Әһли Бејт -АБНА- хәбәр аҝентлијинин вердији хәбәрә әсасән:партија Хачмазын Асланоба кәндиндә 2 азјашлы гызыны зорлајан 39 јашлы Меһман Гоҹајевин төрәтдији әмәли кәскин писләјәрәк нараһатлығыны ифадә едиб. АИП гејд едиб ки, белә һаллары ҹәмијјәтимиздә баш верән ҹидди әхлаг проблемләринин олдуғунун ҝөстәриҹисидир: “Бу кими олајлар ҹәмијјәт үчүн чох бөјүк вә утандырыҹы ләкәдир вә бу, ҹәмијјәтин көкүнү балталајан һадисәдир”.
Ислам Партијасы бу кими һадисәләрин әсас сәбәби кими ҹәмијјәтдә Ислам маарифинин гаршысынын алынмасыны ҝөстәриб: “Әксәр телеканалларда вә диҝәр тәблиғат васитәләриндә мәнәвијјатымызын там әксинә тәблиғатын апарылмасы, бундан әлавә ади етик гајдалары вә Ислам дәјәрләринин ҹәмијјәтдә тәблиғ олунмамасы вә бунлара сүни шәкилдә мәһдудијјәтләрин гојулмасы белә һадисәләрә рәваҹ верән амилләрдән һесаб олуна биләр. Тәбии ки, фәрд олараг ичиндә виҹдан вә Аллаһа инам дашымајан шәхс, истәнилән мәнәвијјатсыз әмәлә имза ата биләр. Бунун үчүн ҹәмијјәтдә милли вә мәнәви дәјәрләр даһа чох тәблиғ олунмалы, инсанларын дини маарифләнмәсини ҝенишләндирмәк лазымдыр. Әкс һалда ҝәләҹәкдә дә белә түкүрпәдиҹи олајларын баш верәҹәји ҝөзләнилә биләр. Чүнки, мүсәлман олараг, Ислам дининдән нә гәдәр узаглашырыгса, онун дәјәрләри дүзҝүн гијмәтләндирилмирсә (бу дәјәрләр ҹәмијјәти фундаментал көкүнә бағлајыр вә Ислам әхлагыны тәлгин едир), белә негатив һаллар да баш вермәк еһтималыны чохалдыр”.
АИП бу кими һалларын сон ҝүнләр “Дини етигад вә виҹдан азадлығы” һаггында гануна мүртәҹе дәјишикликләрин нәтиҹәси һесаб едир. Партија ислам дининин маарифләнмәсини мәһдудлашдыран дәјишикликләр инсанларда динә гаршы горху јаратдығыны билдириб:
“Һесаб едирик ки, зијалылар, иҹтимаи тәшкилатлар, ушагларын һүгугларынын горунмасы илә мәшғул олан гејри-һөкумәт тәшкилатлары, Гафгаз Мүсәлманлары Идарәси бу вәһшилијә ҝөз јуммамалы вә дәрһал мүнасибәт билдириб, јахындан марагланмалыдырлар.”
АИП сијаси тәшкилат олараг, бүтүн ҹәмијјәти Хачмазда баш верән һадисәјә биҝанә олмамаға чағырыр.
Диггәт: Хәбәрдән истифадә етдикдә мәнбәјә истинад лазымдыр
