Әһли Бејт -АБНА- хәбәр аҝентлијинин вердији хәбәрә әсасән: Вәкил Анар Гасымлы билдириб ки, "Руһани Абҝүл Сүлејмановун һәбс гәтимкан тәдбири јанвар ајынын 10-да битир. Бакы Шәһәр Баш Полис Идарәсиндә 6 мај “Һиҹаба азадлыг” аксијасына ҝөрә һәбс олунанларын истинтагы заманы мүәјјән дискләр әлдә едилиб. Һәмин дискләрдә Абҝүл Сүлејмановун чыхышлары јер алыб. Бу чыхышлар експертизадан кечирилиб вә Абҝүл Сүлејмановун һакимијјәт әлејһинә чыхышлар етмәси тәсдигләниб. Һазырда һәмин дискләрдәки чыхышлар јенидән експертизаја ҝөндәрилиб. Фикримҹә, она јени иттиһамлар ирәли сүрүлә биләр".
2011-ҹи илин август ајында һәбс олунан руһани Абҝүл Сүлејманова 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) шәрләнәрәк иттиһам верилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) шәрләнмишдир.
Һәбсдә олан АИП-ин мүвәггәти сәдринин тәшкилаты ишләр үзрә мүавини Ариф Гәнијевин Сәбајыл рајон мәһкәмәсиндә нөвбәти мәһкәмә просеси кечирилмишди. Мәһкәмә Ариф Гәнијевин һәбс мүддәтини 2 ај мүддәтинә узатмышды.
Азәрбајҹан Ислам Партијасы сәдринин мүавини Ариф Гәнијевин вәкили Анар Гасымлы билдириб ки, артыг Ариф Гәнијевин истинтагы јекунлашыб. Онун иши прокурорлуға ҝөндәрилиб. Ариф Гәнијевә һеч бир әлавә иттиһам ирәли сүрүлмәјиб.
Август ајында һәбс едиләрәк Милли Тәһлүкәсизлик Назирлијинин тәҹридханасында сахланан Ариф Гәнијев Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә шәрләнәрәк иттиһам олунур.
Бундан әлавы һәбсдә олан исламазери.аз сајтынын баш редактору Рамин Бајрамовун вәкили Рамил Мәммәдов исә ачыгламасында билдириб ки, Сәбајыл рајон мәһкәмәсиндә кечирилән мәһкәмә иҹласы заманы журналист Рамин Бајрамовун истинтаг мүддәти 2 ај узадылмышды. Нөвбәти мәһкәмә просеси феврал ајынын әввәли кечириләҹәк.
Рамин Бајрамов Ҹинајәт Мәҹәлләсинин 234.1 (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә шәрләнәрәк шүбһәли шәхс гисминдә бу ил августун 11-дә тутулуб.
Диггәт: Хәбәрдән истифадә етдикдә мәнбәјә истинад лазымдыр
