Әһли Бејт -АБНА- хәбәр аҝентлијинин вердији хәбәрә әсасән Муһәммәд Әмр Гаһирәдә кечирилән мүхбирләрлә ҝөрүшүндә Һилари Клинтонун ачыгламасына ҹаваб верди.
Муһәммәд Әмр ачыгламасында АБШ режимин Мисирин дахили ишләринә дәхаләт етмәкдә ҝүнаһландырараг деди: “Мисир һөкүмәти һеч кимә өз дахили ишләринә дәхаләт етмәк иҹазәсин вермәјәҹәк”.
О, сөзүнүн давамында билдирди: “Биз һәр һансы бир хариҹи дөвләтин өлкәмизин дахили ишләри барәсиндә вердији бәјанијјәләрә ајдын ҹаваб вермәсини тәләб едирик”.
Хатырладаг ки, Һилари Клинтон кечән һәфтәнин базар ертәси ҝүнү етдији чыхышында Мисир дөвләтинин јени рәсмиләрини күчәләрдә вә сијасәтдә гадынлар илә кобуд рәфтар етмәкдә сучлајараг демишдир: “Мисирин Ингилабчы рәсмиләри систематик олараг гадынлар илә пис рәфтар едир”.
Диггәт: Хәбәрдән истифадә етдикдә мәнбәјә истинад лазымдыр
