Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасы сәдр әвәзҹисинин мүавини Ариф Гәнијев Милли Тәһлүкәсизлик Назирлијинин тәҹридханасындан Сумгајыт Шәһәр Полис Идарәсинин тәҹридханасына көчүрүлүб. Вәкил Анар Гасымлынын сөзләринә ҝөрә, көчүрүлмә Ариф Гәнијевин јанварын 17-дә башлајаҹаг мәһкәмәси илә бағлыдыр.
Просес Сумгајыт Шәһәр Мәһкәмәсиндә кечириләҹәк. Ишә Сумгајыт Шәһәр Мәһкәмәсинин сәдри Зејгәм Һүсејнов бахаҹаг.
Анар Гасымлы јанварын 13-дә һүгугларыны мүдафиә етдији шәхслә ҝөрүшдүјүнү, просесә һазырлыгла бағлы мүәјјән мүзакирәләр апардыгларыны дејиб.
2011-ҹи илин август ајында тутулараг Милли Тәһлүкәсизлик Назирлијинин тәҹридханасында сахланан Ариф Гәнијев Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә Шәрләнәрәк иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
