Һәлә өтән ил Азәрбајҹаны бу “мүсабигәдә” тәмсил едән ҹүтлүјүн “галибијјәтиндән” сонра күчәләрә ахышанлар машынларын үстүнә чыхараг сојунуб өзләрини нүмајиш етдирәрәк бајрам едирдиләр. Дүздүр онларын бајрамы иди. Амма интернетдә јајылан бир кадрда мәним диггәтими чәкән бир мәгам олду. 3-4 нәфәр машынын “лүкундан” чыхараг әјинләриндә олан јарымпарчаны да сојунараг өзләрини нүмајиш етдирирдиләр. Бу белә...
“Јевравижын”нын илк гурбанлары евиндән дидәрҝин салынан әһали олду. Бурда “Јевравижын” үчүн бина тикәҹәјик дејиб ҹамааты өз евиндән чыхардылар ки, ҝет һарда истәјирсән јаша. Һәтта бу һадисәјә етираз олараг Авропа өлкәләринин бир нечәси “Јевравижын”дан имтина етди, буну биабырчылыг адландырды.Бир нечә ҝүн өнҹә исә “Јевравижын”нын шәрәфинә Бакыда “ҝејләрин” парадынын тәшкил едиләҹәји барәдә хәбәрләр јајылды. Әҝәр сөз атылыбса јәгин ки, буну еләмәк фикирләри вар. Инди ҹәмијјәтдә бу һадисәнин неҹә гаршыланаҹағыны јохлајырлар.
Бу јердә бир һашијә чыхмаг истәјирәм. Авропа Шурасынын иҹласында иштирак едән Азәрбајҹан нүмајәндә һејәтинин үзвләриндән бири онунла илк дәфә иҹласа ҝәлән ханым һәмкарына илк ики ҝүндә иҹласда иштирак етмәмәји вә чыхыб шәһәрдә ҝәзмәји тәклиф едиб. Һәлә мәсәләдән аҝаһ олмајан вә вәтәнпәрвәрлик нүмајиш етдирән ханым исә “бура ҝәзмәјә ҝәлмәмишик” дејиб иҹласа ҝедир. Һеч бир саат кечмир ки, һәмин ханым һәмкарына зәнҝ вурараг иҹласы тәрк етдијини билдирир. Сән демә Авропа Шурасынын илк иҹласы “ҝејләрин һүгугларынын мүдафиәсинә” һәср олунурмуш. Чүнки һәмин Шуранын сәдринин өзү дә “ҝејдир.” Одур ки, “Јевравижын” да бу үздәнираглара мәхсусдур.Инди бизим һөкумәт елә билир ки, авропалылар Азәрбајҹана ҝәлиб ҝөрәҹәк вә таныјаҹаг. Бу да өлкәнин Авропаја интеграсијасыны сүрәтләндирәҹәк. Амма онсуз да Авропанын өзүндә белә сәвијјәсиз һесаб едилән бу “мүсабигәјә” бу гәдәр ҹанфәшанлыг ҝөстәрмәк нәјә ҝөрәдир ҝөрәсән?
Бу вахта гәдәр өлкәдә нәглијјат секторунда нағды пула ишләјәнләрин јадларына нијә пластик картлар дүшмүрдү? Јахуд демәк олар ки, әксәр инсанларын чөрәк јери олан таксиләри јығышдырыб јеринә Инҝилтәрә ады илә сохушдурулан “китајиски” таксиләри бурахараг авропалыларын јанында һөрмәт газанмаға чалышырлар?Ҝуја авропалылар о гәдәр мәдәнидирләр ки, бирдән бизим өлкәдә көһнә такси ҝөрсәләр бизи мәдәнијјәтсиз һесаб едәҹәкләр. Амма Авропанын өзүндә мәдәнијјәт дејилән шеј јохдур. Һәлә бу зонанын “авангарды” сајылан франсызлар бир нечә ҝүн өнҹә интернетдә јајылан видеода дүканларда едилән ендиримә ҝөрә “жалүз” ачылан кими јерлә сүрүнүб елә маллара ҹумурдулар ки, бизим Сумгајытдакы фәһләләрин јемәк вахты јемәкханаја гачмасы онун јанында тоја ҝетмәли иди. Инди мәдәнијјәтдән бихәбәрләр ҝәлиб биздә мәдәнијјәтсизлик ахтараҹаг? Ахы бизим халгымыза нә олуб ки? Һәр заман һәр бир мәдәнијјәтли олмушуг. Бүтүн Авропаны бир јерә јығсан да бизим халгын мәдәнијјәтинә, зәнҝин тарихинә чата билмәз. Инди ҝөрәсән биз бу гәдәр пис олдуг ки, өзүмүзү авропалылара “ҝүлдүрмәкдән” горхуруг?
P.S. Башымыза онда Аллаһын јекә бир дашы дүшдү ки, мәгсәдјөнлү шәкилдә Азәрбајҹаны “Јевравижын” “галиби” етдиләр. Инди бунун сону неҹә олаҹаг билмирәм. Бирҹә шејдән нараһатам. О да дүшмәнимиз ермәниләрин “Јевравижында” “Сары ҝәлин”и охујараг “галиб” ҝәлмәјиндән. Бах онда башымыза һаранын күлүнү төкәҹәјик ҝөрәсән?
Әли Ҹәфәри
Диггәт: Хәбәрдән истифадә етдикдә мәнбәјә истинад лазымдыр
