Ахундзадә Руһулла Һөҹҹәтуллаһ оғлу 1955-ҹи ил јанвар ајынын 21-и Астара рајонунда дәмирјолчу аиләсиндә дүнјаја ҝәлиб. Орта тәһсилини Астара рајонунда алыб, Азәрбајҹан Техники Университетини битириб. Азәрбајҹан Ислам Партијасынын Астара рајон комитәсинин сәдри олуб.
Астарада вә өлкә диндарлары арасында пак вә сәмими бир инсан кими танынмыш Ахундзадә өтән ил, 21 јанвар, о шахталы гыш ҝүнү Һиҹаб Репрессијалары далғасында һәбсханаја атыды. Азәрбајҹан Республикасы Баш Прокурорлуғу Азәрбајҹан Ислам Партијасы Астара рајон тәшкилаты сәдри Руһулла Ахундзадәнин евиндән силаһ-сурсат тапылмасы илә бағлы рәсми мәлумат јајды. Инанан олмады. Амма артыг халгын инамы режим үчүн гара гәпик гәдәр әһәмијјәт дашымыр. Ән тәмиз инсанлар ән чиркин үсулларла һәбсә алыныр.
Руһулла Ахундзадә ад ҝүнүндә Азәрбајҹан Республикасы Ҹинајәт Мәҹәлләсинин 228.1-ҹи маддәси илә нәзәрдә тутулан ҹинајәт әмәлини төрәтмәкдә шүбһәли шәхс гисминдә тутулуб. АИП Астара рајон тәшкилатынын сәдри Руфулла Ахундзадә 11 ил 6 ај азадлыгдан мәһрум едилиб.
Бу ҝүн онун ад ҝүнүдүр. Һәјатда 57, һәбсханада 1 јашы тамам олур. Ким билир, бәлкә елә өтән јанвар башлады Ахундзадәнин өмрү. Ахы јер үзүндә баш верән һадисәләр әрш аләминдән башга ҝөрүнүр.
Тәбрик едирик Сәни әзиз гардашымыз! Һамы билир ки, Сән пак инсансан. Сәни шәрләјәнләрин дә шәр дүнјасында бир јашы тамам олду. Амма бүтүн шәрләрини үст-үстә јығсан елә Иблислә јашыд оларлар. Бу да онларын сечдији јолдур.
Диггәт: Хәбәрдән истифадә етдикдә мәнбәјә истинад лазымдыр
