Ҹәннәт дүнјаны ҹәһәннәмә чевирән ән өнәмли политик проблем: Гәрблә Ислам дүнјасы арасында гаршыдурма! Бу гаршыдурма һәр нәдән габаг Јахын Шәрг проблеми үзәриндә көкләнмишдир.
Бу проблем илк бахышда Фәләстинлә Исраил арасында реҝионал масштабда ҝөрүнсә дә, мәсәләнин маһијјәтинә вардыгҹа Әрәб Дүнјасы-Исраил, АБШ вә мүттәфигләри-Ислам дүнјасы кими ҹәбһәләшмәләр диггәти чәкир.
Баш-баша ҝәлән тәрәфләр үчүн дүшмәнин һәр шеји, ҹаны, мүлкү, мәнәви дәјәрләри, дини һәдәфдәдир. Бу ҝүн АБШ (башы үзәриндә Исраил) вә мүттәфигләри бүтүн мүсәлман өлкәләри үзәриндә һакимијјәтә ҹан атыр. Бу һүҹум виртуал ҹәбһәни дә әһатә едир. Һавадан һүҹум, јерүстү әмәлијјатлар, информасија мүһарибәси… Бир гәдәр идеоложи ҝөрүнсә дә мөвҹуд гаршыдурмада јалныз бир тәрәф идеоложи мөвгедән чыхыш едир. Ислам дүнјасы һз. Муса (ә), һз. Исаны (ә) јәһуди вә мәсиһиләрдән аз севмир. Әслиндә АБШ мәсиһилик, Исраил јәһудилик принсипләринә зәррәҹә сајгылы дејил. АБШ вә мүттәфигләри өз стратежи планларында зәррәҹә Аллаһ вә динә сајгы ҝөстәрмирләр. Онлар һз. Мәһәммәдә (с) һәгарәтлә јанашдыглары гәдәр о бири пејғәмбәрләри ашағылајырлар. Бәли, мүһарибә күфрлә дин арасындадыр. Бүтүн пејғәмбәрләр өз дөврүнүн залым башчылары илә вурушдуғу һалда АБШ, гәрб дөвләтләри, Исраил, онларын шәргдәки әлалтылары истиснасыз олараг бүтүн сәмави динләри салону бәзәјән бүллур ваз кими гәбул едир вә иҹтимаи-сијаси сәһнәдә динин ҝөрүнмәсини дөзүлмәз сајыр. Бәли, президент инагурасијасында мүгәддәс китаба анд ичилир. Амма реаллыгда нә ганунвериҹилик, нә мүдиријјәтдә мүгәддәс китаб ганунлары нәзәрә алыныр.
Дүнјанын тәблиғат машыны сионизмин әлиндәдир – АБШ вә мүттәфигләрини, әлбәттә ки, һәм дә Исраили доландыран сионизмин. Бу империалист чеврәдә һәгиги дин дашыјыҹысына јер јохдур – о ҹүмләдән һәгиги јәһудиләрә. Әсил јәһудиләр сионизмин дин јох, сијаси фырылдагчылыг олдуғуну, дүнјанын ганыны ичдијини ачыг бәјан едир. Әсил јәһудиләр әсил мәсиһиләр вә әсил мүсәлманларла һәмкарлыг едир. Онларын үмуми мәгсәди дини дәјәрләри ҝүндәмә ҝәтирмәк, дүнјаны әхлагсызлыгдан гуртармагдыр.
Зүлм, истибдад, күфр пирамидасынын тәпә нөгтәсиндә Исраил дајаныр. АБШ Исраилин тапшырыгларыны гул кими јеринә јетирән Гүлливери хатырладыр. Бу олдугҹа ҝениш мөвзуну хүласәләшдирмәк үчүн бејнәлхлаг империализм вә сионизмә хидмәт едән тәблиғат машыны үзәринә гајыдырыг.
Дејирләр ки мәтбуат дөрдүнҹү һакимијјәтдир. Елә буна ҝөрә дә бөјүк сәрмајәләр јатырылыр гәләм адамларына. Азәрбајҹан гәләм саһибләринин дә бир һиссәси ајбаај өз пајыны алыр. Шәрти олараг нео-атеизм адландыраҹағымыз бу ҹәрәјанда Салман Рүшди кими нәһәнҝләр, Рафиг Тағы кими нәрәләр, нәһајәт бу ҝүн Р.Тағынын мүәммалы өлүмү әтрафында горха-горха ҝаһ сусуб, ҝаһ сәс-күј салан ҹырҹырамалар вар. Азәрбајҹанын ҹидди зијалылары бу һадисәјә јалныз етикет хатиринә мүнасибәт билдирир. Аллаһы гәбул едән бири Аллаһы сөјәнә неҹә ағлајар?!
