Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынын пајтахты Бакынын Нардаран гәсәбәсиндә Биби Рәһимә зијарәтҝаһында Һүсејн Ашурасы мәрасиминин әзәмәтли кечирилмәсинин ардынҹа, нардаранлы диндарлара гаршы репресија вә һәбс далғасы ҝүҹләниб.
Сон ҝүнләрдә Нардарана гаршы кәскин боғуҹу атмосфердә бу гәсәбәнин ағсаггалларындан Һаҹы Елчин Һүсејнгулујев вә Һаҹы Дилавәр Јахшыбәјов һөкумәтин тәһлүкәсизлик мәмурлары вә полис тәрәфиндән оғурланыб. Кәрбәлаји Имран адлы кәнд сакини дә һәбс олунараг намәлум истигамәтә апарылыб.
Әлдә олунан мәлуматлар Нардаранда диҝәр шәхсләрин дә оғурландығыны еһтимал едир.
Баш вермиш һадисәни Нардаран ағсаггалы Кәрбәлаји Натиг Кәримов да тәсдиг едиб. Бу хошаҝәлмәз һәрәкәтләрин башламасыны мәһәррәмликдән бир гәдәр өнҹәјә тәсадүф етдијини билдирән Һаҹы Натиг Кәримов кәнд ағсаггаллары олараг, диндарларын аиләләринин хаһиши илә һеч јерә мәлумат вермәдијини билдирди:
Үмүд едирдик ки, бу анлашылмазлыгдыр, тез бир заманда чөзүләр. Амма бизим үмүдимизин әксинә олараг, оғурлананлар барәдә шәр вә бөһтанла ҹинајәт иши аҹылды вә үзәрләринә күлли мигдарда наркотик гојулараг, һәбс едилди. Һазырда онлар тәҹридханададырлар.
P.S: Шејтан ордусунун һијләләринә инанмағын агибәти беләдә олмалы иди.
Диггәт: Хәбәрдән истифадә етдикдә мәнбәјә истинад лазымдыр
