Елә бир ҝүн олмасын ки, бу сөзләри ешитмәјәк. "Ермәнистанын Силаһлы Гүввәләринын бөлмәләри, ҝеҹә саатларында Ағдам рајонунун јахынлығында јерләшән мөвгеләрдән, Тәртәр рајонунун јахынлығында јерләшән мөвгеләрдән, Азәрбајҹан ордусунун үзбә-үз мөвгеләрини автомат вә племјотлардан атәшә тутуб. Дүшмән ҹаваб атәши илә сусдурулуб".
Атәшкәс елан олунсада ермәниләр һәр ҝүн атәшкәси позурлар. Халг бу сөзләри ешитмәкдән артыг безиб десәк даһа доғру оларды. Халг бу сөзләри ешидә-ешидә 20 ил кечиб ҝетди. Бу гәдәр вахтда Гарабағ мәсәләси елә ортада кимсәсиз ушаг кими атылыб галды.
Милли руһлу, вәтәнин торпағыны, дашыны ҹаны баһасына севән вәтәндашлар исә бу мәсәләнин һәллиндән ниҝарандырлар. Белә ки, Гарабағы сон ҝөрәнләрин 60 %-и дүнјаларыны дәјишибләр.
Јаддашымыздан санки бириләри Гарабағы силиб атмаг истәјирмыш. Ҹәнаб Президентимиз Илһам Әлијев бу кечән 20 ил әрзиндә Гарабағын гајтарылмасы јолунда доғрусу бир нәтиҹә әлдә едә билмәјиб. Әҝәр бу иши 20 ил мүддәтиндә һәлл едә билмирсә, нә үчүн јерини креслосуну бу мәсәләни һәлл едә биләҹәкләрә тәһвил-тәслим етмир.
Ҝөрүнүр ки, ҹәнаб Президент Гарабағдан чох узагдадыр. Садәҹә халгын ҝөзүнә пәрдә асыр ки, данышыглар давам етдирилир. 22 декабр 2011-ҹи илдә мүлки вәтәндаш ермәни ҝүлләсинә түш ҝәлирсә, демәли Гарабағ проблеминин фундаментиндә чүрүклүк вардыр.
Халгын һакимијјәтә олан үмидләри өзүнү доғрутмур-доғрутмајаҹагдыр. Һәр ики Президентләрин, Әлијевин вә Саркисјанын әтрафындакы инсанлар, гаршылыглы олараг бир бириләрини баша дүшүб, бир бириләри илә ҝөзәл үнсијјәт гурурлар. Асанлыгла Азәрбајҹан дилиндән Ермәни дилинә, Ермәни дилиндән Азәрбајҹан дилинә кечирләр.
Бу Русијанын Президенти Медведијевин чыхардығы анализдир. Маса гаршысында Ермәни илә јахшы үнсијјәт гуран Президентимиз мараглыдыр ки, нијә өз халгы илә үнсијјәт гурмагда чәтинлик чәкир?. Чох ҝүман ки, Һакимијјәт зирвәсиндән енмәк горхусу онлары халгына дүшмән олараг јетишдирир.
Дүшмән дөвләтин Президенти илә ҝүләрәк ҝөрүшән ҹәнаб Президентимиз Илһам Әлијев инанмајырыг ки, тәбәссүмләри илә Гарабағы ҝери гајтарсын. Бизим Азәрбајҹан халгымыза нә сүлһ нәдә ки атәшкәс лазымдыр. Бизә ишғал олан торпагларымызын гајтарылмасы ҝәрәкдир. Бу ҝүн һакимијјәт исә буну һәјата кечирмәкдә әфсуслар олсун чох зәифдир.
Диггәт: Хәбәрдән истифадә етдикдә мәнбәјә истинад лазымдыр
