Әһли Бејт -АБНА- хәбәр аҝентлијинин вердији хәбәрә әсасән: мәһкәмә просесиндә дөвләт иттиһамчысы илаһијјатчы Һаҹы Тале Бағырова 5, Елшән Аббасова исә 3 ил азадлыгдан мәһруметмә ҹәзасы истәјиб. Һаким сон гәрарыны вермәк үчүн 23 нојабр саат 11:00-а гәдәр мәһкәмәни тәхирә салыб.
Гејд едәк ки, “Һиҹаб Азадлыг” аксијасы бу ил мајын 6-да Тәһсил Назирлији гаршысында кечирилиб. Аксија илә бағлы Бакы Шәһәр Прокурорлуғунда иш ачылыб. Истинтаг групунун рәһбәри Бакы Шәһәр Баш Полис Идарәсинин истинтаг вә тәһгигат идарәсинин рәиси Назим Исмајыловдур. Руһани Тале Бағыров Азәрбајҹан Республикасынын Ҹинајәт Мәҹәлләсинин 221.2-ҹи маддәси илә (Бир груп шәхс тәрәфиндән хулиганлыг) вә 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), (3 илә гәдәр һәбс) иттиһам олунур. Һәбс едилдикдән сонра Һаҹы Тале барәсиндә әввәлҹә 15 сутка, даһа сонра исә 2 ајлыг һәбс гәтимкан тәдбири сечилиб вә Күрдәханы тәҹридханасына ҝөндәрилиб.
Диггәт: Хәбәрдән истифадә етдикдә мәнбәјә истинад лазымдыр
