Әһли Бејт -АБНА- хәбәр аҝентлијинин вердији хәбәрә әсасән: Вәтәндаш вә Инкишаф Партијасы Јасамал рајону әразисиндә мәсҹидин бағланмасы илә бағлы бәјанат вериб.
Партијанын мәтбуат хидмәтиндән дахил олан бәјанатда билдирилир ки, Азәрбајҹан һакимијјәти өлкә вәтәндашларынын виҹдан азадлығынын мәһдудлашдырылмасына јөнәлик артыг системли һала ҝәлән аддымларыны давам етдирмәкдәдир: Һакимијјәт өлкә Конститусијасында тәсбит олунмуш виҹдан азадлығы нормаларынын тәмин олунмасына даир чағырышлара әһәмијјәт вермәјәрәк, вәтәндаш һүгуг вә азадлыгларынын горунмасы истигамәтиндә тәдбирләр ҝөрмәк әвәзинә, вәзијјәтин даһа да кәскинләшмәсинә шәраит јарадыр.
Сон дөврләрдә пајтахт Бакыда вә өлкәнин реҝионларында мүхтәлиф сүни бәһанәләрлә чох сајда мәсҹидләрин фәалијјәти дајандырылыб вә инанҹлы инсанларын ибадәтинә анлашылмаз тәрздә һәлә дә манеәләр јарадылыр. Бу ҝүнләрдә Бакынын Јасамал рајону әразисиндә фәалијјәт ҝөстәрән Һүсејнијјә мәсҹидинин бағланмасы вә сон олараг, Ләнкәранда диндарларла полис арасында гаршыдурманын баш вермәси бу саһәдә чох ҹидди вә тәҹили һәлл олунмасы ҝәрәкән проблемләрин олдуғуну ҝөстәрир.
Вәтәндаш вә Инкишаф Партијасы (ВИП) Һүсејнијјә мәсҹидинин бағланмасыны вә инанҹлы вәтәндашларымызын ибадәтинә имкан верилмәмәсини гәтијјәтлә писләјир. ВИП өлкә һакимијјәтини нөвбәти дәфә вәтәндашларын фундаментал һүгугларына һөрмәтлә јанашмаға чағырыр вә бунун тәркиб һиссәси олан виҹдан азадлығынын тәмин олунмасыны тәләб едир.
Диггәт: Хәбәрдән истифадә етдикдә мәнбәјә истинад лазымдыр
