Әһли Бејт -АБНА- хәбәр аҝентлијинин вердији хәбәрә әсасән: Шејх һәзрәтләринин сон бәјанатына баханда белә тәсәввүр јараныр ки, мәсҹидләрә әзадарлыға топлананлар хулиганлар, вампирләр, гулдурлардыр. Шејх дејир: “Әҝәр динә, Аллаһа, “Гурани-Кәрим”ә һөрмәт едирләрсә, тәзијәләр Имам Һүсејнин истәдији формада кечирилсин. Јәни зәнҹир вурмаг, ган чыхармаг, күчәләрә чыхыб, сәс-күј салмаг олмаз. Чүнки бу бизим шәриәтә ујғун дејил” (Мусават) Неҹә олур ки, һиҹаб тәләб едән диндарын башына дубинка вуруб ган чыхармаг олар, амма әзадарлыгда зәнҹирә әл апармаг олмаз? Бу неҹә өлкәдир ки, диндарын башыны һөкумәт јара биләр, амма өзү јох?
Гәрибә бир һадисә дә баш вериб. Бу илин әввәләриндә өлкә башчысынын сәрәнҹамы илә Президентин Еһтијјат Фондундан Ҝәнҹәдәки Имамзадә түрбәсинин тәмиринә ајрылмыш 3 милјон манат вәсаит јоха чыхыб. Ҝәнҹәјә јени рәһбәр ҝәтирилән Елмар Вәлијев исә 3 милјонун талеји илә марагланыр. Иҹра башчысы Имамзадәнин ахунду Һаҹы Таһир Аббасову јанына чағырараг, јарымчыг галмыш тәмир ишләрини давам етдирмәсини тәләб едиб. Һаҹы Таһир исә буна имканынын олмадығыны билдирәрәк, тәмир ишинин бирбаша шәһәр иҹра һакимијјәтинә тапшырылдығыны хатырладыб. Елмар Вәлијев ахунддан тәләб едиб ки, нәзир гутуларына јығылан пуллар һесабына тәмир-бәрпа иши ҝөрмәлидир. Һаҹы Таһир Аббасов исә нәзир гутуларынын Гафгаз Мүсәлманлары Идарәсинин мөһүрү илә бағландығыны вә јалныз ГМИ-и әмәкдашларынын ачдығыны дејиб. Тәрәфләр арасында ҝедән мүбаһисә зәмининдә Елмар Вәлијев “Шејх, Шејх” дејән Һаҹы Таһирә “Шејх дә белә-белә олсун” дејиб. Ајдындыр! Бу һөкумәтин бүтүн тәмсилчиләри ајдындыр. Бу ајдын мүнасибәт Һаҹы Таһирин хәстәханаја дүшмәси илә нәтиҹәләниб. Имамзадәнин ахунду һазырда Бакыдакы хәстәханаларын бириндә мүалиҹә курсу кечир.
Хатырладаг ки, Һаҹы Таһир Аббасов Гафгаз Мүсәлманлары Идарәсинин рәһбәри Һаҹы Аллаһшүкүр Пашазадәнин Гәрб бөлҝәси үзрә сәлаһијјәтли нүмајәндәсидир.
Мөтәбәр мәнбәләрдән верилән мәлумата әсасән, бу инсидент Шејхә од гојуб. Дејиб ки, мәсҹидләри сөкдүнүз динмәдим, азаны кәсдиниз динмәдим, һиҹабы јығышдырдыныз динмәдим, руһаниләри шәрләјиб тутдунуз динмәдим, инди дә әл узатдыныз нәзир гутуларына?! Шејх сөз вериб ки, нәзир гутуларына узанан әлләри кәсәҹәк. Дејибсә кәсәр. Шејхдә ајдын олан бир хасијјәт вар: нәзир гутулары тохунулмазды! Амма Шејх ҹамаатын Ашура ҝүнү күчәләрә ахышмасыны “мәкруһ” сајанда унудуб ки, һәмин ҝүн гутулара нә гәдәр нәзир салыныр. Шејхә јүрүш гадағасыны сифариш едән һөкумәт бу зәрәри өдәјәҹәкми? Бу да ајдын дејил!
Диггәт: Хәбәрдән истифадә етдикдә мәнбәјә истинад лазымдыр
