Әһли Бејт -АБНА- хәбәр аҝентлијинин вердији хәбәрә әсасән "Ҝүнәбахан" верилишинин апарыҹысы Илгар Микајылоғлу студијаја дәвәт етдији такси сүрүҹүләри илә сөһбәт заманы онларын үнванына хошаҝәлмәз ифадәләр сәсләндириб.
Тәҹрүбәли телеапарыҹы нәјә ҝөрәсә һаггыны тәләб едән, доланышыг дәрди чәкән сүрүҹүләрә опонентлик едиб. Онлардан биринин мәҹбур көчкүн олдуғуну демәсиндән сонра Микајылоғлу сөһбәтә дәхли олмадан патриотлуг етмәк гәрарына ҝәлиб вә орта јашлы сүрүҹүнү силаһа сарылараг, һәрби бирләшмә тәшкил едәрәк өз доғма торпагларыны азад етмәјә ҝетмәмәкдә ҝүнаһландырыб. Буна ҹаваб верән башга бир сүрүҹү исә АНС әмәкдашынын гәзәбинә туш ҝәлиб. О, сүрүҹүнү студијадан говмаг ҹәһди едиб вә һәмин сүрүҹүнүн һәмкарлары күтләви шәкилдә АНС-ин студијасыны тәрк едибләр.
P.S. Бир телевизија журналистинин өз гонагларыны ҹанлы ефирдә студијадан говмасы нә гәдәр биабырчы һәрәкәтдирсә, онун мүһарибә кими ҹидди просеси такси сүрүҹүләринин, ајры-ајры вәтәнпәрвәрләрин дејил, дөвләтин апармалы олдуғуну билмәмәси о гәдәр бөјүк гәбаһәтдир. Јери ҝәлди-ҝәлмәди патриотлуг етмәк, башгаларыны бунунла шантаж етмәк исә садәҹә ајыбдыр.
Диггәт: Хәбәрдән истифадә етдикдә мәнбәјә истинад лазымдыр
