Әһли Бејт -АБНА- хәбәр аҝентлијинин вердији хәбәрә әсасән :ПрессТВ хәбәр каналы Бакынын Һејдәр Әлијев адына Бејнәлхалг Һава Лиманы рәсмиләринин Иранын Радио вә Телевизија Тәшкилатынын Бакы офисинин мүдири Әһмәд Каземинин өлкәјә ҝиришинә мане олмалары илә бағлы хәбәриндә билдириб ки, Азәрбајҹан Республикасы һөкумәти бу гејри-гануни һәрәкәтлә бағлы һеч бир ачыглама вермәјиб.
ПрессТВ даһа сонра билдириб ки, Азәрбајҹан Республикасы рәсмиләринин Иранын Радио вә Телевизија Тәшкилатынын Бакы офисинин мүдиринә Бакыја дахил олмаг иҹазәси вермәмәләри Азәрбајҹан Республикасы Президент Администрасијасынын сијаси-иҹтимаи шөбә мүдири Әли Һәсәновун Теһрана олан сон сәфәри заманы әлдә олунан медиа әмәкдашлығы анлашмасынын кобуд шәкилдә позулмасы демәкдир.
Бу анлашмаја әсасән ики өлкә арасында мүштәрәк медиа комитәсинин јарадылмасы һагда разылыг әлдә олунмушду вә Әһмәд Каземи Иранын бу комитәдәки нүмајәндәси тәјин едилмишди.
АранНеwс Хәбәр Аҝентлији дә Гафгаз мәсәләләри үзрә експерт Һәсән Ҝүли-јә истинадла јазыб ки, Әли Һәсәнов вә Иран рәсмиләринин медиа саһәсиндә икитәрәфли әмәкдашлыгларын ҝенишләндирилмәсинә тәкид етмәләринә бахмајараг, Иранын Радио вә Телевизија Тәшкилатынын Бакы офиси мүдиринин Азәрбајҹан Республикасындан депортасија едилмәси, бу өлкәдән диҝәр өлкәләрә сәфәр едән рәсми нүмајәндәләр тәрәфиндән сәсләндирилән фикирләрин бир сыра диҝәр Бакы рәсмиләри үчүн һеч бир дәјәрә малик олмадығыны ҝөстәрир.
Һәсән Ҝүли Иранын Радио вә Телевизија Тәшкилатынын Бакы офиси мүдиринин Азәрбајҹан Республикасындан чыхарылмасыны Азәрбајҹан Республикасында кечирилән Имам Һүсејн(ә) Ашурасы мәрасимләринин бу офис тәрәфиндән әкс етдирилмәси илә әлагәли һесаб едиб вә дејиб: Бу һәрәкәт рәсми Бакынын бејнәлхалг конвенсијалар вә ганунлара да лагејд јанашмасынын нишанәсидир вә бурадан да ајдын олур ки, Бакынын демократија илә бағлы иддиалары онларын истәкләри чәрчивәсиндә тәриф олунур.
Һ.Ҝүли әлавә едиб: Рәсми Бакынын бу һәрәкәти Азәрбајҹан Республикасы һөкумәтинин Иран илә әлагәләрин ҝенишләндирилмәсиндә мараглы олмасы илә бағлы иддиаларынын сәмими олмадығыны ҝөстәрир вә Бакынын бу мәсәләјә јенидән бахмајаҹағы тәгдирдә ики өлкә әлагәләри бөһрана сүрүкләнә биләр.
Бир сыра Иран сајтлары, о ҹүмләдән Әфкарнјус, Һәмәндиши, Фарс Хәбәр Аҝентлији, БибакНјус, РәҹаНјус, 598 вә диҝәр хәбәр сајтлары да бу һадисә илә бағлы хәбәрләри ишыгландырыблар.
Бу хәбәр сајтларынын експертләри Бакынын Иранын медиа нүмајәндәси гаршысындакы рәфтарына реаксија олараг, Азәрбајҹан Республикасынын Теһрандакы сәфирлијинин Иранын Хариҹи Ишләр Назирлијинә чағыртдырылмасыны вә бу өлкәнин Ирандакы медиа нүмајәндәсинин өлкәдән чыхарылмасыны истәјибләр.
Диггәт: Хәбәрдән истифадә етдикдә мәнбәјә истинад лазымдыр
