Әһли Бејт -АБНА- хәбәр аҝентлијинин вердији хәбәрә әсасән: Зијалылар Форумунун декабрын 29-да баш тутмајан конфрансыјла әлагәдар дүнән брифинг кечирилди. Һакимијјәт дүнәнки топлантыја проблем јаратмасын дејә, брифингин кечириләҹәји мәкан сон ана гәдәр ҝизли сахланылырды. Тәдбир Һелсинки Вәтәндаш Ассамблејасы Азәрбајҹан Милли Комитәсинин офисиндә баш тутду. Медиа нүмајәндәләри гаршысына Форумун үзвләриндән Рүстәм Ибраһимбәјов, Ҹәмил Һәсәнли, Елдар Намазов, Рафиг Әлијев, Әкрәм Әјлисли вә Меһман Әлијев чыхмышды.
Һакимијјәт белә ҝүлүнҹ ишләрлә мәшғул олмамалыдыр
Декабрын 29-на тәјин олунан конфрансын баш тутмамасынын сәбәбләри барәдә профессор Ҹәмил Һәсәнли данышараг, бир даһа бәјан етди ки, “Һјатт Реҝенҹј”дән тәдбирин тәхирә салынмасыны ишыгларын сөнмәсилә изаһ етмәјә чалышсалар да, гәтијјән буна инанмырлар: “Неҹә олур ки, бу техники сәбәбләр ҹидди сөз демәк имканына малик даирәләрин топлантыларында гејдә алыныр? Бу, сон дәрәҹә примитив јанашмадыр, ушаг әркөјүнлүјүдүр. Адыны һакимијјәт гојан даирәләр бу ҹүр ҝүлүнҹ ишләрлә мәшғул олмамалыдыр.
Сәсинизи нијә уҹалтмамысыныз?
Биз зијалыјыг, ҝөрдүјүмүз, мүшаһидә етдијимиз хоша ҝәлмәјән, ејни заманда, хоша ҝәлән һадисәләри, мәсәләләри гејд етмәји өзүмүзә борҹ билирик. Сөзүмүзү демәји ваҹиб билирик. Бизим фәалијјәтимиз халгымыз гаршысында виҹдан борҹумузу јеринә јетирмәкдир. Биз истәмирик, ҝәләҹәкдә өвладларымыз үзүмүзә десин ки, сиз бу вәзијјәтдә јашаја-јашаја нијә етираз сәсинизи уҹалтмамысыныз?
Елә даирәләр вар ки, тәнгидә гулагларыны бағлајыблар. Дүнән биз сон дәрәҹә мараглы тәдбир кечирмәк истәјирдик. Дөвләтин дә хејринә олаҹагды. Ҝәнҹләрлә бағлы кечириләси ҝөрүшдә онларын ҹәмијјәтимиздәки јери, ишсизлик, сосиал проблемләр мүзакирә олунаҹагды. Бу ҹүр хош мәрамла кечириләҹәк тәдбирә көлҝә салмаг истәдиләр. Амма биз Форумун нөвбәти топлантысыны да чох ҝүман ки, елә һәмин јердә кечирәҹәјик".
Һакимијјәтин бәзи даирәләри јалан истеһсал едән машына бәнзәјир
Даһа сонра Ҹәмил Һәсәнли зијалылары нараһат едән проблемләри садалады, онлары һәр бири барәдә гыса гејдләрини чатдырды: “Бизи нараһат едән әсас мәсәлә ҹәмијјәтимизин јалан үзәриндә гурулмасыдыр. Һакимијјәтин мүәјјән даирәләри јалан истеһсал едән машына бәнзәјир вә бу инсанлар хәстә тәфәккүрлү фикирләрини заман-заман мәтбуатда сәсләндирәрәк, ҹәмијјәтә зорла једирдирләр.
Бизи нараһат едән башга бир ҹидди проблем Гарабағдыр. Өлкәнин әразисини ишғалдан гуртармаг үчүн 20 ил чох бөјүк мүддәтдир.
Өлкәдә коррупсијанын сәвијјәси дә бизи нараһат едир. Бәзән “дүнјанын һәр јериндә рүшвәт вар” дејиб, өлкәдәки бу аҹынаҹаглы дурума һагг газандырмаг истәјирләр. Бу, јолверилмәздир. Коррупсијаја Гаршы Мүбаризә Комиссијасынын рәһбәри нә гәдәр ки, Рамиз Меһдијевдир, бу мүбаризә һеч бир уғур газана билмәз.
Бизи нараһат едән һәм дә өлкәдәки монополијалардыр. Базарларда гијмәтләр од тутуб јаныр, ән писи одур ки, бу баһалыг објектив амилләрлә бағлы дејил.
