16 декабр 2011-ҹи ил, Һагг Јолу Елм вә Мәдәнијјәт Институтунун офисиндә фөгәладә топланты кечирилиб. Мөвзу Азәрбајҹан Республикасында дини кәсими гәзәбләндирмиш јени гадағалар јығыны олуб. Белә ки:
Инзибати Хәталар Мәҹәлләсинә дәјишикликләри тәсдигләмәсинин ардынҹа президент Илһам Әлијев Ҹинајәт Мәҹәлләсинә јениликләри дә имзалајыб. Дини ајинләри иҹра етмәјә мане олмаға ҝөрә ҹәримәләрин максимал һәдди 2000 манатадәк, динә етигада мәҹбур етмәјә вә дини ајинләрин иҹрасы ады алтында вәтәндашларын һүгугларына гәсд етмәјә ҝөрә ҹәримәләрин максимал һәдди 9000 мин манатадәк артырылыб.
Ҹинајәт Мәҹәлләсинә бу мәзмунда 167-2-ҹи маддә әлавә едилиб:
Маддә 167-2. Ганунсуз олараг дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, идхал етмә, сатма вә ја јајма
167-2.1. Мүвафиг разылыг олмадан дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, сатыш вә ја јајма мәгсәди илә идхал етмә, сатма вә ја јајма -
беш мин манатдан једди мин манатадәк мигдарда ҹәримә вә ја ики иләдәк мүддәтә азадлыгдан мәһрум етмәклә ҹәзаландырылыр.
167-2.2. Ејни әмәлләр:
167-2.2.1. габагҹадан әлбир олан бир груп шәхс вә ја мүтәшәккил дәстә тәрәфиндән төрәдилдикдә;
167-2.2.2. тәкрар төрәдилдикдә;
167-2.2.3. вәзифәли шәхс тәрәфиндән өз гуллуг мөвгејиндән истифадә етмәклә төрәдилдикдә -
једди мин манатдан доггуз мин манатадәк мигдарда ҹәримә вә ја ики илдән беш иләдәк мүддәтә азадлыгдан мәһрум етмәклә ҹәзаландырылыр.
Топлантыда иштирак едәнләр Азәрбајҹан һөкумәтинин атдығы бу дүшүнҹәсиз вә гәрәзли аддымы мүзакирә едиб. Чыхыш едәнләр президент тәрәфиндән гадағалар јығынынын тәсдигләнмәсини Ислама гаршы мүһарибә кими дәјәрләндирибләр. Топлантынын сонунда бәјанат гәбул едилиб. Бәјанатда дејилир:
“Еј Бөјүк Халг! Сән сусдугҹа әријир, өз јохлуғуна сәс вермиш олурсан. Он милјон дөјүнән, севән, јанан гәлб һакимијјәт күрсүсүндән јапышмыш беш-он гәлбидашын әсири олуб. Бу ҝүн ишғал олунан тәкҹә Гарабағ дејил. Бу ҝүн бүтүн Азәрбајҹан ишғал алтындадыр. 20 %-и ермәниләрин, 80 %-и мәмурларын ишғалы алтында.
Бу ҹинајәткар һакимијјәт бүтүн ганунлары ајаг алтына алараг ән ибтидаи инсан һагларыны өз азғын нәфсинә јем едиб. Азадлыгдан дәм вурур, фаһишәләрә, һомосексуаллара азадлыг верир, диндарын өрпәјинә әл атырлар. Ана-баҹыларынын баш өртүјүнә узанан әлләр кәсилмәлидир. Гурани-Кәрим дини китаблардан тонгал чатанлары, мәсҹидләри учуранлары, данышанын дилини кәсәнләри ҹәһәннәм әзабы илә мүждәләјир.
Еј Азәрбајҹан Халгы, бу ҝүн сәнин сүкутун өз мәзлумијјәтини вә үзәринә дөвләт ады ҝөтүрмүш мәмур јығынынын ахирәт әзабыны артырыр. Сон гадаға јығыны бу өлкәдә һакимијјәтин сүгутуну даһа да јахынлашдырды. Ҝеријә јол јохдур. Чүнки бу режим бүтүн халга динсизликдән ибарәт олан әгидәсини гәбул етдирмәјинҹә ондан әл чәкән дејил. Буну Гуран бујурур: Сән онларын дининә табе олмајынҹа, нә јәһудиләр, нә дә хачпәрәстләр сәндән разы галмајаҹаглар. Де: “Јалныз Аллаһын һагг јолу доғру јолдур!” Әҝәр сәнә ҝәлән елмдән сонра онларын истәкләринә ујсан, сәни Аллаһдан нә бир горујан, нә дә бир хилас едән олар. («Бәгәрә» 120)
Азәрбајҹан руһани зүмрәсинә үз тутуруг: Буҝүнкү сүкутунуз сизин беш ҝүнлүк дүнјада раһат һәјатынызы тәмин етсә дә, Дин Ҝүнү үчүн пешманчылыг олаҹаг. Аллаһын Дини уғрунда, Һагг уғрунда конститусион һүгугларыныздан јарарланыб сәсинизи чыхарын!”
Һагг Јолу ЕМИ-нин мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
