Әһли Бејт -АБНА- хәбәр аҝентлијинин вердији хәбәрә әсасән: Британија рәсмиләри динҹ јүрүшә 135 мин дөвләт гуллугчусунун гатылдығыны десә дә, һәмкарлар иттифагы тезликлә тәтилә чыхан ишчиләрин 2 милјона чатаҹағыны билдириб. Күтләви нүмајишләр инсиденстиз өтүшмәјиб. Бир груп етиразчы Лондонун мәркәзиндә јерләшән Пәнтон Һаус адлы бинаја дахил олуб. Әлләриндә мүхтәлиф рәнҝли бајраглар вә плакатлар тутан етиразчылар пиләканлара галхараг бинанын дамына чыхмаға чалышыб. Һәмин групун архасынҹа дүшән полис етиразчылары дамдан дүшүрмәји баҹарыб. Лондон Полиси ән азы 52 нәфәрин сахланылдығыны хәбәр верир.
Бу арада үмумилли күтләви тәтил өлкәнин бир сыра сосиал-игтисади саһәләрини ифлиҹ едиб. Һава лиманларында ишчы гытлығы јашандығындан бир чох һава рејсләри тәхирә салыныб. Инҝилтәрәнин 10 миндән чох дөвләт акредитасијалы мәктәби тәтиллә бағлы мүвәггәти бағланыб
Диггәт: Хәбәрдән истифадә етдикдә мәнбәјә истинад лазымдыр