Амма... Азәрбајҹанда нео-атеизм олдугҹа хамдыр. Онлара кимлијини сүбут етмәк, онларын сијаһысыны тутмаг, онлары ән азы инсан һагларына һәгарәтли јазыларына ҝөрә иттиһам етмәк чох асандыр. Амма бу белә олмамалыдыр. Мирзә Хәзәр демишкән, дин һәссас мәсәләдир. Мирзә Хәзәрин “дин тәһлүкәли мәрмидир” демәси даһа јеринә дүшәрди. Бу мәрми маһир сапјорлар тәрәфиндән зәрәрсизләшдирилмәлидир. Рома папасыны “зәрәрсизләшдирилмиш дин мәрмисинә” нүмунә ҝөстәрмәк олар. Галыр Азәрбајҹанда Мөвсүм Сәмәдов, Талеһ Бағыров кими “мөминләри” зәрәрсизләшдирмәк. Азҹа еһтијатсызлыг партлајыша сәбәб олар вә һеч кимин ҝөзләмәдији бир мәгамда Бакы “Ислам Мәдәнијјәтинин пајтахтындан” “Ислам Республикасынын пајтахтына” чевриләр. Еһтијатлы олун, ҹәнаб нео-атеистләр!
БМТ Сионист режимин Гәззә золағына гаршы һүҹумуну һәрби ҹинајәт адландырды. БМТ-нин Фәләстиндә инсан һаглары үзрә хүсуси мүфәттиши Ричард Фалк БМТ-нин инсан һаглары шурасына тәгдим олунан 26 сәһифәлик һесабатда билдирди: "Ҹеневрә мүгавиләси вә бејнәлхалг ганунлара әсасән һәрби гүввәләрин һәрби вә мүлки һәдәфләри ајырд едә билмәдикләри һалда һүҹума әл атмалары ганунсуз бир һәрәкәтдир. Буна ҝөрә дә Исраил ордусунун Гәззә золағына гаршы һүҹуму һәрби ҹинајәт сајылыр." Ричард Фалк Исраил гүввәләринин Гәззә золағындакы һәрби ҹинајәтләрини сүбут едән фактлара истинадла дејиб: "Исраил ордусу јашајыш массивләринә һүҹум едәрәк Гәззә золағындакы фәләстинлиләрә бөјүк ҹисмани, руһи вә малијјә зәрәрләри вуруб." (Ричард Голдстон)
Гејд едәк ки, Сионист режимин 2008-ҹи илин 27 декабрында башлајан Гәззә золағына гаршы 22 ҝүнлүк һүҹумларында 1340-дан јухары фәләстинли шәһид олуб, азы 5000 нәфәр дә јараланыбдыр. Нә олсун? О олсун ки, мүасир дүнјада азад сөзүн мүдафиәсиндә дуран, дини дәјәрләри һәдәфә алмыш силаһлы гәләм ҹәнҝавәрләрин ҹәзаландырылмасына гаршы кампанија апаран елә Исраилдир! Салман Рүшдидән Рафиг Тағыјадәк күфр далғасына јоч ачан, иҹтимаи фикир формалашдыран елә 22 ҝүндә 1340 фәләстинлини гәтлиам едән Исраилдир. Бу һәмин Исраилдир ки, фитвасы илә АБШ вә Гәрб дөвләтләри Гарабағда өлдүрүлән, әсир ҝөтүрүлән сојдашларымыза биҝанәлик ҝөстәрир. Онлары Рафиг Тағынын өлүмү нараһат едир. Даһа чох нараһатдырлар ки, Р. Тағы мәктәбинин мави давамчыларыны да тәһлүкә ҝөзләјир. Бу сырада мәрһум Елмар Һүсејновун адыны чәкәнләр ән бөјүк шәрәфсизлијә әл атыр. Елмар Һүсејнов һагг сөз јолунда шәһид олуб. Ону милјонларла инсанларын етигадыны ашағылајан муздурлара гатмаг рәзаләтдир.
Нео-атеизм һамиләри нараһатдыр. Белә ҝетсә гыса бир мүддәтдә бүтүн һибридләр, мутантлар мәһв едиләҹәк. Ампуланы дәјишмәк лазымдыр. Ахундов, Салман Рүшди, Рафиг Тағы үслубу илә Ислам ингилабыны јалныз сүрәтләндирмәк олар. Ҹәмијјәти либераллашдыраҹаг, ҝүзәштә ҝетмәјән дини кәсими јумшалдаҹаг тәблиғата еһтијаҹа вар.
Сөз Мирзә Хәзәрә верилди. Кимдир Мирзә Хәзәр? Үмумијјәтлә, бу онун әсил адыдырмы? Әсил ады Шарон ја Перес олса белә ону Мирзә Хәзәр кими тәгдим етмәк "мәсләһәт олуб". Беләҹә, Микајылов Мирзә Кәрим оғлу (Мирзә Хәзәр) 29 нојабр, 1947-ҹи ил тарихиндә Ҝөјчајда анадан олуб. Азәрбајҹан Дөвләт Университетинин һүгуг факултәсини битирән, бир мүддәт Сумгајытда вәкил ишләјән Мирзә 1974-ҹү илдә Исраилә мүһаҹирәт едиб. 1975-ҹи илдә Тел-Әвив Университетиндә хүсуси курс кечиб, Исраил ордусунда (САХАЛ) хидмәт едиб.
