Бәсиҹи тәләбәләрин бәјанаты

Әһли Бејт -АБНА- хәбәр аҝентлијинин вердији хәбәрә әсасән:Теһранын сәккиз бөјүк университетинин (Әлламә Тәбатәбаи, Сәнәти-шәриф, Имам Садиг (ә), Теһран, Сәнәти-Әмир Кәбир, Елм вә Сәнәт, Шәһид Беһишти вә Хаҹә Нәсир) бәсиҹи тәләбәләри бәјанат верәрәк, Азәрбајҹан Республикасы дөвләтинин исламофобија сијасәтләрини мәһкум етдиләр. Бу бәјанатда ҝәлиб: “Мәһәррәм ајынын башламасы илә Әба Әбдиллаһ Һүсејнин (ә) әзадарлыг бајраглары вә символлары, о һәзрәтин севәрләри вә вәфадарлары Иранын бүтүн шәһәр вә кәндләрини зинәтләндирмишдир. Дин мүбәллиғләри өлкәнин ән узаг нөгтәләриндә белә әһли-бејт (ә) достларынын руһларыны әһли-бејтин (ә) сәмави ајдын биликләри илә сираб едирләр. Ашура аб-һавасы мәсҹид вә һүсејнијјәләрә јени руһ бағышламыш, Кәрбала шәһидләринин әтри Иранын фәзасыны әтирләмишдир. Иранлылар өз вар-дөвләтини Һүсејн (ә) Тасуа вә Ашура мәрасимләринин даһа әзәмәтли кечмәси үчүн һазырлајыблар. Амма гоншу өлкә, Азәрбајҹан Республикасында бизим дин баҹы-гардашларымыз бир мүддәтдир ки, атеист коммунист һөкумәтинин бојундуруғундан азад олублар, лакин тәәссүфләр олсун ки, даһа бөјүк бәлаја дүчар олублар”.

Бәјанатын давамында Бакы дөвләтинин сионист режимлә олан ашкар вә ҝизлин әлагәләри бәрк тәнгид олунмуш, өлкәдән хариҹдә тәһсил алмыш руһаниләрин дини тәблиғини гадаған едән ганун лајиһәсинин гәбулу сионистләрә хидмәт едән бир аддым адландырылмышдыр.

Теһранын сәккиз бөјүк университетинин тәләбәләри бәјантларынын давамында Азәрбајҹан Республикасы дөвләтиндән дини гадағалары ләғв етмәсини тәләб етдиләр.

Бәјанатын сонунда белә дејилир: “Теһран университетләринин бәсиҹиләри Азәрбајҹан мүсәлманларынын һөкумәт тәрәфиндән дин әлејһинә олан ганунларын ләғви, дини ајинләрин, хүсусилә дә мәһәррәмликдә әзадарлыг мәрасимләринин азад кечирилмәси, Азәрбајҹан һөкумәтинин исламофобија сијасәтләринә етираз етдикләри үчүн һәбс олунанларын, хүсусилә дә һиҹаб мәһбусларынын гејдсиз-шәртсиз азад олунмасы барәдәки истәкләрини дәстәкләдијини билдирир, өлкә һөкумәтиндән тәләб едирик ки, нә гәдәр ки, ҝеҹ дејил Азәрбајҹан Республикасы халгынын гануни истәкләри гаршысында баш әјсинләр. Әкс тәгдирдә ҝәрәк дүнја мүсәлманларынын дини гејрәтләриндән ҹошан далғаларын онларын башларына төкүләҹәјинин интизарында олсунлар”.

 

Диггәт: Хәбәрдән истифадә етдикдә мәнбәјә истинад лазымдыр