Бизи һәм дә өлкәдәки ишсизлик нараһат едир. Һөкумәтин јени иш јерләрилә бағлы ачыгладығы рәгәмләр реал дејилÝ”.
Рамиз Меһдијев мәнасыз идеја иҹадында иттиһам олунду
Ҹәмил Һәсәнли садаладығы мәсәләләрлә јанашы, сијаси мәһбус проблеми, инсанларын шәрләнәрәк һәбс олунмасы, ишҝәнҹәләрә мәруз галмасы кими һалларын да зијалылары нараһат етдијини билдирди. О, дини бахышларына ҝөрә инсанларын һәбсханаја салынмасы һалларыны да писләјәрәк, бу һәбсләрин әксәр һалларда шәр-бөһтан олдуғуну вурғулады. Ҹәмил Һәсәнли диндарларын һәбсини һазырда һакимијјәтдә тәмсил олунан шәхсләрин коммунист тәфәккүрү илә әлагәләндирди. Деди ки, бу ҹүр тәфәккүр тәрзи Азәрбајҹанын инкишафы үчүн тәһлүкә тәшкил едир: “Бу ҹүр дүшүнҹәнин мәһсулудур ки, ”бизим өзүмүзүн демократија јолумуз вар" кими мәнасыз идејалар ортаја атылыр".
Әкрәм Әјлислидән АзТВсајағы чыхыш
Јазычы Әкрәм Әјлислинин чыхышында адәтән АзТВ-дән ешитмәјә вәрдиш еләдијимиз фикирләр сәсләнди. Әјлисли чыхыша өзүнә бәраәт газандырмаг ҹәһдилә башлады. Деди ки, бәзиләри зијалыларын Азәрбајҹана “Әрәб баһары” ҝәтирмәк истәјиндә олдуғуну иддиа етсә дә, бу, доғру дејил. Ардынҹа да әрәб өлкәләриндә баш верән ингилаблары писләмәјә башлады: “Әрәб дүнјасыны ингилаблар бүрүјән заман да мән өз фикрими билдирмишдим ки, бунун демократијаја бир дамҹы да хејри олмајаҹаг. Инди дә о фикирдәјәм ки, о ҹүр ингилаблары Аллаһ биздән узаг еләсин. Онлар өлкәләрини дәјишмәдиләр, мәһв еләдиләр. Инди әрәбләрә илләр лазымдыр ки, өлкәләрини әввәлки вәзијјәтә ҝәтириб чыхарсынлар. Азәрбајҹанда олан иҹтимаи сабитлијә мән шәхсән севинирәм. Биз истәјирик ки, бу сабитлик зор ҝүҹүнә јох, инсанларын үрәјинҹә олсун”.
“Һјатт Реҝенҹј” рәһбәрлији гаршысында шәрт гојулду
Политолог Елдар Намазов илк нөвбәдә Зијалылар Форумунун декабрын 29-на тәјин олунмуш топлантысынын позулмасындан данышды, “Һјатт Реҝенҹј” отелилә данышыглар барәдә мәлумат верди. Деди ки, һәләлик мәсәләни мәһкәмә мүстәвисинә чыхармаг нијјәтләри јохдур. Отел рәһбәрлијинә дејилиб ки, проблем һәгигәтән дә техники олубса, о заман јолуна гојуландан сонра Зијалылар Форумунун орада топлантысына шәраит јарадылсын. Намазовун сөзләриндән белә баша дүшдүк ки, отел бу тәклифлә разылашыб.
“Жулик”ләр дөвләтин башында...
Танынмыш драматург вә кинорежиссор Рүстәм Ибраһимбәјовун чыхышы кифајәт гәдәр кәскин тонда олду: “Дөвләт нәдир? Беш-алты ”жулик" отуруб орада, бөјүк шејләрдән данышырлар, әслиндә исә өз марагларыны ҝүдүрләр.ÿДүнән нијә имкан вермәдиләр јығышаг? Билирдиләр ки, биз һәгигәти данышаҹағыг, бунларын јаланы ачылаҹаг.
Сәвијјәсизләр
Амма билирсинизми мән нәјә тәәҹҹүбләнирәм? Нечә илдир ишләјирләр, амма нә гәдәр примитив, сәвијјәсиз адамлардырлар... Биз ушаглыгда гоншуларын ишыгларыны сөндүрүрдүк. Ушаг сәвијјәсиндә сијасәт апарырлар. Ишыг сөндүрүрләр, гапы бағлајырлар, нә билим, даш атырлар. Өзү дә 20 илдир бунунла мәшғулдурлар, инкишаф јохдур. Хариҹдән профессионал ҝәтирсинләр ки, бунлара мүбаризәни апармағы өјрәтсин. Биз онлары тәнгид едәндә, мәнҹә, конкрет үнванларыны да ҝөстәрмәк, адларыны да демәк лазымдыр. Мүтләг онлар өзләрини јығышдыраҹаглар. Чүнки горхаҹаглар. Бизим мәгсәдимиз өлкәдә иҹтимаи рәј јаратмагдыр. Бунлар билсин ки, халг бунлары изләјир. Һәр бир ҹинајәтин үстү ачыла биләр".
