Әһли Бејт -АБНА- хәбәр аҝентлијинин вердији хәбәрә әсасән: Масаллы Рајон Иҹра Һакимијјәтинин башчысы Гәзәнфәр Ағајевин өбашыналығына гаршы рајонда вә онун кәндләриндә сакинләр аҹлыг аксијасына башлајыблар. Масаллы Зијалылары Иҹтимаи Бирлијинин 18 декабр 2011-ҹи илдә саат 15-00 да башладығы “Һәр евдә аҹлыг” аксијасында иштирак едәнләрин сајы ҝүнбәҝүн артмагдадыр. Бу барәдә “Бизим Јол”а мәлуматы иҹтимаи бирликдән верибләр.
Аксијанын сәбәб олараг ашағыдакылар ҝөстәрилир; Гәзәнфәр Ағајевин Масаллыда јаратдығы дөзүлмәз вәзијјәт, рајонун абадлығы үчүн дөвләт бүдҹәсиндән ајрылан пулларын мәнимсәмәси һесабына шәхси бизнесини јаратмасы, саһибкарлара гаршы башладығы “сәлиб јүрүшү”, вәтәндашларын јашамаг, ишләмәк вә мүлкијјәт һүгугларына мәһәл гојулмамасы вә бу һүгугларын кобуд шәкилдә позулмасы, иҹра башчысынын әтрафына јығдығы сәриштәсиз кадрларла дөвләт башчысы Илһам Әлијевин сијасәтини ҝөздән салмасы, Гәзәнфәр Ағајевин төрәтдији ҹинајәт әмәлләри барәсиндә дөвләтимизин ән али органларына рәсми олараг етдијимиз шикајәтләрә һеч бир мәһәл гојулмамасы, мүраҹиәтимизин арашдырылмамасы вә әризәчиләрә ҹаваб верилмәси.
Аҹлыг аксијасынын иштиракчысы Рамил Ибадуллајевин сөзләринә ҝөрә, нәтиҹә олмазса Бакыја јүрүш едәҹәкләр: “Бунлар да нәтиҹәсиз оларса өлкә вәтәндашлығындан имтина едиләҹәк. Бизим башга јолумуз да јохдур. Тәләб едирик ки, шикајәт етдијимиз мүвафиг дөвләт гурумлары јаздығымыз әризәләри араршыдырсын вә нәтиҹәсини бизә билдирсин”.
Масаллы Зијалылары Иҹтимаи Бирлијинин сәрди Мәммәдаға Ејнуллајев “Бизим Јол”а әмәкдашы илә әлагә сахлајараг аксијачылардан олан вә ҝөрүнтүләри јајан Һикмәт Бабјевин полисин сахладығыны билдирди; “Евләрдә кечирлинән аҹлыг аксијасында иштирак едән сакинләри фото вә видео комералара чәкдији вә мәтбуата јајдығы үчүн рајонун полис шөбәсинин рәиси Әлифаға Казымовун ҝөстәриши илә шөбәјә апарыблар”.
Ахшам саатларында Һикмәт Бабајевлә әлагә сахлдыг: “Полис рәиси мәнә килп чәкән сәнсәнми» дејә соуршду. Мән дә билдирдим ки, клип чәкмәк мәнлик дејил. О, мәндән аксијада апардығым чәкилиши истәди. Видео вә фото ҝөрүнтүләрин мәндә олмадығыны билдирдим. Рәис атамы һәдәләјиб ки, мән мүбаризәдән чәкилим. Мән дә бу јолун һаглы олдуғуну гејд етдим. Инди мән евдә аксијамы давам етдирирәм”-дејә вурғулады.
