисинин 98%-Ы мүсәлман олан Азәрбајҹан Республикасынын ислам дининә ситајиш едәнләри тәгиб едәрәк зинданлара салмасы илә бағлы дүнја мүсәлманлары буна гаршы чыхараг өз етиразларыны билдирмәкдә давам едирләр. Белә ки, Түркијәдә јерләшән “Мазлумдер” тәшкилатынын рәһбәри Рәҹәб Гараҝөз ҹәнаблары, 'Азәрбајҹанда Инанҹли Инсанлара Гаршы Басгылар Дајандырылмалы” адлы мәтбуат конфрансы кечириб. Конфраснын сонунда өлкәдә инанҹлы кәсимә гаршы баш верән тәзјигләрлә бағлы бәјанат јајылыб.
Бәјанатыын мәтнини сизләрә тәгдим едирик.
Феврал ајынын 17-си ҹүмә намазындан сонра Азәрбајҹанын фәргли шәһәрләриндә хејли инанҹлы сахланылараг мүхтәлиф иттиһамларла һәбс олунублар. Әлдә етдијимиз мәлуматлара ҝөрә Азәрбајҹанын шималиндан ҹәнубуна, гәрбиндән шәргинә гәдәр өлкәнин кифајәт гәдәр танынмыш дин алимләри, илаһијјатчылар вә сијаси партија нүмајәндәләри мүхтәлиф бәһанәләрлә һәбс олунублар. Полис тәрәфиндән һәбс олунанлар даһа сонра Азәрбајҹан Милли Тәһлүкәсизлик Назирлијинә тәһвил верилиб. Мәлум олдуғу кими бир ил бундан өнҹә Азәрбајҹан орта мәктәбләрдә һиҹабын гадаған олунмасына етиразыны билдирән башда АИП сәдри Мөвсүм Сәмәдов вә бир нечә руһани әсассыз иттиһамларла һәбс едилибләр.
МАЗЛУМДЕР тәшкилаты олараг Азәрбајҹан һөкумәтиндән ифадә азадлығы, сијаси партијаларын фәалијјәти, дин вә виҹдан азадлығы вә.с кими саһәләрдә һәјата кечирдији тәзјигләрә сон гојмаға чағырырыг. Азәрбајҹан мәһкәмәләринин сифаришләрә ујғун олараг вердији гәрарлара ҹидди шәкилдә нараһатчылғымызы билдиририк. Дин азадлығы саһәсиндә һәлә дә бу ҝүнә гәдәр һәлл олунмасы мүәммалы шәкилдә галан һиҹаб гадағасынын һәлл едилмәсини вә инсанларын дин, виҹдан вә сијаси азадлыгарынын бејнәлхалг нормалара ујғун олараг тәмин едилмәсини истәјирик.
Һәр ҹүр тәшкилатланма, мәтбуат вә ифадә азадлығы гаршы јөнәлмиш тәзјигләр арадан галдырылмалы, дини мәрасимләрин кечирилмәси үчүн јарадылан маниәләр арадан ҝөтүрүлмәлидир. Ејни һалда дини мәрасимләрин кечирилмәси илә бағлы һәјата кечирилән гадағалар ләғв едилмәлидир. Мәһкәмәләрдә вә бүрократијада давам едән рүшвәт вә сифаришли һәбс гәрараларына сон гојулмалыдыр.
Емин Нәсирли
Диггәт: Хәбәрдән истифадә етдикдә мәнбәјә истинад лазымдыр
