Кәнддә доғуланлар буну јахшы биләр. Совет вахтларында Бакыдан мүтрифләр вә мүғәнниләр гастрола ҝәлмәздән өнҹә колхоз сәдри кәнд клубуну косметик тәмир етдирир, јолларын чала-чухуруну чынгылла өртәрди. Зәһмәткешләри клуба долдурар, өзләри дә аилә үзвләри илә бирликдә өн сырада отуруб мүтриф вә мүғәнниләрин чыхышларындан фејзијаб оларды. Консерт вә ја тамашадан сонра исә мүтләг гонагларын шәрәфинә зијафәт верилирди. Тәбии ки, белә консертләр вә тамашалар сәһәрдән-ахшама памбыг, үзүм, түтүн саһәләриндә гул кими тәр төкән мәзлум зәһмәткешләрин исрарлы тәләби сајәсиндә ҝерчәкләшмирди вә ағыр физики ишдән сонра сүмүкләри сызылдајан түкәзбанларла мәммәдһәсәнләрин мәнәви гида алмасы имкансыз иди.
Белә гастроллардан ән чох фајдаланан колхоз, рајон рәһбәрләри олурду. Бүдҹәдән пуллар силинирди, колхоз сәдрләри вә рајком катибләри зијафәтләрдә телевизија екранындан ҝөрдүкләри мәшһур артистләрлә бир маса архасында әјләширди, бир аз дирибашлары бәзи истәкләрини дә реаллашдырмаға имкан тапырды.
Адам нә заман консертә, тамашаја ҝедәр? Тәбии ки, кефи көк, дамағы чағ оланда. Еһтијаҹ ҝедәҹәјин јолун сәмтини белә сәнә унутдурурса, башында долашан мин фикир нормал дүшүнмәдән сәни мәһрум едибсә, һансы мадди, психоложи дурумла ҝедиб консертә, тамашаја билет ала биләрсән?
“Еуровисион” маһны мүсабигәсинин Бакыда кечириләҹәјинә гәрар вериләндән сонра режимин хүсуси ҹанфәшанлыгла бу тәдбирә һазырлашмасы, нәдәнсә, колхоз дөнәмини хатырладыр. Вә бир дә гәдим Рома императору Лукулун зијафәтләри һаггында охудугларым јадыма дүшүр.
Маһны мүсабигәсинә ев саһиблији етмәк бизим һарамыза јарашыр? Елә бу ан “аналогсуз инкишаф” моизәсинин ејфоријасы илә јашајаналара хатырладырам ки, ҹәнаблар, һәтта, мүхалифәт белә сизә гошулуб бу инкишафдан дәм вурса, дүнјаны инандырмаг чәтин олаҹаг. Нәдән ки, бејнәлхалг тәшкилатларын Азәрбајҹан һаггында һазырладыглары һесабатлардан ҹүмлә дүнја хәбәрдардыр. Режимин мәдһијјәчиләринә сөзүм вар. Лүтфән, бунлары диггәтлә охујун:
1. Бу игтидар бу ҝүнә гәдәр демократик бир сечки кечирмәјиб вә кечирмәк фикриндә дә дејил;
2. Азәрбајҹанда сијаси мәһбуслар вар вә инсанларын сәрбәст топлашмаг һүгугу әлиндән алыныб;
3. Коррупсија вә рүшвәт бу өлкәдә түғјан едир;
4. Өлкәнин 700 мин вәтәндашы диләнчи вәзијјәтиндә јашајыр, ишсизлик үзүндән инсанлар күтләви шәкилдә доғма јурд-јуваларыны тәрк едир;
5. Минимал әмәк һаггы ајлыг истеһлак тәләбатынын 50 фаизи гәдәрдир;
6. Нәһајәт, торпагларын 20 фаизи 20 илдир ишғал алтындадыр.
Вә инди дејин ҝөрәк, белә бир дурумда олан өлкәнин һарасына јарашыр, әсас принсипләриндән бири дә “азадлыг” вә “демократија” олан маһны мүсабигәси?
Мадди дурумумуза, јолларымыза, демократик имиҹимизә јарашыр бәлкә?
“Азәрбајҹанын ады дүнјада танынаҹаг” хүлјасында оланлар мәҝәр билмирләр ки, бу режим онсуз да Азәрбајҹаны дүнјада елә таныдыб ки, јүз маһны мүсабигәси, ҹаз фестивалы дүзәнләсә белә, адымыз гара сијаһылардан силинәси дејил.
Әслиндә бу мүсабигә Азәрбајҹан үчүн јох, Азәрбајҹаны идарә едән рүшвәтхор, коррупсионер зүмрә үчүн фајдалыдыр. Еһтијаҹдан јана башыны итирмиш тәгаүдчүнүн, зијалынынын, фәһләнин һеч умурунда да дејил белә мүсабигә. Әминликлә јазырам, Ылһам Әлијев бу маһны мүсабигәсинә сәрф етдији зәһмәти, вәсаити еһтијаҹы оланларын һамысына јох, тәкҹә Азәрбајҹандакы јетим ушагларын сосиал мүдафиәсинә јөнәлтсәјди, бөјүк сијаси дивиденд әлдә етмиш оларды...
Бәлкә “Еуровисион” мүсабигәси вәтәнинин 20 фаизи ишғалда олан ҝәнҹләрин вәтәнпәрвәрлик һиссләрини көкләјәҹәк?
Бәлкә бу мүсабигәдән сонра телеканаллар мејхана јарышмалары, әттөкән шоулар әвәзинә ишғалдакы торпагларын хилас јолларыны, ишсизлик, рүшвәт вә коррупсија проблемләрини мүзакирәјә чыхараҹаг?
Бунларын баш верәҹәјини дүшүнмәк белә садәлөвһлүк олар. Мави Елтон Ҹонун Тофиг Бәһрәмов адына стадиондакы консерти, Гәбәләдәки Бејнәлхалг Ҹаз фестивалы, сајы билинмәјән әһәмијјәтсиз бејнәлхалг тәдбирләр ҝәнҹләримиздә вәтән тәәссүбкешлијини нә гәдәр артырмаға наил олдуса, “Еуровизион” да беш гатыны артыраҹаг.
Вәтән ермәни тапдағында, биз чал-чағыр, зурна-балабан һајында.
Јазыглар олсун...
Сәхавәт Әлисој
Диггәт: Хәбәрдән истифадә етдикдә мәнбәјә истинад лазымдыр
