Әһли Бејт -АБНА- хәбәр аҝентлијинин вердији хәбәрә әсасән әлијевләри режими «Еуровисион-2012» фәсад мүсабигәси кечириләҹәк әразидә сонунҹу биналары да сөкмәк үчүн сакинләри мәҹбури јолларла чыхармаға башлајыб. Буну - бејнәлхалг Human Rights Watch һүгуг-мүдафиә тәшкилаты билдирир.
Тәшкилатын бәјанатында дејилир ки, Азәрбајҹан һөкумәти Бакы шәһәр Иҹра Һакимијјәтинин һәрәкәтләринин ганунилијини арашдырмалы, сакинләрә адекват компенсасија өдәмәлидир.
Февралын 15-и сәһәр Бакы шәһәрә иҹра һакимијјәтинин рәсмиләри Агил Гулијев күчәси, 5 үнванында јерләшән 9 мәртәбәли бинанын сакинләрини ганунсуз олараг евләриндән чыхармаға башлајыблар.
Сакинләр билдирибләр ки, феврал ајындан бинанын дамыны сөкүбләр. Сөкүнтү үзүашағы давам едир. Бинанын 9-ҹу мәртәбәсиндә јашајанлар артыг көчүб. Февралын 15-дә 7 вә 8-ҹи мәртәбәләрин сакинләриндән көчмәләрини тәләб олунуб.
Бинанын сакинләриндән бири Наталја Әлибәјова дејир ки, Азәрбајҹан донанмасынын капитаны, 8-ҹи мәртәбәдә јашајан Рафиг Һүсејновун аиләсинә көчмәк үчүн ҝүнортаја гәдәр вахт верибләр: «Отуруб ағладыг. Ахы бу адам өмрүнүн јарысыны бу өлкәјә һәср едиб. Инди ону бајыра атырлар».
Рәсмиләр Һүсејнова кирајәдә галмаг үчүн 300 манат тәклиф едибләр.
Бајраг Мејданы әтрафындакы әразидәки тикинти ишләри Азәрбајҹан «Еуровисион 2011» фәсад мүсабигәсиндә галиб ҝәләндән сонра интенсивләшиб. 2011-ҹи илин мајында бу әразидә Баку Crystal Hall-ун тикинтисинә башланыб. Бакы шәһәр иҹра һакимијјәти билдириб ки, бина әразинин ҝенишләндирилмәси мәгсәдилә сөкүлүр.
Пајызда әразидәки диҝәр биналар шәһәрин мәркәзиндән бура јол салмаг мәгсәди илә сөкүлүб.
«Human Rights Watch» Бајраг Мејданындакы мәҹбури көчүрүлмә илә бағлы мүсабигәни кечирән Авропа Јајымлары Бирлији илә әлагә сахлајыб. АЈБ мүсабигәнин гејри-сијаси тәдбир олдуғуну, һөкумәтин бу сөкүнтү ишләринин маһны мүсабигәси илә әлагәси олмадығы илә бағлы аргументин әсас ҝәтирәрәк өзүнү бу мәсәләләрдән кәнар тутмаға чалышыб.
«Human Rights Watch» билдирир ки, буна бахмајараг нә Азәрбајҹан һөкумәти, нә Авропа Јајымлары Бирлији истәмәз ки, маһны мүсабигәсинә инсан һүгугларынын позулмасы илә көлҝә дүшсүн. Она ҝөрә дә АЈБ һөкумәти сакинләрин евләриндән көчүрүлмәси илә мүшајиәт олунан кобуд инсан һүгуглары позунтуларына сон гојмаға чағырмалыдыр. HRW һәмчинин АЈБ-нин үзвү олан милли телевизија ширкәтләрини дә бирлијин бу мәсәләдә сәсини јүксәлтмәси үчүн тәсир етмәјә чағырыб.
Адынын чәкилмәсини истәмәјән бина сакинләриндән бири исә дејиб ки, сакинләр евләри сөкүләндә иҹра һакимијјәтинин нүмајәндәсинә дејибләр ки, онлар әразидә јерләшән биналара да көчә биләрләр. Анҹаг иҹра һакимијјәтинин нүмајәндәләри дејиб ки, «онлар елит биналардыр вә елита үчүн нәзәрдә тутулуб».
Агил Гулијев күчәси 5 үнванындан сакинләрин мәҹбури чыхарылмасы Бакыда 2008-ҹи илдән башланмыш мүлкијјәтин ганунсуз әлиндән алынма вә ганунсуз сөкүнтү ишләринин бир һиссәсидир. Бу Азәрбајҹан һакимијјәтинин иддиалы шәһәрин ҝөзәлләшдирилмәси програмына ләкә ҝәтириб. Програм чәрчивәсиндә һакимијјәт органлары минләрлә әмлакы бағлар, парклар, јоллар вә лүкс биналарын тикинтиси үчүн орта тәбәгәјә мәнсуб олан адамлардан ганунсуз алыб.
«Бу сакинләр садәҹә онлара ганунла верилмәли оланы истәјирләр. Әдаләтли гијмәтләндирмә просеси вә өз евләри үчүн әдаләтли гијмәт истәјирләр. Әвәзиндә исә онлар евләриндән мәҹбури чыхарылма вә әдаләтсизликлә үзләширләр», дејә тәшкилатын Авропа вә Мәркәзи Асија үзрә директору Hugh Willamson билдириб.
Кәбиран Дилавәрли
Диггәт: Хәбәрдән истифадә етдикдә мәнбәјә истинад лазымдыр
