Әһли Бејт -АБНА- хәбәр аҝентлијинин вердији хәбәрә әсасән:
Јахынларынын вердији мәлумата ҝөрә, Мөһсүн Новрузов доланышыг үчүн ишләтдији даш сехиндә верҝи мүфәттишләри јохлама апарыблар. Онлар верҝидән јајынма һаллары мүшаһидә едибләр. 3500 ҹәримә өдәмәсинә бахмајараг Һаҹы һәбс едилиб.
Сураханы Рајон Мәһкәмәсинин һөкмү илә М. Новрузов 2 ил мүддәтинә азадлыгдан мәһрум едилиб. Биринҹи мәһкәмә инстансијасынын һөкмүндән верилән апеллјасија шикајәти исә бахылмасы үчүн һаким Һәсән Әһмәдовун иҹраатына верилиб.
Иттиһама ҝөрә, Мәсим Дәмир оғлу Новрузов Ҹинајәт Мәҹәлләсинин 213.1-ҹи (хејли мигдарда верҝиләри вә ја мәҹбури дөвләт сосиал сығорта һагларыны өдәмәкдән јајынма) вә 310-ҹу (өзбашына өзүнүн вәзифәли шәхс кими тәгдим едилмәси вә ја вәзифәли шәхсин сәлаһијјәтләринин мәнимсәнилмәси илә әлагәдар физики вә ја һүгуги шәхсләрин һүгугларынын вә гануни мәнафеләринин әһәмијјәтли дәрәҹәдә позулмасына сәбәб олан һәрәкәтләр төрәтмә) маддәләри илә тәгсирләндирилиб.
Гејд едәк ки, Һаҹы Мөһсүн Новрузов, МТН тәрәфиндән һәбс олунан вә һазырда МТН тәҹридханасында сахланылан журналист Рамин Бајрамов вә руһани Абҝүл Сүлејмановун гајынатасдыр. Һәр үч аилә башчысынын һәбс олунмасы оналрын аиләсини чәтинликләрлә үзләшдириб. Һәмичинин һәбсинин сијаси характер дашыдығы дүшүнүлүр.
Диггәт: Хәбәрдән истифадә етдикдә мәнбәјә истинад лазымдыр