Мирзә Хәзәр "Американын Сәси" радиостансијасынын Азәрбајҹан бөлмәсинин мүдири (1985-1987) вә "Азадлыг" радиосунун (Радио Фрее Еуропе/Радио Либертј) Азәрбајҹан редаксијасынын директору (1987-2003) вәзифәләриндә ишләмишдир. Һәмин арада Мирзә Хәзәрин әсас вәсифәси Азәрбајҹанда иҹтимаи фикри сионист мараглары истигамәтиндә јөнәлтмәк олуб. Исвечин пајтахты Стокһолмдакы Библија Тәрҹүмә Институтунун сифариши илә Библијаны - "Әһд-и Әтиг" (Төврат) вә "Әһд-и Ҹәдид"и (Инҹил) Азәрбајҹан дилинә тәрҹүмә етмишдир (1975-1984). "Әһд-и Ҹәдид" (Инҹил) Мирзә Хәзәрин тәрҹүмәсиндә илк дәфә 1982-ҹи илдә Загребдә нәшр едилмишдир.
2004-ҹү илин јанвар ајында Мирзә Хәзәр Азәрбајҹана гајыдыр. Онун Бакыја ҝәлиши јалныз Һејдәр Әлијевин өлүмүндән сонра мүмкүн олур. Чүнки Мирзә Хәзәрин МОССАД-да јонулмуш һејкәлини Һ. Әлијев ҝөзәл таныјырды. Бу тип мүәммалы адамлара Һ. Әлијевин чеврәсиндә јер јох иди. Мирзә Хәзәр Бакыда галыб ишләмәк истәјир. Бакыда "Мирзә Хәзәрин Сәси" адлы гәзетини тәсис едир. Лакин бир мүддәтдән сонра Бакыны тәрк едир. Чүнки Һ. Әлијев өз варисини лајигинҹә тәлиматландырмышды. Һазырда Мирзә Хәзәрин интернетдә үч дилдә (Азәрбајҹан , инҝилис , рус дилләриндә) ејни адда гәзети нәшр едилир. Алманијанын Мүнһен шәһәриндә јашајыр.
Мирзә Хәзәр јазычы Рафиг Тағынын өлүмүндән кәдәрләндијини билдириб: “Рафиг Тағынын дин барәдә јаздыгларынын һамысыны охумамышам вә бу үздән мүәјјән фикир јүрүдә билмәрәм. Бу фикирләрлә разы олмасам белә, Рафиг Тағыја гаршы ифрат иттиһамларын сөјләнмәсини вә һәтта Иранда онун өлүмүнә фитва верилмәсини гәбул едә билмәрәм. Фикирә фикирлә ҹаваб вериләр”. Мараглы нөгтәјә тохунур Мирзә Хәзәр: “Өзүнү зијалы вә гәләм саһиби сајан инсанларын… әсассыз иттиһамларла чыхыш етмәси вәзијјәти јалныз ҝәрҝинләшдирә биләр. Бу ҝүн сөјләнән фикирләр Рафиг Тағынын гәтлинин јаратдығы һиддәт вә гәзәбин психоложи әкс-сәдасыдыр. Һиддәт вә гәзәб сојујандан сонра даһа сојугганлы бир мүһитин јаранаҹағына вә мәнтигин һиссә галиб ҝәләҹәјинә инанырам… Диндән башы чыхмајанын, динин әсаслары илә таныш олмајанын, дини дүнјаҝөрүшү дар вә билији сәтһи олан кимсәләрин дин мөвзусундан узаг дурмасы мәсләһәтдир… Дин һәссас мөвзудур. Буну һәм һакимијјәтдә оланлар билмәлидир, һәм дә өзүнү гәләм саһиби адландыранлар”. Мирзә Хәзәр бу сөзләри илә аз гала дин мүдафиәчиси кими ҝөрүнүр. Амма… Бир аз кечмишә гајыдаг. Түркијәли карикатурачы Баһадыр Барутер ҹәмијјәтин мүәјјән тәбәгәсинин дини дәјәрләрини тәһгир иттиһамы илә мәһкәмәјә чағырылды. Буна сәбәб рәссамын сатирик “Пингвин” журналында дәрҹ етдирдији карикатура иди. Мәсҹиддә намаз гылан инсанлары тәсвир едән карикатурачы онлардан бирини әл телефону илә Аллаһа зәнҝ едәрәк “ваҹиб ишләринә ҝөрә” намазы јарымчыг гојмаға иҹазә истәјирмиш кими ҝөстәриб.
