Әһли Бејт -АБНА- хәбәр аҝентлијинин вердији хәбәрә әсасән: Радар системләриндә ишләјәҹәк һејәтлә ҝөрүшән Медведев, стансијанын дүзҝүн шәкилдә ишини вә вәзифәсини јеринә јетирәҹәјинә үмидини ифадә едиб. Медведевин әмриндән сонра Русија Һәрби Һава Гүввәләринә аид систем активләшдирилиб.
Инҝилтәрә, Шимал Африка вә бүтүн Авропа дахил олмагла 6 мин километр саһәни әһатә едән систем үч ајры радарын һиссәси кими ишләјәҹәк. 2011-ҹи илин сонуна гәдәр сынаг ишләрини давам етдирәҹәк Калининград радар стансијасы Санкт Петербург вә Краснодарда гурулан үчлү базанын парчасы олаҹаг.
Русија јахын ҝүнләрдә Калининград шәһәринә "Искәндәр" ракетләрини дә јерләшдирәҹәк.
Гејд едәк ки, Русија АБШ-ын гурмаға һазырлашдығы РӘМ системинин өзүнә гаршы олмадығына даир јазылы зәманәт алмаг истәјир. Јазылы зәманәт вермәји рәдд едән Вашингтон исә Москвадан јүксәлән сәрт тәнгидләрә бахмајараг, РӘМ системини гурашдырмагдан ҝери дурмајаҹагларыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