“Сијаси педофилија”
Ибраһимбәјов һакимијјәти “сијаси педофилија” илә мәшғул олмагда иттиһам етди: “Ушаг 3-4 јашында билир ки, анасы рүшвәт вермәлидир. Мәктәбдә, институтда да бу давам едир. Бундан сонра да онун өзү артыг рүшвәтхор кими һазырдыр... Демәли, рүшвәталанлар һазырлајырыг, өзү дә күтләви. Буну сонра неҹә дүзәлдәҹәјик? Елә бил ушағы корлајырсан, сонра да дејирсән, јахшы киши ол. Биз артыг бунун мәнәвијјатыны дағытмышыг. Бу дәјишмәлидир...”
“Сајымыз артса, ҝүҹүмүз чохалар”
Рүстәм Ибраһимбәјов вурғулады ки, дәјишикликләр, ислаһатлар тәкҹә ганунлар үзәриндә јох, инсанлара мүнасибәтдә олмалыдыр: “Ҹамаат горхудан азад олмалыдыр, данышмалыдыр. Ҝөрдүнүзмү Русијада нә баш верди? 100 мин нәфәр мејдана чыхды. Мән демирәм ки, орада нәсә дәјишәҹәк, амма баша дүшдүк ки, бунлар халгдыр. Бизимкиләр даш-дәмир ҝөтүрүб мағазалары сындырырлар. Бир дәфә ҝөрмәдим ки, 5-6 мин зијалы мејданда јығышыб сөзүнү десин. Биз 5-6 нәфәр буну едәндә, үстүмүзә дүшүрләр. Сајымыз артса, ҝүҹүмүз чохалар. Ҝәлин бирләшәк вә һәгигәти данышаг.
Ибраһимбәјовун “јаланда иштирак етмәмәк” гәрары
Мәни азәрбајҹанлы кими нараһат едән будур ки, Азәрбајҹанда иҹтимаи рәј јохдур. Бу һагда чох данышмышам. Иҹтимаи рәј јохдур вә өзүмүзү гул кими апарырыг. Биз һәр шејдән горхуруг. Азәрбајҹанда сијаси һакимијјәтин сәвијјәси һеч заман бу гәдәр ашағы олмајыб. Ајры-ајры вахтларда һакимијјәтдә сәриштәсиз адамлар олуб. Бу һагда данышмаг лазымдыр. Бу да дәјишиклијә ҝәтирәҹәк. Атмосфер дәјишәҹәк".
Рүстәм Ибраһимбәјинин даһа бир мараглы фикри бу иди ки, о, тәхминән 4-5 ил әввәл “јаланда иштирак етмәмәк” барәдә гәрар вериб: “Узун илләр јазыларымла әдаләтсизлији арадан галдырмаға чалышдым. Јаздым, филмләр чәкдим. Сонра ҝөрдүм ки нә китаб охујан вар, нә киноја ҝедән, она ҝөрә данышмаға башладым”.
Биргүтблү систем ҝеҹ-тез дағылаҹаг!
Профессор Рафиг Әлијев чыхышында әввәлҹә сон вахтлар һакимијјәт үчүн “арзуолунмаз” сајылан тәдбирләрин гаршысынын алынмасы үчүн “ишыг сөндүрмә” методундан истифадә олунмасындан данышды. Билдирди ки, бу ҝүн ишыглары сөндүрәнләр бүтөвлүкдә өлкәни гаранлыгда ҝөрмәк истәјирләр. Амма бу ҹүр үсулларын һеч бир фајдасы олмајаҹаг. Чүнки нә дүнја, нә дә онун тәркиб һиссәси олан Азәрбајҹан бир ил әввәлки дејил: “Интернетдә бөјүјән, сосиал шәбәкәләрдә формалашан јени нәсил ҝәлир. Онлар фәргли јашамаг истәјирләр. Бизим бу ҝүн ән ҝүҹлү тәсир механизмимиз јазыларымыздакы фикирләримиздир. Бу да артыг инсанларын ешитмәјинә бағлыдыр. Мән Америкадакы мүһазирәләримдә дә демишәм ки, биргүтблү систем дајаныглы о
