Түркијәнин ики сијаси партијасы - АКП вә МҺП Азәрбајҹан һөкумәтинә мүраҹиәт едиб. Онлар Азәрбајҹан һөкумәтинин Франса Сенатынын гәбул етдији мәлум гәрара мөвге билдирмәсини истәјирләр. Бу мүраҹиәтә еһтијаҹ вар идими?
Дүшүнүрәм ки, һәтта Газахыстан вә Өзбәкистан да баш вермиш һадисәјә реаксија вермәли, Түркијә илә һәмрәјлик нүмајиш етдирмәлијдиләр. Олмады. Демәли, “Түрк дүнјасы” адландырдығымыз “дүнјаны” саздан башга һеч нә бирләшдирмир, ону да һәрә бир ҹүр чалыр.
Азәрбајҹана ҝәлинҹә, вәзијјәт фәлакәтдир. Франсанын гәбул еләдији гәрара “Түркијәнин јанындајыг” демәклә мүнасибәт билдириб, вәзијјәти јола вермәк, садәҹә, Саркозијә “јахшы еләмисән, бизим дә бу Түркијәдән вә түркләрдән (түркијәли вә азәрбајҹанлы) чәкәҹәјимиз варды, ишиндә уғурлар” демәкдән башга бир шеј дејил. Бәс Хоҹалы фаҹиәсиндән китаб јазыб, тәблиғат гурурдунуз... Ынди о китабларда оланлары охумаг вахтыдыр. Азәрбајҹан һакимијјәтинин бу ҹүр давранышына изаһ тапа билмәмәк аҹизлик дејил, садәҹә, бу олајын изаһы јохдур. Һәр шеј ортададыр. Әлијевләр “биз сиздән дејилик” месажыны вердиләр.
Бу дилемма һардан башлајыр?
Азәрбајҹан һакимијјәти Түркијәјә мүнасибәтдә сынаға чәкилди вә Ысраилин әтәјини бураха билмәди. Биз о заман да јаздыг вә дедик ки, достун дост јери вар, амма гардаш башгадыр. Ынди исә мәсәлә Түркијәјә мүнасибәт дејил, Ермәнистана, онун Түрк дүнјасына олан иддиаларына мүнасибәтдир. Франса Сенатынын бу гәрарына сусмаг о демәкдир ки, Азәрбајҹан һөкумәти, бу өлкәни тәмсил едән парламент үзвләри Ермәнистанын бу иддиаларынын јалан олдуғуну Франсада дилә ҝәтирмәјәҹәкләр. Мәсәлән, Лондонда дејәҹәкләр ки, бу јаландыр, Парисдә исә сусаҹаглар, Страсбургда вәзијјәт чәтинләшәндә, һәтта “етираф” белә едә биләрләр. Бу “милли мараглар”дан чыхыш едәрәк, халга ҝүҹ тәтбиг етмәјин мүмкүнлүјүнү сүбут етмәк истәјән Әли Һәсәновун мәнтиги дахилиндә олдуғу үчүн бизим ағлымыз кәсмәз. Бу ҹүр абсурду анламаг үчүн инсан нә һаллара дүшмәлидир, ҝөрәсән? Ылһам Әлијев елә билир ки, бу да даһа өнҹәки олајлар кими өтүб кечән мәсәләдир. Бир-ики ҝүнә һәлл олунаҹаг вә битәҹәк. Амма һесаблаја билмир ки, “ермәни мәсәләси” тарихи мәсәләдир. Онун ортаја атылмасы бөјүк ојунчуларын һансыса јени фырылдаглары пәрдәләмәк ҹәһдидир. Она ҝөрә дә бу пәрдә һәлә бир мүддәт бу сәһнәдән асылы галаҹаг. Ылһам Әлијев о пәрдәнин архасында ҝизләнмәјә разы олса, ону нә ҝөзләдијини билирми?
Сәркисјанла әлбәјаха олмаг...
Белә мәгамларда инсан өзүнү мат галмагдан сахлаја билмир. Тарих бүтүнлүкдә сијаси рәнҝкарлыгдан ибарәт олса да, бәзән таблода елә ескизләр ҝөрүнүр ки, инсан гурујуб галыр. Сөһбәт “Ылһам Әлијев Сәркисјанла әлбәјаха олуб” хәбәриндән ҝедир. Франса парламентинин гәрарына сөзлә етираз едә билмәјән Ылһам Әлијев сән демә, Сәркисјаны тапдајырмыш. Бу хәбәри дә ким јазса јахшыдыр? Ермәнистанда һакимијјәтә јахын медиа... Өзү дә Русијаја истинадән...
Биз бир нәчә ҝүн әввәл “Франса дүнјаја гаршы” јазымызда гејд еләмишдик ки, Франсанын бу гәрары Русијанын чөрәјинә бал сүртдү. Елә дә олуб. Јохса, ермәни медиасы нијә Ылһам Әлијевин Сәркисјаны дөјмәк истәмәјиндән јазсын ки? Чүнки Франса парламентинин гәрарына динә билмәјән Әлијеви вәзијјәтдән чыхармаг лазымдыр. О, стратежи мәсәләдә сусдуғу үчүн һансыса ҝөрүшдә хырда мүбаһисә епизодунун олдуғуну јазмагла, ҝуја вәтән үчүн саваша һазыр олдуғуна ејһам вурурлар. Амма бу хәбәрин дә бир илҝинҹ јаны варды - Медведев, “ҹәнаблар, нә едирсиз?” дејән кими, һәр икиси сакитләшиб, ҝуја. Москва “пиар” мәтнини һазырлајанда ону да месаж вериб ки, “һәр икиси мәним бир сөзүмә бәнддир”.
Сејмур Һәзи
Диггәт: Хәбәрдән истифадә етдикдә мәнбәјә истинад лазымдыр
