Мән Мүбариз Руһанилер Ҹәмијјәти сәдри олараг үзүмү һакиммәјјәт әвәзинә гардашым доктор Һаҹы Мөвсүм Сәмәдова тутурам вә она дејирәм ки Аллаһын салам вә салаваты олсун сәнә, сәнин мугәддәс зинданда меһрабына! Һаҹыҹан, бир ил сәнин о мөһтәшәм чыхышындан кечир. Бәзиләри сәнин чыхышыны о вахт дандылар вә сәнин Кәрбәла тарихи, Језид Муавијә дөврүнүн бу доврлә мугајисәни там гәбул едә билмәдиләр. Амма бү ҝүн Азәрбајҹан һакимијјәти Ислам дининин әлејһинә вә дин хадимләринин зиддинә ганун имзаламагла сәнин сөзләрини тәсдиглијиб вә Језид кими олмагларына имза атдылар.
Һаҹыҹан сәнин башын уҹа олду, бир ил өнҹә бунлары ифша русвај етдин. О заман ки азан гадагасына ҹәһд етдиләр, мәсҹидләри дағытдылар, гызларымызын һиҹабына әл апардылар. Бәзиләри бу мәсәләләрин гаршысында сусуб ҝөзләмә мөвгеји тутду, садәлөвһҹәсинә гадағалара сон гојулаҹагыны хәјал етди. Амма сән вә сәнин кими аҝаһ руһаниләримиз бу јасагларын гаршысында сусмадыныз, бу аддымлары Ислам дининин көкунүн кәсилмәси үчүн атылан аддым һесаб едиб шәһадәт арзусујла өз етиразларынызы Азәрбајҹан һакимијјитинә чатдырдыныз. Бу аддымлары тәкҹә Ислам әлејһинә јох, бәлкә бүтүн милли-мәнәви дәјәрләримизә гаршы, ишғал олан торпагларымызын унутдурулмасы истигамәтиндә атылан аддым һесаб етдилир. Һаҹыҹан, һәлә дә Һаҹы Абҝүлүн сөзү јадымдан чыхмыр. Дејирди: бу ҝун сусанлар вә горханлар Имам Һүсејн Кәрбәласынын һеч әтрини дә дујмајыблар.
Һаҹы, билирсән бу ил мәһәррәм неҹә кечди? Бу ил һакимијјәтин гадағаларына бахмајараг мәһәррәмлик һәр илдәкиндән мөһтәшәм вә лајигли кечди. Чохлу шәһәрләрдә јүрүшләр олду, ханымларымыз Ҝәнҹәдә дәјәнәкләрин алтында “ја Зәһра” дејиб јүрүш кечирдиләр. Ләнкәран, Астарада һәр ҝүн јүрүшләр бәрпа едиб Бакынын мөһтәшәм әзадарлыгларына дәстәк олдулар. Нөвбәти дәфә халгымыз сүбут етди ки, бунлары Һүсејндән ајырмаг мүмкүн олмајыб вә олмајаҹаг. Һаҹыҹан, биз руһаниләр сәнин кими инсанларла фәхр едирик. Бунлар Исламдан неҹә горхурлар! Тәзјигләри артырыб јени ганунлар имзалајырлар. Елә хәјал едирләр ки, сусаҹағиг. Биз сусмајаҹағыг, бу зүлмлә барышмајаҹағыг. Биз сајсызыг, онлар билмәлидиләр ки, Азәрбајҹанда Ислам јенидән гәбиристанлара гајытмајаҹаг. Она хатир ки, даһа Гуран дириләрин әлиндәдир. Шүкүр олсун Аллаһа ки, бу ҝүн һәр мөмин өзү бир руһани гәдәр Азәрбајҹанда дини өјрәнир вә өјрәтмәјә чалышыр. Һаҹыҹан, һиҹаба олан јасаглара бахмајараг һиҹаблы ханымларымызын да сајы артыб. Һиҹаб гадагасы сәбәб олду ки, һиҹабла бағлы маарифләндирмә ҝенишләнсин, һиҹабсыз инсанлар да һиҹаба азадлыг тәләб етсин.
Һаҹы, сәнә ағрылы хәбәрләрим дә вар. Бу һакимијјәт халгын евләрини ермәни кими сөкүр, позғун еуровисион мүсабигәсини кечирмәк үчүн Һејдәр Әлијев фонду азлыг етди, халгдан зорнан пул јығырлар. Мәнә бир шеј мараглыдыр, бунлар нә ҹүрәтлә бу халгын сәнин кими оғуллары зинданда олан вахтда еуровисион јарышы кечирмәк истәјир? Бу халгын гәзәбиндән горхмур? Шәһид аналарымызын ҝөз јшларындан утанмырлар? Әсир ана вә баҹыларымыздан һәја етмирләр? Телканалларымыздан нә дејим, пөзғунлугдан башга һеч бир шеј ҝөрмәк мүмкүн дејил. Халг ајаға галхыб әхлагсызлыг јуваларыны сөкүр, амма бу һакиммијәт јени мәркәзләр ачыр.
Һаҹы, үрәјим долудур. Шејтанпәрәстлик, хиристианлығы ҝениш шәкилдә өлкәмиздә тәблиғ едиб китабларыны јајырлар. Бунлар бир манат да ҹәзаландырылмыр, әксинә долајы шәкилдә јардым да олунур. Амма халгымыза Аллаһы танытдыран инсанлара 5 ил һәбс нәзәрдә тутулур. Бу һәјасызлыглар Језиддән дә ҝөрүнмәјиб. Језид језидлији илә өз сарајында һәзрәт Зејнәбин (с.ә) һүзуруна 3 ҝүн имам Һүсејнә әза сахлады. Амма бү ҝүн Ҝәнҹәдә имам Һүсејн әзасына чыханлар 3 ил һәбс ҹәзасы илә һәдәләнир. Һаҹы, истәмирәм үрәјини чох ағрыдым. Сән дә јахшы билирсән, өз хејрини истәјән һакимијјәт бу ишләрә ал атмаз. Бунлар өз сионист ағаларына сөз верибләр ки, һәгиги Исламын көкүнү кәссинләр. Амма буну да билсинләр, биз дә агамыз Имам Замана (ә) сөз вермишик бунларын ағаларынын әлини Азәрбајҹандан кәсәнә гәдәр мүгавимәт вә мүбаризәјә давам едәҹәјик. Һаҹы, сөзүмү имам Һусејнин бир һәдиси илә јекунлашдырырам. Бу һәдиси өзүмә өрнәк ҝөтүрмүшәм. Һәдисләрә әсасән, зүлмләрин гаршысында сүкүт едән руһани Аллаһын дининдән хариҹ олур, ҹәһәннәмдә залымларла бир сыраја гатылыр.
Тоһид Ибраһимбәјли
Диггәт: Хәбәрдән истифадә етдикдә мәнбәјә истинад лазымдыр
